ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញជាអធិបតីបើកសន្និសីទអន្តរជាតិថ្នាក់តំបន់ស្តីពី «ការប្រយុទ្ធប្រឆាំងឱសថក្លែងក្លាយ និងអន់គុណភាព» ដែលប្រារព្ធធ្វើឡើងនៅព្រឹកថ្ងៃចន្ទ ទី០៥ ខែវិច្ឆិកា ឆ្នាំ២០១៨ នៅសណ្ឋាគារសូហ្វីតែលភូគីត្រា។
សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងនូវការព្រមានថា នឹងចាត់វិធានការតាមច្បាប់ចំពោះឈ្មួញដែលនាំចូលឱសថក្លែងក្លាយ ដែលនាំការទុក្ខទោសដល់សុខភាពប្រជាពលរដ្ឋនិងរាំងស្ទះដល់ការអភិវឌ្ឍន៍សេដ្ឋកិច្ច ។
សម្តេចតេជោ ហ៊ុន សែន បានថ្លែងថា សន្និសីទនេះមានសារៈសំខាន់ណាស់ ដោយបានផ្តល់ឱកាសឲ្យមានការរួមគ្នាប្រយុទ្ធប្រឆាំងឱសថក្លែងក្លាយ និងអន់គុណភាព ដែលជាបញ្ហាសាកល។ ឱសថមានសារៈសំខាន់សម្រាប់ព្យាបាលជំងឺ ប៉ុន្តែឱសថក្លែងក្លាយកំពុងក្លាយទៅជាការបង្កទុក្ខទោសដល់សុខភាពរបស់ប្រជាពលរដ្ឋ និងរាំងស្ទះដល់ការអភិវឌ្ឍន៍សេដ្ឋកិច្ចខណៈដែលឱសថក្លែងក្លាយកំពុងចរាចរណ៍យ៉ាងសកម្មនៅតាមទីផ្សារអនឡាយ ៕
សម្តេច ហ៊ុន សែន ក៏បានថ្លែងបញ្ជាក់ថា កង្វះនៃកិច្ចសហប្រតិបត្តិការរបស់ស្ថាប័នពាក់ព័ន្ធជា កិច្ចសហការពីគ្រប់ភាគីពាក់ព័ន្ធ គឺមានសារៈសំខាន់ណាស់ក្នុងការប្រយុទ្ធប្រឆាំង និងបង្ក្រាបឱសថក្លែងក្លាយ ៕
