ខេត្តសៀមរាប ៖ ផ្លូវមិត្តភាពកម្ពុជាកូរ៉េ មួយខ្សែដែលជាអំណោយរបស់រដ្ឋាភិបាលនៃសាធារណរដ្ឋកូរ៉េ ដែលបានផ្តល់ ជូនប្រជាជនខេត្តសៀមរាបក្នុងការចូលរួមកិច្ចអភិវឌ្ឍន៍លើវិស័យទេសចរណ៍ ត្រូវបានទទួលរងគ្រោះទឹកជំនន់នាចុង ឆ្នាំ២០១៣ ហើយបានរងការខូចខាតយ៉ាងធ្ងន់ធ្ងរ ដែលធ្វើចរាចរណ៍យ៉ាងលំបាកវេទនា ហើយគេដឹងថា ផ្លូវមួយខ្សែនេះគ្រប់គ្រងដោយអាជ្ញាធរអប្សរា ។
ផ្លូវមួយខ្សែដែលជាអំណោយរបស់សាធារណរដ្ឋកូរ៉េនេះ ក្រុមបច្ចេកទេសជំនាញជួសជុលផ្លូវ របស់អាជ្ញាធរអប្សរាបានធ្វើ ការជួសជុលជាប្រចាំ តែពុំធានានូវគុណភាពផ្លូវឡើយ បានកាន់តែធ្វើឲ្យខូចខាតធ្ងន់ទៅៗដោយកំហុសបច្ចេកទេស ។
ផ្លូវមួយខ្សែនេះ ចាប់ពីចំណុចផ្លូវភូមិភាគ ស្ថិតក្នុងភូមិវាលសង្កាត់គោកចក ឆ្ពោះទៅភ្ជាប់ផ្លូវជាតិលេខ៦ នៅត្រង់ ចំណុចសាលាអនុវិទ្យាល័យ ហ៊ុន សែន គ្រួសស្ថិតក្នុងភូមិគ្រួស សង្កាត់ស្វាយដង្គំ ក្រុង ខេត្តសៀមរាប ។ ជំនន់ទឹកបាក់ទំនប់ទ្វារទឹកតាកាវ នៅរាត្រីថ្ងៃទី០៥ខែតុលា ឆ្នាំ២០១៣ បណ្តាលឲ្យខូចផ្លូវ មកដល់ពេលនេះ គម្រប់មួយ ឆ្នាំហើយ តែអាជ្ញាធរអប្សរា ហាក់បីដូចជាមិនធ្វើការអើពើអំពីផលខូចខាត សម្បត្តិរបស់រដ្ឋឡើយដោយផ្លូវនេះ ស្ថិតនៅក្នុងដែនសមត្ថកិច្ចរបស់ខ្លួនគ្រប់គ្រង ។
សូមបញ្ជាក់ផងដែរថា ក្នុងពេលកន្លងមានបណ្តាគេហទំព័រនិង សារព័ត៌មាន មួយចំនួន មានការភ័ន្តច្រឡំ ធ្វើការចុះផ្សាយធ្វើឲ្យប៉ះពាល់កិត្តិយសរបស់អាជ្ញាធរខេត្តសៀមរាបដោយបញ្ហាផ្លូវមួយខ្សែ នេះ ហើយក៏ជាផ្លួវមួយបម្រើដល់វិស័យទេសចរណ៍ ឆ្ពោះទៅកាន់រមណីយដ្ឋានប្រាង្គប្រាសាទនានាផងដែរ។មន្ត្រីរូប
តាមប្រភពព៧ត៌មានបានឲ្យដឹងថា អាជ្ញាធរអប្សរាបានទទួលនូវគម្រោងថវិកាសម្រាប់ការជួសជុស ស្តារឡើងវិញនូវផ្លូវនេះហើយ តែក៏បានកំពុងធ្វើការដេញថ្លៃ ដើម្បីឲ្យក្រុមហ៊ុនណាមួយទទួលការជួសជុល ។ តែបើអាជ្ញាធរអប្សរាបែរជាមិនបានធ្វើ ការដាក់ដេញថ្លៃ ហើយប្រគល់ឲ្យក្រុមបច្ចេកទេសជំនាញជួសជុលផ្លូវរបស់អប្សរា គឺប្រៀបបានយកប្រាក់ទៅដុះកំទេច ចោលអញ្ចឹង ។ តែការដេញថ្លៃនេះ តើអាជ្ញាធរអប្សរា បានធ្វើការផ្សព្វផ្សាយ ជូនដំណឹងដល់បណ្តាក្រុមហ៊ុន សំណង់ វិស្វកម្មឲ្យគេបានចូលរួមដេញថ្លៃដែរឬទេ ? ឬក៏ដេញថ្លៃលំៗមួយដំបរស្វារបស់ខ្លួន ? ព្រោះអីនៅខេត្ត សៀមរាបក៏មានក្រុមហ៊ុនវិស្វកម្ម ឯកជនជាច្រើន ដែលបានកំពុងចូលរួមស្ថាបនា កិច្ចអភិវឌ្ឍន៍របស់ខេត្តផងដែរ ។ ក្រោយពេល ទទួលដំណឹងថា មានគម្រោងថវិកាជួសជុលផ្លូវមួយខ្សែនេះ មកដល់ថ្ងៃទី២៨ តុលាឆ្នាំ២០១៤ទើបមាន ក្រុមជំនាញ របស់អប្សរា ទៅធ្វើការសិក្សានៃទំហំផ្លូវដែលខូចតែប៉ុណ្ណោះ ។
ជុំវិញករណីខាងលើ មិនអាចសុំការពន្យល់ពីលោក ប៊ុន ណារិទ្ធ អគ្គនាយកអាជ្ញាធរអប្បរាបានទេដោយសារទូរស័ព្ទរបស់លោកនៅក្រៅតមបន់សេវា ៕
ដោយ ៖ សហការី
