ស្រុកគីរីសាគរ ៖ តំណាងសហគមន៍ដីធ្លីមួយ រូបដែលមានទំនាស់ដីធ្លីដ៏រ៉ាំរ៉ៃជា មួយក្រុមហ៊ុន S.E.Z របស់ មហាសេដ្ឋី លី យ៉ុងុផាត់ ស្ថិតនៅឃុំព្រែកខ្សាច់ ស្រុកគីរីសាគរ ខេត្តកោះកុង ត្រូវបានតុលា ការខេត្តសម្រេចឃុំខ្លួនជាបណ្តោះ អាសន្ន កាលពីព្រឹកថ្ងៃទី ២៧ ខែតុលា ឆ្នាំ២០១៤ បន្ទាប់ពី តុលាការកោះហៅមកបំភ្លឺ ។
នៅពេលនោះដែរ មាន ប្រជាពលរដ្ឋប្រមាណជាង ៥០ នាក់តំណាងអោយ១៣៥គ្រួសារ បានលើកគ្នាមកតវ៉ាសុំលើក លែងការចោទប្រកាន់នៅមុខ សាលាដំបូងខេត្តកោះកុង និង មុខសាលាខេត្ត ដោយមានខ្លះ កាន់បដាដោយសរសេរថា សុំ អន្តរាគមន៏ពីប្រមុខរដ្ឋាភិបាល ហើយខ្លះទៀតកាន់រូបសម្តេច ហ៊ុន សែន និង លោកជំទាវ ហើយដោយស្រែកទាមទារយុត្តិ ធម៌ជូនលោក ផន ណុល ដែល ជាជនត្រូវចោទ ។
តំណាងសហគមន៏ដីធ្លីដែល ត្រូវចោទប្រកាន់មានឈ្មោះ ផន ណុល ភេទប្រុស អាយុ៤៨ឆ្នាំ ជាជនពិការដៃឆ្វេងផងនោះ បច្ចុប្បន្នរស់នៅភូមិយាយសែន ឃុំព្រែកខ្សាច់ ស្រុកគីរីសាគរ ខេត្តកោះកុង ត្រូវបានលោក ខាំ សុផារី ចៅក្រមស៊ើបសួរចេញ ដីការបង្គាប់អោយឃុំខ្លួនតាម ការចោទប្រកាន់ពីតំណាងអយ្យ ការអមសាលាដំបូងខេត្តពីបទ លួចហើយត្រូវបញ្ជូនទៅឃុំខ្លួន បណ្តោះអាសន្ននៅពន្ធនាគារ ខេត្តកាលពីព្រឹកម៉ោងប្រមាណ ជាង ១០ ៖១៥ នាទី ថ្ងៃទី២៧ ខែតុលាឆ្នាំ២០១៤ នេះ ។
គួររំលឹកផងដែរថា ការ ចោទប្រកាន់លោក ផន ណុល ឈានដល់ការឃុំខ្លួននេះគឺផ្តើម ឡើងពីទំនាស់ដីធ្លីដ៏រ៉ាំរ៉ៃចាប់ តាំងពីឆ្នាំ២០០៧ ម្ល៉េះ ដែល ក្រសួងបរិស្ថានបានផ្តល់ដីសម្ប ទានទំហំ ៩៩៧៧ហិកតាអោយ ក្រុមហ៊ុន S.E.Z របស់លោក លី យ៉ុងផាត់ កាលពីឆ្នាំ២០១០ នៅចំណុចភូមិយាយសែន ឃុំ ព្រែកខ្សាច់ ស្រុកគីរីសាគរ ខេត្ត កោះកុងក្នុងគោលបំណងអភិវឌ្ឍន៏ដំណាំកសិឧស្សាហកម្ម ។
