ខេត្តព្រះសីហនុ ៖ នៅថ្ងៃទី២៧ ខែមករា ឆ្នាំ២០១៩ ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មាធិការជាតិគ្រប់គ្រងតំបន់ឆ្នេរសមុទ្រកម្ពុជា បានអញ្ជើញចុះពិនិត្យការងារសាង់សង់ស្ថានីយបូមទឹកកខ្វក់ចំនួន ៤ទីតាំង និងការកែលម្អនូវស្ថានីយប្រព្រឹត្តកម្មទឹកកខ្វក់ក្រុងព្រះសីហនុទំហំ ១៦ហិកតា ចម្រោះឲ្យបានល្អ កុំឲ្យប៉ះពាល់ដល់ទឹកសមុទ្រ ព្រមទាំងបានផ្តល់នូវអនុសាសន៍ណែនាំដល់មន្ត្រីជំនាញ និងអង្គភាពពាក់ព័ន្ធឱ្យបន្តយកចិត្តទុកដាក់ និងខិតខំប្រឹងប្រែងអនុវត្តន៍ការងារសាងសង់ និងស្តារឡើងវិញ ឱ្យសម្រេចបានក្នុងពេលឆាប់ៗខាងមុខនេះ ដើម្បីរក្សាឱ្យបាននូវបរិស្ថានល្អ សោភ័ណភាពតំបន់ឆ្នេរ និងសុខុមាលភាពរបស់ប្រជាពលរដ្ឋនៅក្នុងក្រុងព្រះសីហនុ៕
