ខេត្តកំពត ៖ ប្រជាពលរដ្ននៅខេត្តកំពតបានដាក់ការសង្ស័យថា កាស៊ីណូមួយកន្លែងសិ្ថតនៅភូមិព្រែកគ្រឹស្ត ឃុំព្រែកគ្រឹស្ត ស្រុកកំពង់ត្រាច ខេត្តកំពត (ហៅច្រកតន់ហន់) មិនមានច្បាប់អនុញ្ញាត្តនោះឡើយពីព្រោះកាស៊ីណូនេះបើកលេងល្បែងជាច្រើនដូចជា តៃយស៊ីវ អាប៉ោង យូគី និង សង្វៀនមាន់ជល់ ដែលជាល្បែងពួកជនបរទេសមិនចេះលេង ហើយ បើកលេងជាច្រើនឆ្នាំមកហើយ ដោយមានប្រជាពលរដ្ឋខ្មែរនាំគ្នាចូលលេងយ៉ាងច្រើនកុះករល្មើសនិងច្បាប់រដ្ឋ។
អាជ្ញាធរជាច្រើននាក់បានលួចខ្សឹបបា្រប់ថា បើសិនល្បែងកាស៊ីណូនោះមានច្បាប់ ចុះហេតុអ្វីមិនដាក់សញ្ញាមុខកាស៊ីណូនោះទៅ បានជាមិនបានដាក់កាស៊ីណូឈ្មោះអ្វី នេះហើយសឃើញថាកាស៊ីណូនោះពិតជាអត់ច្បាប់មែន មានម៉ូតូរាប់រយគ្រឿង និងរថយន្តជាច្រើនគ្រឿង ប្រជាពលរដ្ឋ ខ្មែរនាំគ្នាសំរុកចូលទៅលេងល្បែងគ្រប់ប្រភេទម៉ាសេរីពុំមានការហាមឃាត់នោះឡើយ ។
អាជ្ញាធរនៅតំបន់ខាងលើដោយមិនបញ្ចេញឈ្មោះនិយាយថា កាស៊ីណូព្រំប្រទល់កម្ពុជា និងវៀតណាម (តន់ហន់) បើកលេងអត់ច្បាប់ដោយមានលោកធំពាក់ផ្កាយនៅភ្នំពេញជាអ្នកកាងពីក្រោយ ហេតុដូច្នោះបានជាអាជ្ញាធរ ស្រុកកំពង់ត្រាច និងខេត្តកំពត មិនហ៊ានបង្រ្កាបដោយសារខ្លាចអំណាច សមនិងបានលាភសក្ការះផងនោះក៏បានបិទភ្នែកធ្វើមិនដឹងមិនលឺទៅ។ ប្រជាពលរដ្ឋនិងអាជ្ញាធរតូចតាចនិយាយថា មិនគួរឲ្យបើកកាស៊ីណូអត់ច្បាប់នោះឡើយ ម៉្យាងវិញទៀតធ្វើឲ្យខាតបង់ថវិកាជាតិជាច្រើនរាប់ម៉ឺនដុល្លារក្នុងមួយឆ្នាំៗ តែបែរជាប្រាក់ចំណូលពីកាស៊ីណូនោះធ្លាក់ទៅលើខោប៉ាវអស់លោកធំៗទៅវិញ ក្រសួងមហាផ្ទៃគួរណាមានវិធានការទប់ស្កាត់ឲ្យទាន់ពេលវេលា បើពុំដូច្នោះទេ ថវិការាប់ម៉ឺនដុល្លារនោះបាត់បង់ដោយសារតែអស់លោកធំមួយចំនួនឃុបឃិតគ្នាបិទបាំងដើម្បីប្រយោជន៏ជាមិនខានឡើយ ។
ម្ចាស់កាស៊ីណូដែលបើកលេងបានអួតប្រាប់អ្នកញៀនល្បែងខាងលើថា គេបើកកាស៊ីណូនោះបានអាស្រ័យមានខ្នងអស់លោកធំជាខ្នងបង្អែកកាងឲ្យ មិនចាំបាច់ទៅសុំអាជ្ញាប័ណ្ណរត់ច្បាប់នាំឥតប្រយោជន៏ឡើយ ។
ចំណែកលោក ជាវ តាយ អភិបាលខេត្តកំពត មិនអាចសុំការបំភ្លឺបានទេ ព្រោះពុំមានលេខទូរសព្ទ័៕
