ខេត្តកោះកុង ៖តាមសេចក្តីរាយការណ៍ពី ប្រជាពលរដ្ឋបានឱ្យដឹងទៀតថា បច្ចុប្បន្នទំនិញគេចពន្ធសម្ភារៈ សំណង់ និងម៉ូតូស៊េរីថ្មី នៅតែ បន្តហូរចូលពីប្រទេសថៃ តាម ច្រករបៀងនានានៅខេត្តតាម ផ្លូវគោកក៏ដូចជា តាមផ្លូវទឹក ដោយមានសមត្ថកិច្ចជំនាញមួយ ចំនួនជាអ្នកសម្របសម្រួលឱ្យពួក ឈ្មួញទាំងនោះនាំចូលគេចពន្ធ ដោយរលូនបណ្តាលឱ្យរដ្ឋបាត់ បង់ចំណូលពន្ធចូលថវិការដ្ឋ យ៉ាងច្រើន ។
បញ្ហាអសកម្មខាងលើ លោកមេគយធំដែលទើបឡើង កាន់តំណែងថ្មីត្រូវតែពិនិត្យនិង មានវិធានការណ៍ទប់ស្កាត់ឱ្យ មានប្រសិទ្ធភាពផង ព្រោះនេះ ជាអំពើពុករលួយស៊ីរូងផ្ទៃក្នុង ដែលធ្វើឱ្យរដ្ឋខាតបង់ចំណូល ថវិកា ចំណែកមន្ត្រីពុករលួយ បែរជាសម្ងំទទួលលាភសក្ការៈ យ៉ាងត្រជាក់ចិត្តទៅវិញ ។
ម៉ូតូនិងទំនិញគ្មានពន្ធស្ទើរ តែគ្រប់ប្រភេទត្រូវគេកត់សម្គាល់ ឃើញថា បាននឹងកំពុងសម្រុក ចូលពីប្រទេសថៃមកប្រទេស កម្ពុជាយ៉ាងគគ្រឹកគគ្រេងទាំង យប់ទាំងថ្ងៃតាមច្រកខេត្តកោះ កុងដោយពុំមានការទប់ស្កាត់ពី មន្ត្រីពាក់ព័ន្ធពិសេសគឺមន្ត្រីគយ តែម្តង ។
បើយោងតាមប្រជាពលរដ្ឋ ឱ្យដឹងថា ទំនិញគ្មានពន្ធជាច្រើន ប្រភេទ ដូចជា ស្រា ស្រាបៀរ គ្រឿងភេសជ្ជៈ ឥវ៉ាន់ចាប់ហួយ សម្ភារៈសំណង់និងម៉ូតូសេរីថ្មីៗ ផងនោះត្រូវបានក្រុមឈ្មួញនាំ ចូលពីប្រទេសថៃតាមច្រករបៀង នានា ក្នុងខេត្តកោះកុង ដោយ ដឹកតាមរថយន្តវីហ្គោ ឬលុច ស៊ីស យកមកធ្វើការចែកចាយ នៅទីរួមខេត្តកោះកុងព្រមទាំង យកទៅធ្វើការចែកចាយឱ្យម៉ូយ នៅតាមបណ្តាខេត្តនានា ព្រម ទាំងរាជធានីភ្នំពេញផងដែរ ។ ដោយគ្រាន់តែពួកឈ្មួញទាំង នោះបង់សំណែនទៅឱ្យសមត្ថកិច្ច តាមច្រក និងតាមផ្លូវប៉ុណ្ណោះ។
ចំពោះបញ្ហានេះលោកប៉ាង វ៉ាន់ថន ប្រធានសាខាគយនិង រដ្ឋាករខេត្តកោះកុងបានមាន ប្រសាសន៍ធ្វើដូចជាមិនដឹងថា សព្វថ្ងៃលោកពុំបានដឹងទេពីការ រកស៊ីដឹកទំនិញគេចពន្ធរបស់ពួក ឈ្មួញទាំងអស់នោះ។ លោកថា ព័ត៌មាននេះ គឺលោកទើបតែ បានដឹងតាមរយៈអ្នកកាសែតនេះ ប៉ុណ្ណោះហើយថា លោកបាន ចាត់ឱ្យមន្ត្រីរបស់លោកចុះទៅ ធ្វើការស្រាវជ្រាវ បើសិនជារក ឃើញថាមិនបានបង់ពន្ធមែន លោកនឹងចាត់វិធានការភ្លាម ។
ប្រសាសន៍របស់លោកប្រធាន សាខាគយនិងរដ្ឋាករខេត្តកោះ កុងនេះត្រូវបានប្រជាពលរដ្ឋរស់ នៅក្នុងខេត្តកោះកុង ដែលបាន ដឹងរឿងរិះគន់ថាវាគ្រាន់តែជា លេសដោះសារយករួចខ្លួនរបស់ គាត់តែប៉ុណ្ណោះ តាមពិតរឿង នេះគាត់បានដឹងច្បាស់ណាស់ ព្រោះឈ្មួញដែលរកស៊ីនាំចូល ទំនិញគេចពន្ធទាំងនោះស្ទើរតែ ដុះស្លែអស់ហើយមិនមែនទើបតែ ចាប់ផ្តើមរកស៊ីនោះទេ ៕
