ខេត្តស្ទឹងត្រែង ៖ កម្លាំងចម្រុះដឹកនាំដោយ លោក ជា ពេជ្រ ព្រះរាជអាជ្ញា រងខេត្តស្ទឹងត្រែងបានចុះបង្ក្រាប ទីតាំងសិប្បកម្មឈើគ្មានច្បាប់ មួយកន្លែង ដោយរឹបអូសបាន ឈើប្រណិតប្រមាណជាង ៥០០កំណាត់ ស្ថិតនៅចំណុច ភូមិថ្មី សង្កាត់ស្ទឹងត្រែង ខេត្ត ស្ទឹងត្រែង ចំងាយប្រហែល ២០០ម៉ែត្រ ពីសត្តឃាតបញ្ជូន ទៅកាន់រដ្ឋបាលព្រៃឈើខេត្ត កាលពីពេលថ្មីៗនេះ ។
ក្រោយពីមានការបង្ក្រាប ខាងលើនេះ ប្រជាពលរដ្ឋបាន គាំទ្រចំណាត់ការរបស់សមត្ថ កិច្ចដើម្បីរក្សាការពារព្រៃឈើឱ្យ នៅគង់វង្សតែក៏នៅមានសិប្ប កម្មកែច្នៃឈើគ្មានច្បាប់ជាច្រើន កន្លែងទៀត ដែលសមត្ថកិច្ច ជំនាញនិងសមត្ថកិច្ចពាក់ព័ន្ធមិន ទាន់បានធ្វើការបង្ក្រាបនៅ ឡើយ ។
តាមប្រភពព័ត៌មានឱ្យដឹង ថា ជនជាតិវៀតណាមមួយរូប ឈ្មោះ ជីវ បានជួលទីតាំងខាង លើធ្វើសិប្បកម្មកែច្នៃឈើឥត ច្បាប់ជាយូរមកហើយ ប៉ុន្តែមេ ព្រៃពុំធំក្លិននោះឡើយ ទើបតែ ពេលនេះបានបែកធ្លាយដល់ សមត្ថកិច្ចក៏ឈានទៅធ្វើការ បង្ក្រាបតែម្តង ចំណែកម្ចាស់ សិប្បកម្មដែលជាជនជាតិវៀត ណាមបានបិទសាប៊ូគូទគេចខ្លួន ពេលដែលសមត្ថកិច្ចចុះបង្ក្រាប។
មន្ត្រីខណ្ឌរដ្ឋបាលព្រៃឈើ បានឱ្យដឹងថាឈើប្រណិតដែល បង្ក្រាបបាននេះជាប្រភេទឈើ ធ្នង់មានចំនួនជាង ៥០០ដុំ នឹង ដកហូតរថយន្តសាំយ៉ុងពណ៌ស គ្មានស្លាកលេខ ១គ្រឿង ម៉ូទ័រ ឈូស ២គ្រឿង ម៉ូទ័រសំលៀង ១គ្រឿង ម៉ាស៊ីនតាបវៀល ១ គ្រឿងដឹកបញ្ជូនទៅកាន់រដ្ឋបាល ព្រៃឈើខេត្តស្ទឹងត្រែង ។
បច្ចុប្បន្ន វត្ថុតាងរួមមានឈើប្រណិតចំនួន ៥៧៧ ដុំ ស្មើនឹង ៨,៧០៦ម៉ែត្រគូប និងវត្ថុតាង ផ្សេងទៀត ត្រូវបានកម្លាំង ជំនាញដឹកជញ្ជូនយកទៅរក្សា ទុកក្នុងខណ្ឌរដ្ឋបាលព្រៃឈើខេត្ត រួចរាល់ហើយ ។
នៅខេត្តស្ទឹងត្រែងគេឃើញ មានសិប្បកម្មកែច្មៃឈ្នើជាច្រើន កន្លែង ចំពោះសិប្បកម្មអត់ច្បាប់ ត្រូវបានសមត្ថកិច្ចធ្វើការបង្ក្រាប ជាបន្តបន្ទាប់ ប៉ុន្តែក៏នៅមាន សិប្បកម្មអត់ច្បាប់ជាច្រើន កន្លែងទៀតដែលជំនាញមើល មិនឃើញ ឬធ្វើជាមើលមិនឃើញ ចំណែកសិប្បកម្មមានច្បាប់វិញ គឺមានតែច្បាប់ធ្វើអាជីវកម្ម ចំណែកការប្រមូលទិញឈើ ប្រណីតចូលមកក្នុងសិប្បកម្ម ដើម្បីកែច្នៃគឺពុំមានប្រភពដើម ច្បាស់លាស់នោះឡើយ ពួកគេ ប្រមូលទិញឈើពីគ្រប់ទិសទី ដែលជាកត្តាមួយជម្រុញឱ្យមាន ការកាប់បំផ្លាញព្រៃឈើយ៉ាង អនាធិបតេយ្យ សូមលោកអភិ បាលខេត្តស្ទឹងត្រែងពិនិត្យករណី នេះផង បើពឹងលើសមត្ថកិច្ច ជំនាញហាក់គ្មានអើពើពីបញ្ហា ថាតើសិប្បកម្មនាំចូលឈើមកពី ប្រភពមានច្បាប់អនុញ្ញាតដូចជា ព្រៃសម្បទានដែរឬអត់ ៕
