ខេត្តព្រៃវែង ៖ នាព្រឹកថ្ងៃទី១២ ខែវិច្ឆិកា ឆ្នាំ២០១៨ គណៈកម្មការវាយតម្លៃ Guinness World Records បានប្រកាសទទួលស្គាល់ទូក ង (Dragon Boat) មានឈ្មោះ «កម្ពោជិកបុត្តាខេមរាតរី» ដែលមានអត្ថន័យថា «ទូកងរបស់កូនខ្មែររស់នៅក្នុងដែនដីកម្ពុជា»ថាជាទូកវែងជាងគេបំផុតក្នុងពិភពលោក ទូក «ង» ដែលបានបំបែកឯតទគ្គកម្មនិងកត់ត្រា នៅក្នុងសៀវភៅ World Guinness Record ដែលជាមទនភាពរបស់ប្រជាជនខ្មែរ។
ពីធីបើកសម្ពោធជាផ្លូវការ និងបំបែកកំណត់ត្រាឯតទគ្គកម្មជា ទូកងវែងជាងគេលើពិភពលោក ដោយមានវត្តមានដ៏ខ្ពង់ខ្ពស់ពីឯកឧត្តម ហ៊ុន ម៉ានី តំណាងរាស្ត្រនិងជាប្រធានសហពន្ធ័យុវជនកម្ពុជានិងវត្តមានសម្តេចក្រឡាហោម ស ខេងឧបនាយករដ្ឋមន្ត្រី រដ្ឋមន្ត្រីមហាផ្ទៃ ចូលរួមជាកិត្តិយសក្នងពិធីនោះផងដែរ។
ទូកងដែលចាត់ទុកថាវែងនេះមានប្រវែងរហូតដល់៨៧.៣ម៉ែត្រ, ទទឹង១.៩៤ ម៉ែត្រ និងជម្រៅ០.៨ម៉ែត្រ ត្រូវរចនាឡើងដោយផ្នែកខាងក្បាលទូកធ្វើជាក្បាលនាគ និងកន្ទុយហង្ស ប្រកបដោយក្បូរក្បាច់រចនាល្អប្រណិត ដែលផ្ទុកចំណុះបាន ១៧៩នាក់ ។
ទូកងវែងជាងគេលើលោកកើតឡើងដោយការផ្ដួចផ្ដើមកសាងដោយលោក ស សុខា កាលនៅជាអ្នកតំណាងរាស្ត្រមណ្ឌលព្រៃវែង និងគណកម្មការសាលាខេត្ត សហការជាមួយសហភាពសហព័ន្ធយុវជនកម្ពុជាខេត្តព្រៃវែង ។
ដោយឡែកក្នុងពិធីនោះដែរ តារាសម្តែងលោក ហម ឈរ៉ា និងកញ្ញា ហ៊ិន ច័ន្ទនីរ័ត្ន ត្រូវបានតែងតាំងជាទូតសុច្ឆន្ទៈទូកង វែងជាងគេ ដើម្បីបំបែកឯតទគ្គកម្មពិភពលោក ឈរលើស្មារតីរួមគ្នា ដើម្បីមោទនភាពជាតិ គណៈកម្មការផលិតទូកង ។ តារាទាំងពីរសម្តែងជាតួអង្គព្រះបាទជ័យវរ្ម័នទី៧ : លោក ហម ឈរ៉ា តួព្រះនាងឥន្ទ្ររទេវី : កញ្ញា ហ៊ិន ចន្ទ័នីរត្ន័ ៕
