ខេត្តព្រះសីហនុ ៖ យោងតាមការចុះផ្សាយរបស់ផេកអគ្គស្នងការនគរបាលជាតិ ដោយសារតែរឿងគំនុំផ្ទាល់ខ្លួនជនជាតិចិនម្នាក់ បានយកកាំបិតកាចែតកាប់ទៅលើជនជាតិចិនម្នាក់ទៀត បណ្តាលឲ្យរបួសធ្ងន់ ហើយបានស្លាប់ពេលបញ្ជូនទៅសង្គ្រោះនៅមន្ទីរពេទ្យបង្អែកខេត្ត ។ ហេតុការណ៍នេះ បានកើតឡើងនៅវេលាម៉ោង ០០និង៣០នាទី ចូលថ្ងៃទី ០២ ខែធ្នូ ឆ្នាំ២០១៨ ស្ថិតនៅភូមិ៤ សង្កាត់៤ ក្រុងព្រះសីហនុ។
បន្ទាប់ពីទទួលព័ត៌មាន កម្លាំងជំនាញផែននគរបាលព្រហ្មទណ្ឌ បានសហការជាមួយកម្លាំងអធិការនគរបាលក្រុងព្រះសីហនុ បានស្រាវជ្រាវឃាត់ខ្លួនជនសង្ស័យ ជាដៃដល់ ១នាក់ ។ ជនសង្ស័យឈ្មោះ LI RUMING ភេទប្រុស អាយុ២៤ឆ្នាំ ជនជាតិចិន មុខរបរបុគ្គលិកភោជនីយដ្ឋាន HU MING TAN ។ ជនរងគ្រោះឈ្មោះ WA RONG ភេទប្រុស ជនជាតិចិន មុខរបរជាបុគ្គលិកភោជនីយដ្ឋាន HU MING TAN ដូចគ្នា។មូលហេតុ: គំនុំ ។វត្ថុតាងចាប់យក ៖ កាំបិតកាចែត ១ ( ឧបករណ៍ សម្លាប់មនុស្ស ) ករណីនេះកំពុងបន្តនីតិវិធីនៅការិយាល័យព្រហ្មទណ្ឌកម្រិតស្រាល៕
