ខេត្តពោធិសាត់ ៖ តាមប្រភពពត័មានឲ្យដឹងថា នៅវេលាម៉ោង៨ព្រឹក ថ្ងៃទី២៨ ខែសីហា ឆ្នាំ២០១៨កម្លាំងអាវុធហត្ថស្រុកកណ្តៀង ខេត្តពោធិសាត់ ចំនួន៥នាក់ដឹកនាំដោយលោកវរៈសេនីយត្រី កើត ខេមរៈ មេបញ្ជាការអាវុធហត្ថស្រុក សហការជាមួយកម្លាំងអាវុធហត្ថលើផ្ទៃប្រទេសចំនួន២នាក់ បានចុះបង្រ្កាបឃាត់រថយន្តដឹកឈើក្រហមមួយគ្រឿងម៉ាកFuso ស្លាកលេខ៣A ៣៧៥២ នៅចំណុចភូមិបាគូ ឃុំស្រែស្ត ស្រុកកណ្តៀង ខេត្តពោធិសាត់។
តាមប្រភពពត័មានបានឲ្យដឹងទៀតថា ពួកឈ្មួញបានសំរុកដឺកឈើក្រហមចេញពីស្រុកវាលវែងនិងស្រុកភ្នំក្រវ៉ាញ តាមរថយន្តតូចធំនិងតាមគោយន្តកន្ត្រៃ ទៅចែកចាយនៅតាមដេប៉ូលក់ឈើនៅទីរួមខេត្តកំពង់ឆ្នាំងនិងខេត្តបាត់ដំបង។ឈើទាំងនោះត្រូវបានគេកាប់និងដឹកចេញពីព្រៃដែនជម្រកនិងព្រៃការពារ និងដឹកចេញពីប្រភពមិនច្បាស់លាស់ ហើយនិងមានការអន្តរាគមន៏ពីថ្នាក់់ខេត្តមិនឲ្យចាប់ ទើបការដឹកជញ្ជូនឈើក្រហមមានភាពរលូននៅខេត្តពោធិសាត់៕
