ខេត្តក្រចេះ ៖ ប្រជាពលរដ្ននៅខេត្តក្រចេះបានឲ្យដឹងថា បច្ចុប្បន្នឈ្មួញរកស៊ីឈើដុះស្លែឈ្មោះ ស៊ាម គឹមទឹម បានលួចដឹកជញ្ជូនឈើនៅពេលយប់ឋ ពីឃុំក្បាលដំរី ស្រុកសំបូរ ខេត្តក្រចេះ យកទៅចែកចាយតាមបណ្ដាខេត្តមួយចំនួនដូចជាខេត្ត ត្បូងឃ្មុំ ខេត្តស្វាយរៀង និងខេត្តព្រៃវែង គ្មានសមត្ថកិច្ចណាហ៊ានប៉ះពាល់រោមជើងឡើយ។
ប្រភពបានឲ្យដឹងថា សូម្បីតែអាវុធហត្ថខេត្តក្រចេះ ដែលធ្លាប់បង្ក្រាបបទល្មើសដឹកជញ្ជូនឈើខុសច្បាប់ ក៏មិនហ៊ានប៉ះពាល់មេឈ្មួញ ស៊ាម គឹមទឹម នេះដែរ ហើយបច្ចុប្បន្នឈ្មួញនេះមានឃ្លាំងស្តុកឈើប្រភេទលេខ២ដ៏ធំមួយកន្លែងក្នុងភូមិស្រែស្បូវហើយបន្តដឹកជញ្ជូនឈើឆ្លងកាត់ក្រុងក្រចេះចេញទៅស្រុកយួនដោយគ្មានញញើតអ្វីទាំងអស់។
ប្រជាពលរដ្ឋបានរិះគន់ថា មានការឃុបឃិតបើកដៃពីមេព្រៃខេត្តក្រចេះ និងមេព្រៃស្រុកសំបូរ ខេត្តក្រចេះ ទើបឈ្មួញរកស៊ីឈើដុះស្លែឈ្មោះ ស៊ាម គឹមទឹម ដឹកឈើបានរលូន មិនដែលមានមន្ត្រីរដ្ឋបាលព្រៃឈើ ឬសមត្ថកិច្ចពាក់ព័ន្ធចាត់វិធានការបង្ក្រាបឡើ ។ ទន្ទឹមនិងនោះមេបញ្ជាការយោធាខេត្តក្រចេះក៏រងការរិះគន់ថាធ្វើជាខ្នងបង្អែកឲ្យឈ្មួញខាងលើផងដែរ។
ពាក់ព័ន្ធនិងការរឹះគន់របស់ប្រជាពលរដ្នយើងមិនអាចសុំការបំភ្លឺពីលោក ណៃ តឹងឡឹង មេបញ្ជាការយោធាខេត្តក្រចេះបានទេ ដោយគ្មានលេខទូស័ព្ទ តែយើងនិងព្យាយាម សុំការបំភ្លឺពីលោក៕
