ខេត្តកោះកុង ៖ សំណង់កំពង់ផែឯកជនជា ច្រើនកន្លែង ស្ថិតតាមបណ្តោយ ឆ្នេរកោះប៉ោ ជិតនឹងកំពង់ផែ ដងទង់ ក្នុងសង្កាត់ដងទង់ ក្រុម ខេមរភូមិន្ទ ត្រូវគេរាយការណ៍ មកថាកំពុងតែសាងសង់ដោយ គ្មានច្បាប់ក្រោមការឃុបឃិតពី អាជ្ញាធរ និងមន្ត្រីពាក់ព័ន្ធ ។
យោងតាមសេចក្តីរាយការ ណ៍សំណង់កំពង់ផែគ្មានច្បាប់ ទាំងនោះមានខ្លះបានសាងសង់ ជិតរួចរាល់ទៅហើយ ដោយគេ មិនបានឃើញអាជ្ញាធរពាក់ព័ន្ធ ធ្វើការហាមឃាត់នោះឡើយ ដែលវាហាក់បីដូចជាមានអ្នកធំ ណាម្នាក់នៅពីក្រោយខ្នងយ៉ាង ដូច្នោះ ។
ចំពោះការសាងសង់កំពង់ ផែឯកជនគ្មានច្បាប់នេះ លោក មេភូមិ២ នៃសង្កាត់ដងទង់ បាន ឱ្យដឹងថាសំណង់កំពង់ផែឯកជន នៅក្នុងមូលដ្ឋានរបស់លោក សរុបមានចំនួន៦កន្លែង ហើយ ទីតាំងដែលកំពុងសាងសង់មាន លក្ខណះរឹងមាំ គឺមាន ២កន្លែង ចំណែកមានច្បាប់ ឬអត់ច្បាប់ នោះលោកមិនដឹងនោះទេព្រោះ គេមិនដែលទំនាក់ទំនងថ្នាក់មូល ដ្ឋាន ។ ចំណែកលោក ហាក់ បូរ៉ា ប្រធានការិយាល័យភូមិ បាលក្រុងខេមរភូមិន្ទបានមាន ប្រសាសន៍ថារឿងសំណង់កំពង់ ផែគ្មានច្បាប់នៅសង្កាត់ដងទង់ នោះ លោកបានចេញលិខិតឱ្យ ផ្អាកការសាងសង់ចំនួន៣ដងរួច មកហើយ ប៉ុន្តែគេនៅតែលួច សាងសង់ទៀត ។
ដោយឡែក លោក កែ ពុទ្ធី ប្រធានមន្ទីរដែនដីនគរូបនីយកម្ម សំណង់និងសុរិយោដីខេត្តកោះ កុងបានមានប្រសាសន៍ថាករណី សំណង់កំពង់ផែខុសច្បាប់នោះ លោកកំពុងតែរៀបចំឯកសារ ពាក់ព័ន្ធដាក់ជូនលោកអភិបាល ខេត្ត ដើម្បីសម្រេចហើយ ។
តែទោះជាយ៉ាងណាក៏ដោយ បើយោងតាមប្រភពមួយ ថា សំណង់កំពង់ផែខុសច្បាប់ ស្ថិតតាមបណ្តោយឆ្នេរកោះប៉ោ ជិតនឹងកំពង់ផែដងទង់ ក្នុង សង្កាត់ដងទង់ ក្រុមខេមរភូមិន្ទ នោះគឺមានការឃុបឃិតអនុញ្ញាត ពីប្រធានសំណង់ខេត្តកោះកុង លោក ប៊ុន ឈឿន និងអភិបាល រងក្រុងខេមរភូមិន្ទ លោក ប៉ែន ប៊ុនឈួយតែម្តង ។ បើមិនដូច្នេះ ទេ មិនមែនសំណង់ខុសច្បាប់ធំៗ ទាំងនោះអាចដំណើរការសាង សង់ចប់ចុងចប់ដើមដោយរលូន គ្មានការរារាំងពីសមត្ថកិច្ចពាក់ ព័ន្ធដូច្នេះទេ ។
ចំពោះការចោទប្រកាន់នេះ សារព័ត៌មានខ្មែរ៧មករា មិន អាចទាក់ទងសុំការបំភ្លីពីលោក ប៊ុន ឈឿន ប្រធានសំណង់ខេត្ត កោះកុង និងលោក ប៉ែន ប៊ុន ឈួយ អភិបាលរងក្រុងខេមរ ភូមិន្ទបានទេ ៕
