បាត់ដំបង ៖ នាព្រឹកថ្ងៃទី៣១ ខែតុលា ឆ្នាំ២០១៤ កម្លាំងការិយាល័យនគរបាលប្រឆាំងគ្រឿងញៀន បញ្ជូនបុរសសង្ស័យម្នាក់ និងថ្នាំញៀនម៉ាទឹកកក ៥ ថង់ និងសម្ភារៈប្រើប្រាស់ទៅតុលាការ ចាត់ការតាមនិតិវិធី ។
ហេតុការណ៍បង្ក្រាបឃាត់ខ្លួននេះធ្វើឡើង កាលពីម៉ោង១៤និង៣០នាទី ថ្ងៃទី៣០ ខែតុលា ឆ្នាំ២០១៤ នៅចំណុចក្រុមទី២ ភូមិសូភី១ សង្កាត់រតនៈ ក្រុងបាត់ដំបង ។
លោក ស៊ាន សូណាល់ ប្រធានការិយាល័យនគរបាលប្រឆាំងគ្រឿងញៀនស្តីទី បានអោយដឹងថា បុរសសង្ស័យដែលសមត្ថកិច្ចឃាត់បានមានឈ្មោះ អេង គឹមហួត អាយុ២៥ឆ្នាំ មានទីលំនៅភូមិបឹងបេង ឃុំអន្លង់វិល ស្រុកសង្កែ ខេត្តបាត់ដំបង ។ វត្ថុតាង ដែលដកហូតបានមានថ្នាំញៀនម៉ាទឹកកក ៥ ថង់ ស្មើទម្ងន់២,៧៧ក្រាម ថង់សំរាប់ច្រកថ្នាំញៀន លក់មួយដុំ ដបសំរាប់ជក់ថ្នាំញៀនចំនួន១ ដែកកេះសំរាប់ប្រើប្រាស់ចំនួន ១ ដាវសាម៉ូរ៉ៃចំនួន២ និងទូរស័ព្ទចំនួន ១ គ្រឿង ។
ជនសង្ស័យឈ្មោះ អេង គឹមហួត បានសារភាពថា ខ្លួនពិតជាបានលក់ថ្នាំប្រាកដមែន ។
លោក ស៊ាន សូណាល់ បានបញ្ជាក់អោយដឹងថា បុរសជនសង្ស័យ និងវត្ថុតាងថ្នាំញៀន ម៉ាទឹកកក ៥ ថង់ ស្មើ ទម្ងន់២,៧៧ក្រាម និងសម្ភារៈត្រូវកសាងសំណុំរឿងបញ្ជូនទៅតុលាការ នាតុលាកានាព្រឹកថ្ងៃទី៣១ ខែតុលា ឆ្នាំ២០១៤ ៕
