ខេត្តកំពង់ធំៈ ៖ នាព្រឹកថ្ងៃទី១៤ ខែមករា ឆ្នាំ២០១៩ ប្រជាការពារភូមិនិងប្រជាពលរដ្ឋជាង១០០នាក់ រស់នៅភូមិខ្សាច់ជី ឃុំកំពង់គោ ស្រុកកំពង់ស្វាយ ខេត្តកំពង់ធំ ទទួលបានឯកសណ្ឋាននិងសម្លៀកបំពាក់ ម្នាក់មួយឈុត ក្រោមការចំណាយផ្ទាល់របស់ក្រុមប្រឹក្សាឃុំកំពង់គោ ។
លោក ជុត ប៊ុនថាំ ទំទប់ទី១ ឃុំកំពង់គោ បានលើកឡើងថា ក្រោមការយកចិត្តទុកដាក់របស់ថ្នាក់នាំរាជរដ្ឋាភិបាលនិងអាជ្ញាធរខេត្ត បានគិតគូរអំពីសុខទុក្ខរបស់បងប្អូនប្រជាពលរដ្ឋ និងបានលើកទឹកចិត្តដល់ប្រជាការពារភូមិដែលបានលះបង់ពេលវេលា ដោយមិនគិតថ្ងៃឬយប់ ដើម្បីចូលរួមចំនែកការពារសន្តិសុខ សុវត្ថិភាព ក្នុងការទប់ស្កាត់បង្ក្រាបបទល្មើសផ្សេងៗ ដោយពុំមានប្រាក់ខែទេនោះ ថ្ងៃនេះអាជ្ញាធរខេត្ត តាមរយៈក្រុមប្រឹក្សាឃុំកំពង់គោ បានចុះផ្តល់ឯកសណ្ឋាន និងវិទ្យុទាក់ទងជូនដល់ពួកគាត់ម្នាក់មួយឈុត និងសម្លៀកបំពាក់មួយកំប្លេ ដើម្បីលើកទឹកចិត្តដល់គ្រួសារទីទាល់ក្រ ចាស់ជរា ជួយរំលែកការលំបាកបានមួយគ្រាផងដែរ។
លោក ជុត ប៊ុន ថាំ ប្រធានក្រុមប្រឹក្សាឃុំបានថ្លែងបន្តថា នៅពេលខាងមុខនេះ គឺអំឡុងចុងឆ្នាំ២០១៩ អាជ្ញាធរឃុំ បានគ្រោងសាងសង់ស្ពានអូរតូច និងផ្លូវក្រាលគ្រួសក្រហម មានប្រវែងជាង១០គីឡូម៉ែត្រ ដើម្បីសម្រួលដល់ការធ្វើដំណើររបស់បងប្អូន ងាយស្រួលដឹកជញ្ជូនដំណាំកសិផលទៅកាន់ទៅផ្សារទាន់ចិត្ត ទាន់ពេលវេលាផងដែរ។
ក្នុងពិធីនេះដែរ លោកក៏បានធ្វើការណែនាំដល់ប្រជាការពារភូមិទាំងអស់ អោយគោរពវិន័យ ស្តាប់បទបញ្ជារបស់កម្លាំងនគរបាល កងរាជអាវុធហត្ថ និងអាជ្ញាធរមូលដ្ឋាន ឲ្យបានត្រឹមត្រូវ តែប្រសិនបើ បទល្មើសជាក់ស្តែង អាចឃាត់ខ្លួនសិន ហើយរាយការណ៏ទៅសមត្ថកិច្ចតាមក្រោយ។
ជាមួយគ្នានេះដែរ ប្រជាពលរដ្ឋបានសម្តែងការសាទរ ដល់អាជ្ញាធរឃុំ ដែលបានគិតគូរពីសុខទុក្ខប្រជាពលរដ្ឋ ដូចជាគម្រោងធ្វើស្ពាន ផ្លូវគ្រួសក្រហម នាពេលឆាប់ៗខាងមុខនេះ៕ (ដោយ តេច ឆេង )
