ខេត្តបាត់ដំបង ៖ ក្រុមកម្មករប្រុសស្រីជាង ៥០០នាក់ផ្ទុះធ្វើកូតុកម្មទាមទារ ឡើងប្រាក់ខែ ១០០ដុល្លារ និង បើកអោយបានត្រឹមត្រូវ កាលពី ព្រឹកថ្ងៃទី ២៧ ខែតុលា ឆ្នាំ ២០១៤ នៅមុខរោងចក្រស្បែក ជើងអ៊ែរ៉ូសហ្វ សាំមីត ហ្វូតវែរ ភូមិវាលវង់ ឃុំសាស្តា ស្រុក សំពៅលូន ខត្តបាត់ដំបង ។
ប្រភពពីកម្មករបានឱ្យដឹងថា រោងចក្រស្បែកជើងខាងលើ បានដំណើរការ២ឆ្នាំមកហើយ កាលថៅកែថៃ កាន់ផ្ទាល់បាន សន្យាលើកដំបូងថា កម្មករដែល ចូលធ្វើការងារសាកល្បងរយៈ ពេលចំនួន ៣ខែ គិតប្រាក់ ៩៥ ដុល្លារ ក្នុង១ខែ ចំពោះប្រាក់ក្រៅ ម៉ោងគិតផ្សេងសរុបមកថៅកែ ថៃគិតប្រាក់ទាំងអស់ជាង២០០ ដុល្លារក្នុង១ខែ ។ ពេលធ្វើការងារបាន៣ខែ ក្លាយជាកម្មករពេញសិទ្ធទទួល ប្រាក់ខែ១០០ដុល្លាមិនកាត់ប្រាក់ ថ្ងៃឈប់សំរាកបុណ្យទាននិងថ្ងៃ ឈប់ឆ្លងទន្លេនិងមានប្រាក់ឧបត្ថ មធ្វើការក្រៅម៉ោងថែមទៀត ផង ។ កម្មករឱ្យដឹងថា ប្រាក់ខែ កន្លងមកបាន ចំនួន ១០៧ដុល្លារ បើកមិនគ្រប់ទេដោយមេកាគេ កាត់ថ្ងៃឈប់សំរាកបុណ្យ៤ថ្ងៃ បើកប្រាក់ខែគិតតែ ២៦ថ្ងៃ ។
កម្មករអ្នកតវ៉ាឱ្យដឹងទៀត ថា ទោះជាមិនបានឡើងប្រាក់ ខែក៏សូមបើក១០០ដុល្លាឱ្យគ្រប់ មិនត្រូវមានការកាត់កងអ្វីទាំង អស់ ។
លោក ហុង សុគុណ ប្រធានមន្ទីរការងារខេត្តបាត់ដំបង និងលោក ផន សម័យ ប្រធាន សហជីពកម្មបានសម្តែងការគាំទ្រ ចំពោះការតវ៉ារបស់កម្មករដែល កម្មករទាំងនោះមិនធ្វើអ្វីបង្កឱ្យ ហួសហេតុលើសពីការទាមទារ តាមកិច្ចសន្យាហើយសំណូមពរ សុំជួយដោះស្រាយបញ្ហាទាំង នេះជូនកម្មករផងដែរ ។ ប៉ុន្តែ តំណាងក្រុមហ៊ុនរោងចក្រ ស្បែកជើង អ៊ែរ៉ូសហ្វ សាំមីត ហ្វូតវែរ ដែលមានឈ្មោះ ផៃ ជាជនជាតិខ្មែរមិនអោយខាង សហជីពកម្មករនិងមន្ទីរការងារ ខេត្តបានជួបថៅកែរបស់ខ្លួន ឡើយ ហើយនិយាយ មួយៗថា លោកគិតចាំមើលសិនរហូតដល់ រសៀលថ្ងៃដដែលមិនមានដំណោះ ស្រាយណាមួយជូនពួកកម្មករ ឡើយ ៕
