ភ្នំពេញ ៖ វិរៈសិល្បករលោកតា ផ្លុង មឿក តារាកំប្លែងនិងអាយ៉ៃ បានទទួលមរណភាពហើយកាលពីយប់មិញ ។នេះបើយោងតាមការបង្ហោះនៅផេករបស់លោក អ៊ឹម ជីវ៉ា ។
តារាជើងចាស់រូបនេះ បានធ្លាក់ខ្លួនឈឺជាទម្ងន់ រហូតដល់ថ្នាក់វង្វេងលែងស្គាល់អ្នកណា តែទោះបីជាខិតខំព្យាបាលលោកយ៉ាងអស់ពីសមត្ថភាព យ៉ាងណាក្តី ក៏មិនអាចស្រោចស្រង់ជីវិតរបស់លោកបាននោះដែរ។
នាពេលនេះសពលោកតា ផ្លុង មឿក ត្រូវបានគ្រួសារដឹកមកតម្តល់នៅវត្តស្វាយពពែ សង្កាត់ទន្លេបាសាក់ខណ្ឌចំការមន រាជធានីភ្នំពេញដើម្បីធ្វើបុណ្យតាមប្រពៃណី ។
យើងខ្ញុំសុំចូលរួមរំលែកទុក្ខយ៉ាងក្រៀមក្រំជាមួយគ្រួសារសព នេះជាការបាត់បង់វិរៈសិល្បករដ៏ឆ្នើមដែលយើងខ្ញុំចងចាំជានិច្ច៕
