ខេត្តមណ្ឌលគិរី ៖ តាមពត័មានបថមថា កាលពីវេលាម៉ោង៩និង៣០នាទីយប់ ថ្ងៃទី១ ខែវិច្ឆិកា ឆ្នាំ២០១៨ រថយន្តដឹកឈើមួយគ្រឿងរបស់ក្រុមហ៊ុន យូនីគ្រីន ម៉ាកយីឌុបគ្មានស្លាកលេខបានក្រឡាប់សង្កត់បុរសម្នាក់ស្លាប់យ៉ាងរន្ធត់ នៅ ចន្លោះគីឡូម៉ែត្រ ៩៤-៩៥ ភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី។
រថយន្តដែលក្រឡាប់នេះម៉ាកយីឌុប គ្មានស្លាកលេខ ដឹកឈើរបស់ក្រុមហ៊ុន យូនីគ្រីន ចេញពីស្រុកកោះញែកឆ្ពោះទៅស្រុកកែវសីមា បម្រុងនាំចេញទៅវៀតណាមដោយគេសង្ស័យថាជាឈើគ្មានច្បាប់លោតឆត្រ័ ។
តាមការពិនិត្យកន្លែងកើតហេតុ បានរកឃើញមានមនុស្សស្លាប់ម្នាក់ឈ្មោះ មាស សុផាន ភេទប្រុស អាយុ៣៤ឆ្នាំ សពត្រូវបានដឹកដោយរថយន្តរបស់មន្ទីរពេទ្យបង្អែកខេត្តទៅប្រគល់ជូនគ្រួសារដើម្បីធ្វើបុណ្យតាមប្រពៃណី។ ចំណែករថយន្តនិងឈើត្រូវបានការពារនៅនឹងកន្លែងកើតហេតុ ហើយករណីនេះជំនាញកំពុងអនុវត្តតាមនីតិវិធីច្បាប់៕
