ខេត្តកោះកុង ៖ ប្រជាពលរដ្ឋក្រីក្ររស់នៅឃុំថ្មស ស្រុកបូទុមសាគរ ខេត្តកោះកុង មានការព្រួយបារម្មណ៏ ដោយដីបឹងជជូត នៅភូមិស្រែថ្មី ឃុំថ្មស ទំហុំប្រមាណ៥ហិកតា ជាដីសម្បត្តិរបស់រដ្ឋនិងជាបឹងដែលពួកគាត់បាននិងកំពុងអាស្រយ័ផលដកជជូតត្បាញសម្ភារៈលក់ចិញ្ចឹមជីវិត ត្រូវបានឈ្មួញជើងខ្លាំងឃុបឃិតជាមួយមន្ត្រីមានអំណាចនៅមូលដ្ឋានរំលោភយក ដោយគេឃើញមានបង្គោលបោះពទ្ធ័ដីបឹងទាំងមូល ហើយប្រជាពលរដ្ឋអំពាវនាវសុំឲ្យអាជ្ញាធរជួយការពារដីបឹងនេះផង ដែលជាឆ្នាំងបាយរបស់ពលរដ្ឋក្រីក្រ និងជាដីសម្បត្តិសាធារណរបស់រដ្ឋ។
ប្រជាពលរដ្ឋបានរាយការណ៏ថា ឈ្មួញមួយរូបឈ្មោះ ឆាយ ហើយ បានរំលោភយកដីបឹងជជូត ជាដីព្រៃលិចទឹក ដែលជាដីសម្បត្តិរបស់រដ្ឋមិនអាចអ្នកណាមករំលោភបំពានយកបានទេ ហើយក៍ជាទីកន្លែងសំរាប់ប្រជាពលរដ្ឋ អាស្រ័យផលទៅដកជជូតជាប្រចំាថ្ងៃទូទាំងឃុំថ្មសតែម្ដង។
ប្រជាពលរដ្ឋក្រីក្ររស់នៅក្នុងភូមិស្រែថ្មី ស្ថិតក្នុងឃុំថ្មស ស្រុកបូទុមសាគរ ខេត្តកោះកុង បានឲ្យដឹងទៀតថា ពួកគាត់បាន មកអាស្រ័យផល ដកជជូតប្រមាណ៥០ភាគរយ ហើយសុទ្ធតែមនុស្យចាស់ៗ ដែលមកដកជជូតដើម្បីយកមកធ្វើ កន្ទេល ការុង និងសម្ភារៈផ្សេងៗទៀត ដើម្បីបានដោះស្រាយក្នុងជីវភាពគ្រួសារសព្វថ្ងៃនេះ។
ប្រជាពលរដ្ឋបន្តថា ពួកគាត់ចាស់ៗទាំងអស់គ្នានៅក្នុងភូមិស្រែថ្មី ពឹងទៅលើការដកជជូតយកមកធ្វើ កន្ទេល១លក់បានប្រាក់ចំនួន២០០០០រៀលទៅ២៥០០០រៀល តាមធំតាមតូច ដោយសារពួកគាត់ចាស់ៗអស់ហើយ ទៅធ្វើការងារធ្ងន់ៗឬស៊ីឈ្នួលគេ គេមិនយកទេ ទើបពួកគាត់ពឹងតែទៅលើបឹងជជូតនេះ ដែលពួកគាត់ ដកជជូតនៅទីកន្លែងនេះម្នាក់ៗ២០ជាងឆ្នាំមកហើយ ពួកគាត់និយាយទឿតថា កន្លងមកពួកគាត់បានផ្ដឹត មេដៃជាច្រើននាក់ដាក់មកសាលាឃុំថ្មស សុំទុកដីបឹងជជូតនេះមិនអោយអ្នកណាមករំលោភយកទេ។
ប្រជាពលរដ្ឋទាំងអស់គ្នាបានពឹងនិងទុកចិត្ត តាមរយ: អ្នកសារព័ត៌មាន ស្នើសុំដល់ថ្នាក់ឃុំ ថ្នាក់ស្រុក ថ្នាក់ខេត្ត ទុកដី បឹងជជូតទាំងអស់ដែលជាដីរបស់រដ្ឋ ជាសម្បត្តិសាធារណ:របស់រដ្ឋ ទុកដល់ក្មេងជំនាន់ក្រោយដកជជូតបន្តទៀតផង។
