ភ្នំពេញ ៖ កម្លាំងគណៈបញ្ជាការឯកភាពខណ្ឌឬស្សីកែវដឹកនាំដោយលោក ប្រាជ្ញ សីហា អភិបាលរងខណ្ឌ ចុះរដ្ឋបាលនៅក្នុងតំបន់មិនរៀបរយ បានធ្វើការឃាត់ខ្លួនមនុស្សប្រុសស្រី៣នាក់ ព្រមទាំងដកហូតវត្ថុតាងទូហ្គេមចំនួន៦គ្រឿងរួមនិងសម្ភារះមួយចំនួន ។
ការចុះធ្វើរដ្ឋបាលខាងលើធ្វើឡើងកាលពីវេលាម៉ោង៤រសៀលថ្ងៃទី១៤ ខែកុម្ភះ ឆ្នាំ២០១៩ នៅខាងក្រោយប៉ុស្តិ៍ទួលសង្កែ១ ភូមិផ្សារតូច សង្កាត់ទួលសង្កែ១ ខណ្ឌឫស្សីកែវ។ អាជ្ញាធរឱ្យដឹងថា ក្នុងការចុះរដ្ឋបាលខាងលើបានដកហូតទូហ្គេមចំនួន៦គ្រឿងក្នុងនោះ៤គ្រឿងជាប្រភេទហ្គេមបៀរនិង២គ្រឿងទៀតជាប្រភេទហ្គេមបាញ់ត្រី និងមនុស្សប្រុសស្រី៣នាក់ បន្ទាប់ពីឃាត់ខ្លួនអប់រំរួចដោះលែងវិញ ។
បច្ចុប្បន្ន សម្ភារៈដែលបានដកហូត រួមទាំងជនសង្ស័យ បាននាំខ្លួនទៅអធិការខណ្ឌឬស្សីកែវ ដើម្បីចាត់ការតាមនីតិវិធីច្បាប់ ៕
