ដូចពាក្យចាស់លោកតែងតែពោលថា«ជុងវាមិនដែលភ្លេចកុកនោះទេ»ហើយគុកក៏នៅតែបើកទ្វាររងចាំជនល្មើសជាប់ជានិច្ច ចំណែកឆ្កែកន្ទុយខ្វៀននៅតែខ្វៀន សារធាតុចោរគឺនៅតែចោរមិនព្រមកែរខ្លួន យ៉ាងណាម៉ិញដូចជាករណីយុវជនឈ្មោះ ផុន អណ្តែត ភេទប្រុសអាយុ២០ រស់នៅភូមិព្រៃព្រាល ឃុំត្រពាំងឬស្សី ស្រុកកំពង់ស្វាយ ធ្លាប់ជាប់ពន្ធនាគាពីបទចោរកម្ម លួចខ្សែករប្រជាពលរដ្ឋ លុះចេញពីគុកវិញក៏លួចម៉ូតូ ប្រជាពលរដ្ឋទៀតយកទៅលក់ចាយអស់ក៏ត្រូវជាប់ខ្នោះជាលើកទី២!
លោកវរៈសេនីយ៏ឯក កែ ខាន់ណារ៉ាស្នងការងទទួលបន្ទុកព្រហ្មទណ្ឌបានឲ្យដឹងថា!បន្ទាប់ពីបានទទួលពាក្យបណ្តឹងពីខាងជនរងគ្រោះឈ្មោះ សូ ស្រីមុំ ភេទស្រីអាយុ៤១ឆ្នាំរស់នៅភូមិព្រៃបន្លិច សង្កាត់អាចរ្យលាក់ ក្រុងស្ទឹងសែន បានបាត់ម៉ូតូម៉ាកយ៉ាម៉ាហាពណ៌ខ្មៅពាក់ផ្លាកលេខកំពង់ធំ1E3164 នៅចំនុច ភូមិក្តីដូង ឃុំក្តីដូង ស្រុកកំពង់ស្វាយកាលពីថ្ងៃទី១៩ ខែគុម្ភៈ ឆ្នាំ២០១៤រួចមក ឯកឧត្តម ឧត្តមសេនីយ៏ត្រី ផាន់ សុផេង ស្នងការនៃស្នកការដ្ឋាននគរបាលខេត្តកំពង់ធំបានដាក់បទបញ្ជាឲ្យតាមដានស្រាវជ្រាវរកមុ ខសញ្ញាចាប់ជនសង្ស័យយកមកផ្តន្ទាទោសទៅតាមផ្លូវច្បាប់ឲ្យខានតែបាន រហូតមកដល់ល្ងាចថ្ងៃទី២៨ ខែមេសា ឆ្នាំ ២០១៤ ទើបជនសង្ស័យឈ្មោះ ផុន អណ្តែត បន្ទាប់ពីគេចខ្លួនអស់១រយៈពេលកន្លងមកនោះបាន វិលចូលលំនៅដ្ឋានវិញ ដែលមានអស័យដ្ឋានភូមិព្រៃព្រាល ឃុំត្រពាំងឬស្សីខាងលើ ក៏ត្រូវសមត្ថកិច្ចចាប់វាយខ្នោះជាលើកទី២រួចបញ្ជូនមកកាន់ស្នងការរដ្ឋានខេត្តដើម្បីចងក្រងសំនុំរឿងបញ្ជូនបន្តរទៅកាន់សាលាតំបូងខេត្ត ឲ្យទៅសម្រាកនៅក្នុងពន្ធនាគារសាជាថ្មីម្តងទៀត!
ប្រជាពលរដ្ឋសំនូមពរដល់ប្រព័ន្ធតុលាកាធ្វើយ៉ាងណាចាត់វិធានការឲ្យបានតឹងរឹងបំផុតចំពោះជនល្មើស ដើម្បីឲ្យពួកគេរាងចាល នៅពេលដែលចេញពីពន្ធនាគារមកវិញនោះ កែប្រែខ្លួនធ្វើជាមនុស្សល្អ ជាបុគ្គលម្នាក់ដែលមានប្រយោជន៏ដល់សង្គមជាតិ!បើច្បាប់នៅតែធូរលុងរបៀបនេះ នោះជនល្មើសក៏នៅតែមិនខ្លាចក្រែងរអែងច្បាប់នោះដែរ! ដូចជាករណីខាងលើនេះលួចគេចាប់បានដាក់គុកជាង១ឆ្នាំ ចេញពីគុកមកវិញ នៅតែលួចដដែល!ដែលជាការធ្វើឲ្យប្រព័ន្ធច្បាប់មិនមានប្រសិទ្ធភាពចំពោះជនល្មើស ៕
ដោយ សុផាត
