អន្តរជាតិ ៖ សហរដ្ឋអាមេរិកថានិងស្តារឡើងវិញនៅទណ្ឌកម្ម ដោយផ្តោតលើវិស័យប្រេង ហិរញ្ញវត្ថុ និងដឹកជញ្ជូនរបស់ប្រទេសអ៊ីរ៉ង់ និងបានប្តេជ្ញាចាត់វិធានការបន្ថែមទៀត ដើម្បីដាក់សម្ពាធលើរដ្ឋាភិបាលទីក្រុង Teheran។ នេះបើយោងតាមសារព័ត៌មាន CGTN ចុះផ្សាយឲ្យដឹងនៅថ្ងៃទី០៦ ខែវិច្ឆិកា ២០១៨។
ការដាក់ទណ្ឌកម្មនេះគឺផ្តោតទៅលើបុគ្គល ក្រុមហ៊ុន យន្តហោះនិងនាវាជាង ៧០០,ធនាគារអ៊ីរ៉ង់និងសាខាចំនួន៥០, មនុស្សនិងនាវាជាង២០០ ក្នុងវិស័យដឹកជញ្ជូន និងមានគោលដៅ លើក្រុមហ៊ុនអាកាសចរណ៍ Iran Air ព្រមទាំងយន្តហោះរបស់ក្រុមហ៊ុន ជាង៦៤គ្រឿងផងដែរ។
ការវិលត្រឡប់នៃទណ្ឌកម្មនេះត្រូវបានបង្កឡើងដោយការសម្រេចចិត្តរបស់លោក Trump កាលពីថ្ងៃទី ៨ ខែឧសភា ក្រោពីបានដកចេញពីកិច្ចព្រមព្រៀងនុយក្លេអ៊ែអ៊ីរ៉ង់ ឆ្នាំ២០១៥ ដែលត្រូវបានសម្រេចជាមួយមហាអំណាច ៥ ផ្សេងទៀតក្នុងអំឡុងពេលរដ្ឋបាលរបស់ប្រធានាធិបតីប្រជាធិបតេយ្យលោកបារ៉ាក់អូបាម៉ា។
កិច្ចព្រមព្រៀងនោះបានដកចេញនូវការដាក់ទណ្ឌកម្មសេដ្ឋកិច្ចរបស់អាមេរិកជាច្រើននិងការដាក់ទណ្ឌកម្មសេដ្ឋកិច្ចផ្សេងទៀតពីអ៊ីរ៉ង់ដើម្បីជាការឆ្លើយតបចំពោះការប្តេជ្ញាចិត្តរបស់ក្រុងតេអេរ៉ង់ដើម្បីកាត់បន្ថយកម្មវិធីនុយក្លេអ៊ែររបស់ខ្លួន។
រដ្ឋមន្ត្រីការបរទេសអាមេរិកលោក Mike Pompeo បានស្បថថាសហរដ្ឋអាមេរិកនឹង “មិនឈប់ឈរ” នៅក្នុងការដាក់សម្ពាធលើអ៊ីរ៉ង់។
ប្រធានាធិបតីអ៊ីរ៉ង់ លោក Hassan Rouhani បានលើកឡើងថា ពួកគេនឹងជៀសផុតពីទណ្ឌកម្មខុសច្បាប់ និងអយុត្តិធម៌ ដែលប្រឆាំងនឹងច្បាប់អន្តរជាតិនេះ។លោកបាននិយាយថា “សត្រូវកំពុងកំណត់ទិសដៅសេដ្ឋកិច្ចរបស់យើង … គោលដៅសំខាន់នៃការដាក់ទណ្ឌកម្មគឺប្រជាជនរបស់យើង” ។ នេះគឺជាសង្គ្រាមសេដ្ឋកិច្ចប្រឆាំងនឹងអ៊ីរ៉ង់។
រដ្ឋមន្ត្រីការបរទេសអ៊ីរ៉ង់លោក Mohammad Javad Zarif បាននិយាយថា “ការគំរាមកំហែង” របស់សហរដ្ឋអាមេរិកគឺមិនល្អទេដោយធ្វើឱ្យក្រុងឋវ៉ាស៊ីនតោនកាន់តែឯកោ ខណៈមហាអំណាចពិភពលោកដទៃទៀតរួមមាន សហភាពអឺរ៉ុប, បារាំង, អាល្លឺម៉ង់ និងចក្រភពអង់គ្លេសបានប្រឆាំងនឹងគំនិតផ្តួចផ្តើមនេះ៕
