ខេត្តព្រះសីហនុ ៖ ប្រជាពលរដ្ឋចំនួន២០គ្រួសារដែលកំពុងរស់នៅអចិន្ត្រៃយ៏នៅចំណុចអន្លង់ប្រង់ ស្ថិតនៅភូមិព្រែកទល័ ឃុំទឹកថ្លា ស្រុកព្រៃនប់ ខេត្តព្រះសីហនុ មានការព្រួយបារម្មណ៏យ៉ាងខ្លាំង ដោយខ្លាចបាត់បង់ដីធ្លីលំនៅដ្ឋាន ដែលជាទីជំរកស្នាក់នៅរបស់ពួកគាត់ ខណៈដែលកងកម្លាំងចំរុះស្រុកព្រៃនប់ខេត្តព្រះសីហនុ រួមនិងឃុំទឹកថ្លា បានមកបញ្តេញពួកគាត់ឲ្យចាកចេញពីលំនៅដ្ឋានជាបន្ទាន់។
តាមប្រភពពត័មានបានឲ្យដឹងថា កាលពីថ្ងៃទី24 ខែតុលា ឆ្នាំ2018 កងកម្លាំងចំរុះស្រុកព្រៃនប់ ខេត្តព្រះសីហនុ បានទៅចំណុច{ អន្លង់ប្រង់’}ស្ថិតក្នុងភូមិ ព្រែកទល័ ឃុំទឺកថ្លា ស្រុកព្រៃនប់ ខេត្ត ព្រះសីហនុ ដោយបញ្ជាឲ្យប្រជាពលរដ្ឋចំនួនម្ភៃគ្រួសាររុះរើផ្ទះរបស់ពួកគាត់ ដែលកំពុងតែរស់នៅអាស្រ័យផលសព្វថ្ងៃ ព្រមទាំងបង្ខំឲ្យពលរដ្ឋផ្តិតមេដៃយល់ព្រមរុះរើផ្ទះចាកចេញ ដោយឲ្យសំណងផ្ទះតូចឲ្យមួយលានរៀល បើផ្ទះធំឲ្យពីរ លានរៀល ព្រមទាំងដាក់ឧសានវាទទុករយ:ពេលឲ្យប្រជាពលរដ្ឋរុះរើផ្ទះចេញ ចំនួនពីរអាទីត្យ បើផុតឧសានវាទ បើពលរដ្ឋមិនព្រមរុះរើផ្ទះចេញទេ ពួកគេនិងមករុះរើដោយពួកគេផ្ទាល់តែម្តង ។
តាមការរៀបរាប់ពីប្រជាពលរដ្ឋរស់នៅលើដីនោះបានប្រាប់ថា ពួកគាត់បានកាប់ឆ្ការំលើងគល់ឈើដាំដំណាំអាស្រ័យផលរស់នៅជាអចិន្ត្រៃយ៌ ព្រមទាំងសាងសង់លំនៅដ្ឋានប្រកបរបរចិញ្ចឹមជីវិត ពុំឃើញមានក្រុមហ៊ុនណារឺស្ថាបន័ណាមកទាមទារដីនោះឡើយ ព្រមទាំងមានមេភូមិទទួលស្គាល់ និងបានចូលរួមបោះឆ្នោតបំពេញតួនាទីជាពលរដ្ឋល្អថែមទៀតផង ក៏ប៉ុន្តែនៅពេលដែលដីនៅខេត្តព្រះសីហនុឡើងថ្លៃកប់ពពក ស្រាប់តែលេចចេញកងកម្លាំងចំរុះស្រុកព្រៃនប់មកបញ្តេញប្រជាពលរដ្ឋឲ្យចាកចេញពីដីលំនៅដ្ឋាន ដោយថាប៉ះពាល់ដល់ដីក្រុមហ៊ុន តែពលរដ្ខមិនដឹងថាក្រុមហ៊ុនណាមួយនោះឡើយ។
ប្រជាពលរដ្ឋទាំងម្ភៃគ្រួសារដែលរស់នៅចំណុចខាងលើ សូមលើកម្រាមដៃដប់សំពះសំណូមពរដល់សម្តេចតេជោ ហ៊ុន សែន នាយករដ្ឋមន្ត្រី និងសម្តេចគតិបណ្ឌិត ប៊ុនរ៉ានី ហ៊ុនសែន មេត្តាជួយអន្តរាគមន៏អោយពួកយើងខ្ញុំជាប្រជាពលរដ្ឋរស់នៅទីនេះបានសុខនិ ងជួយផ្តល់បណ្ណ័កម្មសិទ្ធស្របច្បាប់ផង ។
សារពត័មាន គេហទំពរ័យើង ពុំអាចសុំការបំភ្លឺពីសមត្ថកិច្ចមូលដ្ឋានបានឡើយ តែនិងព្យាយាមសុំការពន្យល់នៅពេល
ផ្សាយលេខក្រោយ៕
