ខេត្តឧត្ដរមានជ័យ ៖ ពលរដ្ននៅសង្កាត់អូស្មាច់ ក្រុងសំរោង ខេត្តឧត្ដរមានជ័យ បានរាយការណ៏មកថា ៖រយះពេលមួយខែកន្លះមកហើយ បើគិតចាប់ពីដើមខែមករា មកដល់ពាក់កណ្ដាលខែកុម្ភះ ឆ្នាំ២០១៩ នេះ នៅតំបន់នគបាលវរៈការពារព្រំដែនគោកលេខ៧០២ ដែលគ្របគ្រងដោយលោកវរះសេនីយ៍ឯក គង់ សុខាន់ មានពលករកាប់ឈើក្រញូងចំនួន៨នាក់ហើយ ត្រូវយោធាថៃចាប់ខ្លួនបញ្ជូនយកទៅផ្ដន្ទាទោសទៅតាមច្បាប់ប្រទេសថៃ។
ប្រភពបានបង្ហើបអោយដឹងថា ដើមហេតុនិងជាមូលហេតុ នៅពីក្រោយនៃការចាប់ខ្លួន ពលករខ្មែរជាញឹកញាប់ពីសំណាក់យោធាថៃនោះ គឺមានមេឈ្មួញដុះស្លែបានប្រមូលទិញឈើប្រណិតផ្ដាច់មុខនៅតំបន់ នគបាលវរៈការពារព្រំដែនគោក៧០២ ។
ដោយសារតែមានមេឈ្មូញប្រមូលទិញឈើក្រញូងឈ្មោះឈឿង សក្ក័ នៅតំបន់នគបាលវរៈការពារព្រំដែលគោក៧០២ ដោយមិនមានការទទួលខុសត្រូវ និងមិនខ្វលអ្វីទាំងអស់ពីសំណាក់លោកលោកវរះសេនីយ៍ឯក គង់ សុខាន់ មេបញ្ជាការនគបាលវរៈការពារព្រំដែនគោក៧០២ នោះ ទើបបណ្ដាលអោយប្រជាពលរដ្ឋរស់នៅក្នុងសង្កាត់អូស្មាច់ ក្រុងសំរោង ខេត្តឧត្ដរមានជ័យ ទទួលរងគ្រោះដោយសារអាជ្ញាធរថៃចាប់ខ្លួនជាញឹកញាប់។ ជាក់ស្ដែង មួយខែកន្លងមកនេះ ត្រូវបានចាប់ខ្លួនរហូតដល់ចំនួន៨នាក់មកហើយ។
មេឈ្មួញប្រម៉ូលទិញឈើក្រញូងផ្ដាច់មុខ នៅតំបន់នគបាលវរៈការពារព្រំដែនគោក៧០២ ឈ្មោះឈឿង សក្ក័ កាលពីឆ្នាំ២០១៨ ត្រូវបានសមត្ថកិច្ចស្រុកអន្លង់វែង ចាប់បង្ក្រាបបានរថយន្ដដឹកឈើនាងនួនមួយលើករួចមកហើយ នៅគ្រាដែលដឹកឈើចូលស្រុកអន្លង់វែង។ រហូតទល់និងពេលនេះ ឈ្មោះឈឿង ស័ក្ក នៅតែល្បីឈ្មោះនៅតំបន់ខាងលើដដែល ដែលគេសង្ស័យថាបានត្រូវរ៉ូវគ្នា ជាមួយលោកវរសេនីយ៍ឯក គង់ សុខាន់ មេបញ្ជាការវរៈ៧០២ ច្រើនឆ្នាំមកហើយៗក៍មិនដែលមានករណីបង្ក្រាបឈើរបស់មេឈ្មួញនេះទេ។
លោកវរៈសេនីយ៍ឯក គង់ សុខាន់ មេបញ្ជាការនគបាលវរៈការពារព្រំដែនគោកលេខ៧០២ បានអោយបញ្តាញពត័មានដឹងថា ពលករភាគច្រើននាំគ្នាចូលតាមកន្លែងដែលគ្មានកងកំលាំងឈរជើង ហើយជាពិសេសដឹកតាមរថយន្ដចូលតាមច្រកទ្វា រអន្តរជាតិអូស្មាច់តែម្ដងដែលមិនមែនជាកន្លែងលោកទទួលខុសត្រូវនោះទេ។
ចំណែកលោក ឈឿង សក្ក័ មិនអាចសុំការបំភ្លឺបានទេ ព្រោះពុំមានលេខទូរសព្ទ័៕
