ខេត្តកោះកុង ៖ វេលាម៉ោង៧និង១០នាទី ព្រឹកថ្ងៃទី២៤ ខែតុលា ឆ្នាំ២០១៨ គេឃើញបុរសម្នាក់បានស្លាប់យ៉ាងអណោចអធម បន្ទាប់ពីរូបគាត់ត្រូវបានជ្រូកព្រៃវ័ធមួយចែយ៉ាងដំណំ នៅភូមិកណ្តាល ឃុំតាទៃលើ ស្រុកថ្មបាំង ខេត្តកោះកុង។ ជនរងគ្រោះឈ្មោះ ស្រ៊ុន ជា អាយុ៤៧ឆ្នាំ មុខរបរកសិករ ។
សមត្ថកិច្ចបានឲ្យដឹងថា ដំបូងជនរងគ្រោះបានទៅលើកលប នៅស្រែជាមួយនឹងកូនស្រី ស្រាប់តែប្រទះឃើញសត្វឆ្កែ កំពុងរត់ដេញសត្វជ្រូកព្រៃហើយរត់សំដៅមករកខ្លួន ពេលនោះសត្វជ្រូកព្រៃក៏បានវ័ធនឹងចែត្រូវជនរងគ្រោះបណ្ដាលឲ្យស្លាប់តែម្តង ចំណែកកូនស្រីរត់រួច។សពជនរងគ្រោះត្រូវបានគ្រួសារយកទៅធ្វើបុណ្យតាមប្រពៃណី៕
