ខេត្តកំពង់ធំ ៖ ប្រពន្ធ័លូអមសងខាងផ្លូវជាតិលេខ6 នៅទីប្រជុំជនផ្សារតាំងគោក ឃុំសូយោង និងទីប្រជុំជនផ្សារំលង ស្ថិតនៅចំណុចផ្សាររំលង ឃុំទ្រៀល ស្រុកបារាយណ៍ ខេត្តកំពង់ធំ កំពុងរងការខូចខាតបាក់ស្រុតជាច្រើនកន្លែងនិងកកស្ទះសំរាមនិងដីពេញក្នុងលូ ដោយមិនបានស្តារចេញ ធ្វើអោយចរន្តទឹកហូរទៅណាមិនរួច ចំណែកមន្ទីសាធារណៈការខេត្តបានដាក់គំរប់លូហើយ និងមួយចំនួនមិនត្រូវបានដាក់និងស្តារនោះឡើយ។
មហានបានរិះគន់ទៅលើមន្ទីសាធារណៈការនិងដឹកជញ្ជូនខេត្តកំពង់ធំ ម៉ិចក៏មិនស្តារអោយហើយទៅចាំដាក់គំរប់លូជាក្រោយ ចំណែកគំរបលូដែលដាក់រួចហើយក៏មិនមានគុណភាពទៀត។
លោក កូឡា ប្រធានមន្ទីសាធារណៈការខេត្តកំពង់ធំ អ្នកសារពត័មានសុំការបំភ្លឺតាមរយៈទូរសព្ទ័ តែលោកមិនលើក។
ប្រជាពលរដ្ឋដែលរស់នៅតាមបណ្តាទីប្រជុំជនផ្លូវជាតិលេខ6សំណូមពរជូនដល់ឯកឧត្តម សុខ លូ អភិបាលនៃគណៈអភិបាលខេត្តកំពង់ធំ មេត្តាជួយសម្រួលនិងចាត់វិធានការដល់មន្រ្តីស្ពឹកស្រពន់នៅមន្ទីសាធារណៈការផង។
នៅរដូវវស្សាម្តងៗ មានក្លិនស្អុយដោយទឹកនិងសំរាមកកស្ទះក្នុងលូ បណ្តាលអោយប៉ះពាល់ដល់សុខភាពប្រជាពលរដ្ឋ និងសោភណ័ភាពផ្លូវជាតិដែលភ្ញៀវជាតិនិងភ្ញៀវអន្តរជាតិឆ្លងកាត់មកកំសាន្តនៅប្រាសាទសំបូព្រៃគុកនិងប្រាសាទអង្គវត្ត ខេត្តសៀមរាប អោយស្របតាមពាក្យស្លោក ផ្សារស្អាត ទីក្រុងស្អាត និងបរិស្ថានល្អ នៃព្រះរាជាណាចក្រកម្ពុជា៕ ដោយ តេច ឆេង
