ខេត្តកំពង់ធំ ៖ ការឈូសឆាយដីព្រៃនៅតំបន់វាលលើក្នុងភូមិត្រពាំងត្រុំ ឃុំពពក ស្រុកស្ទោង ខេត្តកំពង់ធំ ក្រោមការឃុបឃិតគ្នារវាងអាជ្ញាធរ ភូមិ ឃុំ បើកដៃអោយពួកឈ្មួញឈូសឆាយដីល្មើសច្បាប់ក្នុងរូបភាព កន្ទេលធំបន្លំដេក ក្បាលទំពែកបន្លំកោរ កំពុងមានសកម្មភាពយ៉ាងអាណាធិបតេយ្យ ។
អ្នកសារព័ត៏មានបានចុះដល់ទីតាំងឈូសឆាយដីព្រៃមួយកន្លែង ហើយតាមលិខិតសុំច្បាប់គឺសុំឈូសឆាយដីត្រឹមតែ៥ហិចតា កន្លះ តែជាក់ស្តែងការឈួសឆាយដីព្រៃរហូតដល់រាប់សិបហិចតាឯណោះ ឯការសុំច្បាប់វិញគឺពុំមានឆ្លងដល់ស្រុកនោះទេ មានត្រឹមតែភូមិនិងឃុំតែប៉ុណ្ណោះ។
លោក កែវ នន មេឃុំពពក មិនអាចសុំការបំភ្លឺបានទេ ដោយសារលោកមិនលើកទូរស័ព្ទ មិនដឹងថាគាត់ជាប់រវល់ឬមិនហ៊ានលើកទូស័ព្ទនោះទេ។
លោក ណែត សារី អភិបាលស្រុកស្ទោង បានប្រាប់អ្នកសារព័តមានក្នុងកិច្ចសម្ភាសថា លោកនិងអោយកម្លាំងជំនាញនិងកម្លាំងស្រុកចុះទៅពិនិត្យមើល បើសិនជាមានការឈូសឆាយដីព្រៃល្មើសច្បាប់អនុញាតិនោះ លោកនិងដកហូតជាទុកជាសម្បត្តិរដ្នវិញ។ លោកក៏បានបញ្ចាក់ថា ក្រៅពីសមត្ថកិច្ចជំនាញ អ្នកដ៏ទៃមិនអាចចុះឆែកឆេរ ពិនិត្យឯកសារគេដោយគ្មានបទបញ្ចាពីថ្នាក់លើទេ ។ប៉ុន្ដែត្រូវបានមហាជនយល់ថា ដោយសារការមិនអោយគេពិនិត្យនេះហើយ ទើបឈ្មួញបានដៃឈូសឆាយដីព្រៃបំពានច្បាប់ ម្យ៉ាងទៀតដីនេះក្នុងពាក្យសុំច្បាប់ពុំមានការសម្រេចពីអភិបាលស្រុកនោះទេ។
លោក ប៉ា ណូរ៉ា ម្ចាស់ដី យើងមិនអាចសុំការបំភ្លីបានទេ ដោយសារយើងព្យាយាមតេទូរស័ព្ទចូលច្រើនដងតែមិនលើកទូរស័ព្ទ។
មតិមហាជនបានថ្លែងថា រាល់ការឈូសឆាយដីព្រៃដែលមានច្បាប់អនុញាតិសុទ្ធបំពានច្បាប់គ្រប់ពេល ក្នុងអំឡុងសុំច្បាប់វិញ មិនទាន់ចេញអោយផង ការឈូសឆាយព្រៃជិតរួចរាល់បាត់។ ដួច្នេះមហាជនសំណូរពរដល់ អាជ្ញាធរ ស្រុក ក៏ដូចជាអាជ្ញាធរ ភូមិ ឃុំ ឬ ខេត្ត គួរពិនិត្យមើលទង្វើទាំងនេះផង ៕
