លោកវរៈសេនីយ៍ត្រី ឃុន ប៊ុនហួរ មេបញ្ជាការកងរាជអាវុធហត្ថស្រុកបារាយណ៍ បានចុះចាប់ចោរទិញលក់ ម៉ូតូ នៅចំណុចភូមិដំរីស្លាប់ ឃុំអណ្តូងពោធិ៍ ស្រុកបារាយណ៍ ខេត្តកំពង់ធំ ។ ជនសង្ស័យឈ្មោះ យ៉ែម វុទ្ធី អាយុ ៣១ឆ្នាំ ភេទប្រុស ដែលជាជាងជួសជុលម៉ូតូនៅភូមិកើតហេតុខាងលើ ត្រូវបានឃាត់ខ្លួន នៅវេលាម៉ោង ១៤ ៖៣០ នាទី ថ្ងៃទី ០៥ ខែតុលា ឆ្នាំ២០១៤ ដោយជនសង្ស័យបានទិញម៉ូតូមួយគ្រឿងម៉ាក C១២៥ ពណ៌ខ្មៅ ស៊េរីឆ្នាំ ២០០៥ ពាក់ស្លាកលេខក្លែងក្លាយ 1E-1547 និងមួយគ្រឿងទៀតម៉ាកសង់កូរ៉េ ពណ៌៊ស្លាទុំ ពាក់ស្លាកលេខចាស់ “ប.ប ១-៩៧៦៦”ដោយគ្មានលិខិតស្នាមតាមព័ត៌មាន ជនសង្ស័យរូបនេះ តែងតែទទួលផលចោរកម្មដែលជាមុខ សញ្ញាតាមប្រមាញ់របស់ សមត្ថកិច្ចជាយូរមកហើយ ។
មេបញ្ជាការកងរាជអាវុធហត្ថស្រុកបារាយណ៍ លោកវរៈសេនីយ៍ត្រី ឃុន ប៊ុនហួរ បានបញ្ជូនជនសង្ស័យ និងម៉ូតូ ដែលគ្មានលិខិតស្នាមទៅកាន់ទីបញ្ជាការដ្ឋានកងរាជអាវុធហត្ថខេត្តកំពង់ធំ និងចងក្រងសំណុំរឿងទៅកាន់ សាលាដំបូងខេត្តកំពង់ធំ ចាត់ការទៅតាមផ្លូវច្បាប់ ។ ចំណែកម៉ូតូ C១២៥ ពណ៌ខ្មៅ ស៊េរីឆ្នាំ ២០០៥ វិញនោះ, លោកវរៈសេនីយ៍ត្រី ឃុន ប៊ុនហួរ បានប្រគល់ជូនទៅឱ្យម្ចាស់ដើមវិញ ហើយម្ចាស់ដើមនោះ គឺឈ្មោះ ហាង វ័ន រស់នៅភូមិពព្រេង ឃុំស្ពឺ ស្រុកចំការលើ ខេត្តកំពង់ចាម ។
រីឯមតិមហាជនវិញភាគច្រើនមួយចំនួន គេតែងតែរិះគន់ចំៗទៅសមត្ថកិច្ចប៉ូលិសថា ធ្វើការអ្វីៗក៏ដោយតែង តែមានការលាក់លៀមជាមួយ និងអ្នកសារព័ត៌មាន ៕
ដោយ ៖ ចេង ប៉ែត
