ខេត្តសៀមរាប ៖ កម្លាំងនៃអធិការដ្ឋានស្រុកសូទ្រនិគម បានឃាត់រថយន្ដបង្កគ្រោះថា្នក់មួយគ្រឿងម៉ាកបាឡែន តាមបណ្ដឹងជនរងគ្រោះ ក្នុងករណីបង្កគ្រោះថ្នាក់ចរាចរណ៍ កាលពីវេលាម៉ោង១៧និង៣០នាទី ថ្ងៃទី២៧ ខែកញ្ញា ឆ្នាំ២០១៨ នៅចំណុចភូមិសាលាកកោះ ឃុំកៀនសង្កែ ស្រុកសូទ្រនិគម ។
តាមប្រភពព័ត៏មានពីលោក ណុប សារ៉ាត អធិកាស្រុកសូទ្រនិគមបានអោយដឹងថា រថយន្ដម៉ាកបាឡែននេះបានបើកខោករថយន្ដម៉ាកកូរ៉ូឡា បណ្ដាលអោយខូចផ្នែកខាងមុខនិងចំហៀងកំពឹតតិចតូច ហើយបានបើកគេចមិនព្រមនៅដោះស្រាយនោះទេ ដោយមានឃើញស្ថានភាពមិនទទួលខុសត្រូវទើបម្ចាស់រថយន្ដកូរ៉ូឡា តេរាយការណ៍មកអធិការដ្ឋានយើងអោយជួយអន្តរាគមន៍ឃាត់ដើម្បីទាមទាសំណងរដ្ឋប្បវេណីលើការខូចខាត ហើយកម្លាំងផ្នែកសណ្ដាប់ធ្នាប់នៃអធិការដ្ឋានបានចេញទៅឃាត់រថយន្ដបង្ករនោះតាមការសំណូមពររបស់ជនគ្រោះបាននៅចំណុចសាលាកកោះ ឃុំកៀនសង្កែ ស្រុកសូទ្រនិគម ហើយបានអោយម្ចាស់រថយន្ដទាំងសង្ខាងជួបនិយាយសម្របសម្រួលគ្នាគាត់លើការខូចខាត បន្ទាប់ពីជួបគ្នាហើយគាត់បានព្រមព្រៀងគ្នាបញ្ចប់រឿង ក្រោយពេលចប់ដំណោះស្រាយហើយ កម្លាំងយើងបានបន្តឃាត់រថយន្ដបាឡែននោះទុកបន្តដោយសាររថយន្ដបានឡែននោះមានផ្ទុកឈើខាងក្នុង ហើយបានធ្វើសេចក្ដីរាយការណ៍អំពីបទល្មើសព្រៃឈើទៅលោកស្នងការរងទទួលបន្ទុកផែនការងារប្រឆាំងបទល្មើស ដើម្បីចាត់ការករណីឈើខុសច្បាប់នេះ។
លោកស្នងការរងបានឯកភាពអោយឃាត់និងរក្សាទុកនៅអធិការដ្ឋានបណ្ដោះអាសន្នរង់ចាំព្រឹកថ្ងៃទី២៨ ខែកញ្ញា ឆ្នាំ ២០២៨ ចាំធ្វើការសហការនិងជំនាញរដ្ឋបាលព្រៃឈើធ្វើការត្រួតពិនិត្យនិងវាស់វែងជាក់ស្ដែង។ ជាលទ្ឋផលយើងពិនិត្យឃើញឈើប្រភេទលេខ១ សុក្រំ គ្មានច្បាប់ចំនួន១៥ដុំ.020mx0.20mx2m=5 ដុំ , .0.15mx0.20mx2m=9ដុំ , .0.20mx0.25mx20m=1ដុំ , សរុប 1.04m3។ក្រោយពីធ្វើការត្រួតពិនិត្យនិងវាស់វែងរួច យើងបានធ្វើការប្រគល់ជូនទៅជំនាញរដ្ឋបាលព្រៃឈើសង្កាត់សូទ្រនិគមទាំងរថយន្ដនិងវត្ថុតាងឈើនោះយកទៅថែរក្សាទុកដើម្បីចាត់ការបន្តតាមនីតិវិធីដោយអនុលោមស្ដីពីច្បាប់នៃព្រៃឈើ