ចំណែកលោក អិក កួន ជាមេឃុំថ្មស បាននិយាយចំពោះមុខអ្នកសារព័ត៍មានថា ដីបឹងជជូតនេះ មិនអោយអ្នកណាមករំលោភយកទេ ទុកជាសម្បត្តិ របស់រដ្ឋ សំរាប់ប្រជាពលរដ្ឋប្រើប្រាស់ដកជជូតនៅក្នុងឃុំនេះ។
លោកមេឃុំ អិក កួន បន្តថា គាត់បានប្រាប់លោក ឆាយ ហើយ ដែលបានលួចទៅកាប់ព្រៃហើយបោះ បង្គោលធ្វើរបងហ៊ុមព័ទ្ធយកដីនេះ អោយដកបង្គោលចេញពីដីទាំងអស់នេះ។ លោកមេឃុំ បន្តថា ទោះបីអ្នកណាក៍ដោយចង់យកឬលក់គាត់មិនទទួលស្គាល់ទេរឿងដីនេះ គាត់ទុកសំរាប់ពលរដ្ឋ ដកជូត។ ចំណែកប្រជាពលរដ្ឋបានស្វាគមន៏និងគាំទ្រចំពោះចំណាត់ការម៉ឹងម៉ាត់របស់លោក អិក គួន មេឃុំថ្មស កាពារបឹងជជូតមិនឲ្យបាតដៃកខ្វក់របស់ឈ្មួញរំលោភយក។
ចំណែកលោក ឆាយ ហើយ ដែលបានរំលោភ យកដីបឹងនេះ មិនព្រមដកបង្គោលចេញពីដីទេ តាមប្រភពច្បាស់ការណ៏ពីប្រជាពលរដ្ឋ និង មន្រ្តីក្នុងស្រុកដែលស្នឹទ្ធជាមួយលោក ឆាយ ហើយ បាននិយាយថា លោក ឆាយ ហើយ នេះមានខ្សែខ្នងធំនៅពីក្រោយខ្នង ទើបហ៊ានរំលោភយកដីបឹងជជូតនេះ ប្រភពដដែលបន្តថា លោក ឆាយ ហើយ មានដីគ្រប់ទីកន្លែង ហើយមានលុយជួលគេកាប់រំលោភយកដីព្រៃគ្រប់កន្លែងមិនថាដី ភ្នំ មិនថាដីលិចទឹកគឺប្រមូលយកទាំងអស់ដោយមិនញញើតច្បាប់រដ្ឋសូម្បីបន្តិចឡើយ។
តាមប្រភពពីមន្ត្រីសាលាស្រុកសូមមិនបញ្ចេញឈ្មោះបានបង្ហើបប្រាប់អ្នកសារព័ត៌មានថាដីបឹងជជូតដែលលោក ឆាយ ហើយ រំលោភយកនេះ មានមន្ត្រីនៅក្នុងសាលាស្រុកបូទុមសាគរ ជាមន្រ្តីជំនាន់លោកអភិបាលស្រុកចាស់ គឺលោក អន ភារ: បានឃុបឃិតគ្នាយកដីនេះទុកលក់ចែកលុយគ្នា ហើយអោយឈ្មោះ ឆាយ ហើយ ចេញមុខម្នាក់ឯង ហើយថែមទាំងមានមន្ត្រីសូរិយោដីម្នាក់ដែរ ទើបលោក ឆាយ ហើយ មានខ្នងបង្អែកដ៍រឹងមាំមិនព្រមដកបង្គោលចេញនេះ។
សូមបញ្ចាក់ថា កន្លងមកលោក ឆាយ ហើយ បានយកគ្រឿងចក្ររបស់លោក អន ភារះ អតីតអភិបាលស្រុកចាស់ បច្ចុប្បន្នឡើងជាអភិបាលរងខេត្តកោះកុង មកកាយដីបំរុងហុំព័ទ្ធយកដីបឹងជជូត តែមានប្រតិកម្មពីប្រជាពលរដ្ឋ និងអ្នកកាសែតចុះផ្សាយទាន់ពេលវេលា ទើបលោក អន ភារ: អតីតអភិបាលស្រុក អោយដកគ្រឿងចក្រចេញវិញទាំងយប់។
