រាជធានីភ្នំពេញ ៖ យោងតាមការឲ្យដឹងពីមន្ត្រីជាន់ខ្ពស់ក្រសួងយុត្តិធម៌ នាឱកាសបុណ្យអុំទូកខាងមុខនេះ ទណ្ឌិតចំនួន៥៣២នាក់ ត្រូវបានគេដឹងថាកំពុងមានឈ្មោះស្ថិតនៅក្នុងបញ្ជីនៃការស្នើសុំលើកលែងទោស និងបន្ធូរបន្ថយទោស ។
លោក សុច សុផាន់ណារ៉ា មន្ត្រីជាន់ខ្ពស់ក្រសួងយុត្តិធម៌ បានឲ្យដឹងថា គណៈកម្មាធិការថ្នាក់ជាតិត្រួតពិនិត្យបន្ធូរបន្ថយ និងលើកលែងទោស បានបើកកិច្ចប្រជុំពិនិត្យលើសំណើសុំបន្ធូរបន្ថយទោសសម្រាប់ថ្ងៃបុណ្យអុំទូក ។ លោកថា មានទណ្ឌិតចំនួន៥២៣នាក់ ក្នុងនោះស្រីមានចំនួន៣៧នាក់ មកពីពន្ធនាគារខេត្តក្រុងចំនួន២៤ នឹងមណ្ឌលអប់រំកែប្រែចំនួន៤ស្ថិតក្នុងបញ្ជីត្រួតពិនិត្យ ៕
