ខេត្តកំពង់ធំ ៖ ប្រភពព័ត៌មានបានឱ្យដឹងថា ដោយមានការសម្រួលពីសមត្ថកិច្ចពាក់ព័ន្ធ ជាពិសេសខាងមន្ត្រី រដ្ឋបាលព្រៃឈើនៅក្នុងខេត្ត កំពង់ធំ ទើបគេឃើញការដឹក ជញ្ជូនផលនិងអនុផលព្រៃឈើ ខុសច្បាប់តាមរថយន្តនិងគោយន្តច្នៃពីពួកឈ្មួញរកស៊ីដឹកជញ្ជូន បទល្មើសព្រៃឈើមានភាពរលូន និងគ្មានឧបសគ្គមករារាំងនោះ ឡើយ ។
ទន្ទឹមនឹងនោះដែរ ការដឹកជញ្ជូនឈើខុសច្បាប់តាមក្បួនចុះ មកពីស្រុកសណ្តាន់ ឃុំសុចិត្រ តាមដងស្ទឹងជីនិតក៏មាន ភាព សស្រាក់សស្រាំ ដោយគេពុំ ឃើញមានជំនាញមេព្រៃនិង សមត្ថកិច្ចពាក់ព័ន្ធទប់ស្កាត់ឬ បង្ក្រាបនោះឡើយ ។
ក្បូនឈើទាំងនោះ ត្រូវ បានបណ្តែតតាមស្ទឹងជីនិតរួច លើកយកមកដាក់នៅភូមិស្រែ វាល ស្រុកចំការលើ ដើម្បីដឹក បន្តទៅទៀតរួចបើតាមសម្តី របស់កម្មករដែលជិះលើក្បូនបាន បង្ហើបអោយដឹងថាម្ចាស់ក្បូន បណ្តែតឈើពីកាត់នោះជារបស់ មេឈ្មួញរកស៊ីបទល្មើសព្រៃឈើ យ៉ាងដុះស្លែ គឺឈ្មោះ គី នៅ ស្រែវាល ស្រុកចំការលើ ខេត្ត កំពង់ចាមគេពូកែខាងរត់ការ បង់លុយអោយសមត្ថកិច្ចដែល ពាក់ព័ន្ធឈរជើងនៅតាមតំបន់ នោះជាហូរហែ ។
តាមប្រភពព័ត៌មានមួយបាន ឱ្យដឹងថា ជុំវិញការដឹងជញ្ជូន ឈើតាមក្បូននេះអ្នកយកពត៌មានក្នុងស្រុកបានទូរស័ព្ទរាយ ការណ៍ទៅលោក តឹប ញ្ញាតា នាយខ័ណ្ឌរដ្ឋបាលព្រៃឈើខេត្ត កំពង់ធំ ហើយលោកបានឆ្លើយ តាមទូរស័ព្ទថាលោកនឹងបញ្ជា អោយលោក ឈាង មាលា នាយសង្កាត់រដ្ឋបាលព្រៃឈើ ក្រយា ឱ្យចុះទៅមើលតែក្រោយ មកទូរស័ព្ទរបស់លោកនាយ ខ័ណ្ឌក៏បិទតែម្តងទៅ ។
តាមប្រភពព័ត៌មានពីប្រជា ពលរដ្ឋបានឱ្យដឹងថាការកាប់ បំផ្លាញព្រៃឈើនៅស្រុកសណ្តាន់ ខេត្តកំពង់ធំ មានមេឈ្មួញរកស៊ី ដុះស្លែបីរូបដែលរកស៊ីបទល្មើស ព្រៃឈើជាយូរយាណាស់មក ហើយ ដោយពួកគចេះសម្រប សម្រួលជាមួយសមត្ថកិច្ចជំនាញ ពាក់ព័ន្ធទើបការរកស៊ីរបស់ ឈ្មួញទាំងនោះមានភាពរលូន រហូត ។
កន្លងមក គេឃើញស្ថាប័ន អយ្យការអមសាលាដំបូងខេត្ត កំពង់ធំបានបញ្ចោញសាច់ដុំមួយ ប្រាវចាប់ពួកឈ្មួញធំៗរកស៊ីជួញ ដូរឈើខុសច្បាប់គឺតាមចាប់ដល់ ដេប៉ូលក់ឈើពេលនោះ ពួក ឈ្មួញរួញក្បាលដូចអណ្តើកក្នុង ស្នូក ប៉ុន្តែឥឡូវពួកឈ្មួញ មិន កោតញញើតនោះឡើយព្រោះ សមត្ថកិច្ចធ្វើបានតែមួយប្រាវ ប្រហែលជាអស់កម្លាំងពេកសម្ងំ ដេក ទើបពួកឈ្មួញបានដៃដឹក ជញ្ជូនឈើសស្រាក់សស្រាំឡើង វិញ ។
ចំណែកអស់លោកមេព្រៃ ជាទម្លាប់ទូរស័ព្ទចូលហើយ ច្រើនតែមិនលើកទូរស័ព្ទឬក៏បិទ ទូរស័ព្ទ ជាហេតុនាំឱ្យប្រជាពល រដ្ឋនាំគ្នានិយាយរិះគន់ថាសមត្ថ កិច្ចពាក់ព័ន្ធសម្រួលឱ្យឈ្មួញឈើ រកស៊ីបទល្មើសព្រៃឈើបាន យ៉ាងរលូន ។
ជាចុងក្រោយបងប្អូនប្រជា ពលរដ្ឋរស់នៅក្នុងខេត្តកំពង់ធំ បានសំណូមពរទៅឯកឧត្តម អ៊ុក សំអនអភិបាលនៃគណៈអភិបាល ខេត្តកំពង់ធំមេត្តាត្រួតពិនិត្យដល់ មន្ត្រីថ្នាក់ក្រោមរបស់លោកផង ព្រោះបទល្មើសព្រៃឈើបានកំរើក ឡើងវិញហើយ ៕