ចំណែក លោក ទូ សាវុធ អភិបាលស្រុកបូទុមសាគរ ទើបតែឡើងមកថ្មី បាននិយាយប្រាប់តាមទូរស័ព្ទថា លោកអត់បានដឹងរឿងថាដីបឹងជជូតនៅកន្លែងណាទេ ចាំលោកតេទូរស័ព្ទទៅសួរលោកមេឃុំ អិក កួន តើរឿងដី បឹងជជូតនេះវាយ៉ាងម៉ិចទៅវិញ ចាំលោកប្រាប់នៅពេលក្រោយ។ លោកអភិបាលស្រុកបន្តថា សូមអ្នកសារព័ត៌មានសហការផង ដើម្បីប្រជាពលរដ្ឋរបស់យើង។ នេះជាសម្ដីពាក្យ ពេជ្រល្អរបស់លោកអភិបាលស្រុក លោក ទូ សាវុធ ប្រាប់អ្នកសារព័ត៌មាន។
ការឃុបឃិតគ្នារំលោភយកដីបឹងជជូត ដែលជាដីរបស់រដ្ឋដែលមិនអាចអ្នកណាមក រំលោភយកធ្វើកម្មសិទ្ធផ្ទាល់ខ្លួនបានទេ រឿងដីបឹងជជូតដែលលោក ឆាយ ហើយ កំពុងរំលោភយកមានពាក់ពន្ធ័ជាមួយ មន្ត្រីសាលាស្រុកដូចជា លោក អន ភារ: លោក ស៊ួន ស៊ីថា លោក ពៅ ច័ន្ទថន ពាក់ពន្ធ័ជាមួយលោក ឆាយ ហើយ យ៉ាងស៊ីជំរៅជ្រៅបំផុត ទើបលោក ឆាយ ហើយ ហ៊ានបំពានច្បាប់មិនញញើតរឿងរំលោភយកដីបឹងជជូតនេះ ពីព្រោះលោក ឆាយ ហើយ មានខ្នងបង្អែកសុទ្ធតែមន្ត្រីធំៗ ហើយតាមពត័មានឲ្យដឹងថា ដីបឹងជជូតគេគ្រោងលក់ក្នុងតម្លៃ១ហិកតា ១២.៥០០ដុល្លាអាមេរិក ប្រសិនបើគេរំលោភយកធ្វើជាកម្មសិទ្ធឯកជនបាន។
សូមលោកជំទាវ មិថុនា ភូថង អភិបាលខេត្តកោះកុង ជួយពិនិត្យមើលមន្រ្តីក្រោមឪវាទទាំងនេះផង បើមានមន្ត្រីរបៀបនេះត្រូវតែកាត់យកសាច់ស្អុយចេញ ក្នុងនាមលោកជំទាវជាប្រមុខថ្នាក់ដឹកនាំខេត្ត ដែលសម្ដេចតេជោ ហ៊ុន សែន សង្ឃឹមនិងទុកចិត្តបំផុតសំរាប់មើលថែប្រជាពលរដ្ឋទូទាំងខេត្តកោះកុង។
កន្លងមកសម្ដេច ហ៊ុន សែន មានប្រសាសន៍ថា មន្ត្រីទាំងអស់ត្រូវបំរើការងារជូនប្រពលរដ្ឋទ្វេរដង ហើយមិនត្រូវព្រ ងើយកន្តើយដាក់ពលរដ្ឋទេពេលពួកគាត់ជួបការលំបាកជាពិសេសរឿងដីធ្លី។ សម្ដេចបន្តថា បើមានមន្ត្រីណាខិលខូចឬឃុបឃិតគ្នាធ្វើបាបប្រជាពលរដ្ឋ មិនថារឿងដីធ្លីនោះទេឲ្យតែដឹង ត្រូវតែដកចេញតែម្ដង បើរឿងធ្ងន់ត្រូវជាប់គុកទៀត។
សារពត័មានគេហទំពរ័ មិនអាចសុំការបំភ្លឺពីលោក ឆាយ ហើយ បានទេដោយពុំមានលេខទូរសព្ទ័៕ដោយ យួន ឈីវ