លោក អ៊ិន គង់ជិត អ្នក សម្របសម្រួលអង្គការលីកាដូ ប្រចាំខេត្តកោះកុងបានឱ្យដឹង និងអះអាងថាជនត្រូវចោទខាង លើមិនបានប្រព្រឹត្តិបទល្មើសដូច ការចោទប្រកាន់នោះទេលោក បានបន្តថាហេតុការណ៏នេះកើត នៅថ្ងៃទី២៤ ខែមករា ឆ្នាំ២០១៤ ចំណុចភូមិយាយសែនដោយ ប្រជាពលរដ្ឋប្រមាណជាង៦០ នាក់ បាននាំគ្នារារាំងសកម្មភាព របស់ក្រុមហ៊ុន ដែលសាងសង់ របងបិទផ្លូវភូមិរបស់ពួកគាត់ ហើយ ខណៈពេលនោះសកម្ម ភាពរបស់ក្រុមហ៊ុនមិនបានឈប់ ទេហើយក្រុមប្រជាពលរដ្ឋក៏បាន នាំគ្នាដកហូតសម្ភារៈសំណង់ មួយចំនួនបម្រុងទៅតំកល់ទុក នៅប៉ុស្តិ៍ប៉ូលីសឃុំព្រែកខ្សាច់ តែប៉ូលីសមិនទទួល ហើយពួក គាត់ក៏បន្តយកសម្ភារៈទាំងនោះ ទៅរក្សាទុកនៅផ្ទះអនុប្រធាន ភូមិឈ្មោះ លឿ នីន ។
កន្លងមក អាជ្ញាធរខេត្តក៏ បានចុះសិក្សាស្រាវជ្រាវពីការប៉ះ ពាល់ដីជាមួយប្រជាពលរដ្ឋចំនួន ១៣៥គ្រួសារ ស្ថិតនៅភូមិយាយ សែន ឃុំព្រែកខ្សាច់ ដើម្បីរក ដំណោះស្រាយផងដែរតែរហូត មកដល់ពេលនេះនៅតែមិនទាន់ មានដំណោះស្រាយគឺបានធ្វើឱ្យ ប្រជាពលរដ្ឋ រង់ចាំយូរ ។
តំណាងពលរដ្ឋបានអំពាវ នាវដល់ប្រមុខរាជរដ្ឋាភិបាល កម្ពុជាមេត្តាអន្តរាគមន៏ជួយរក យុត្តិធម៌ជូនពួកគាត់ផងពីព្រោះ សព្វថ្ងៃប្រជាពលរដ្ឋពឹងផ្អែកតែ លើដីស្រែចំការសម្រាប់បង្កបង្កើន ផលចិញ្ចឹមជីវិតតែប៉ុណ្ណោះ ។
តំណាងសហគមន៏បានបន្តថា នៅថ្ងៃបន្តបន្ទាប់ ពួកគាត់នឹង បន្តធ្វើការតវ៉ាកាន់តែច្រើនឡើងៗ បើសិនជាគ្មានដំណោះស្រាយពី អាជ្ញាធរទេ ចំណែកសាលាដំបូង ខេត្តក្រៅពីឃុំខ្លួនបណ្តោះអាសន្ន ប្រជាពលរដ្ឋ ១រូប និងបន្តកោះ ហៅពលរដ្ឋ ៣រូបទៀត ឱ្យចូល ខ្លួនម្នាក់ម្តងមកឆ្លើយបំភ្លឺនៅថ្ងៃ ខាងមុខទៀត ។
វិបត្តិដីធ្លីរវាងប្រជាពលរដ្ឋ ជាមួយក្រុមហ៊ុនលោក លី យ៉ុង ផាត់ គឺជាទំនាស់ដីធ្លីដ៏រ៉ាំរ៉ៃដែល មតិជាតិនិងអន្តរជាតិកំពុងចាប់ អារម្មណ៍យ៉ាងខ្លាំងចំណែកក្រុម ហ៊ុនបរទេសធំៗដែលទទួលទិញ ស្ករសក៏ត្រូវអូសទាញឱ្យចូលក្នុង ព្រឹត្តិ ការណ៍ខាងលើនេះដែរ ៕
