អន្តរជាតិ ៖ សភាប្រទេសកាណាដា បានបោះឆ្នោតជាឯកច្ឆន្ទ កាលពីថ្ងៃព្រហស្បតិ៍ ដើម្បីដកសញ្ជាតិមេដឹកនាំមីយ៉ាន់ម៉ា គឺលោកស្រី អ៊ុង សានស៊ូជី ពីភាពជាពលរដ្ឋកាណាដាដែលជាកិត្តិនាមរបស់ខ្លួន លើវិបត្តិរ៉ូហ៊ីងយ៉ា ។ នេះបើតាមទូរទស្សន៍ Channel News Asia បានផ្សព្វផ្សាយ នៅថ្ងៃទី២៨ ខែកញ្ញា ឆ្នាំ២០១៨។
លោក Adam Austen អ្នកនាំពាក្យរបស់ Chrystia Freeland ក្រសួងការបរទេស បានថ្លែងថា “ក្នុងឆ្នាំ២០០៧ សភាបានផ្តល់ឱ្យលោកស្រីអ៊ុង សានស៊ូជីនូវ ឋានៈជាពលរដ្ឋកាណាដាកិត្តិយស ហើយថ្ងៃនេះសភាបានអនុម័ត ជាឯកច្ឆន្ទ នូវសំណើមួយដើម្បី លុបចោលស្ថានភាពនេះវិញ” ។
ក្រុងអូតាវ៉ា បានផ្តល់ការគាំទ្រនូវលទ្ធិប្រជាធិបតេយ្យ ដែលបានជាប់ឃាំងជាយូរអង្វែងមកហើយ សម្រាប់ម្ចាស់ជ័យលាភី ណូប៊ែលសន្តិភាព គឺជាកិត្តិយសដ៏កម្រណាស់នៅក្នុងឆ្នាំ២០០៧ ។ក៏ប៉ុន្តែ កេរ្ត៍ឈ្មោះអន្តរជាតិរបស់លោកស្រី បានក្លាយជារឿងហ្មងសៅទៅវិញ ដោយសារការបដិសេធ របស់គាត់ក្នុងការ អំពាវនាវ អំពីអំពើឃោរឃៅដោយប្រើកម្លាំងទ័ពរបស់លោកស្រី ប្រឆាំងនឹងជនជាតិភាគតិចម៉ូស្លីម រ៉ូហ៊ីងយ៉ា ដែលក្រុង អូតាវ៉ា បានប្រកាសកាលពីសប្តាហ៍មុនថា ជាអំពើប្រល័យពូជសាសន៍ ។
កាលពីឆ្នាំ២០១៧យោធាមីយ៉ានម៉ាបានបណ្ដេញជនម៉ូស្លីមរ៉ូហ៊ីង យ៉ាជាង៧០០.០០០នាក់ ពីប្រទេសមីយ៉ាន់ម៉ាឲ្យចូល ទៅក្នុងប្រទេសបង់ក្លាដេស ។ឥឡូវនេះពួកគេកំពុងរស់នៅ ក្នុងជំរុំជន ភៀសខ្លួន ដែលភាគច្រើន មានការភ័យខ្លាចសម្រាប់ការវិលត្រឡប់ មកកាន់ប្រទេសមីយ៉ាន់ម៉ាវិញ បើទោះបី ជាមានកិច្ច ព្រមព្រៀង ធ្វើមាតុភូមិនិវត្តន៍គាំទ្រដោយអង្គការសហប្រជាជាតិក៏ដោយ ៕
