បាត់ដំបង ៖ បុរសម្នាក់ត្រូវ កម្លាំងនគរបាល បង្កាបង្ក្រាប និងការិយាល័យប្រឆាំងគ្រឿងញៀន ឃាត់ខ្លួន និងដកហូតថ្នាំញៀន ម៉ាទឺកកក ៩ ថង់តូច កាលពីម៉ោង ១៨យប់ថ្ងៃទី៨ ខែតុលា ឆ្នាំ២០១៤ នៅចំណុច សត្វកុកចុះលេងទឹក ភូមិព្រៃផ្តៅ ឃុំតាគ្រាម ស្រុកបាណន់ ខេត្តបាត់ដំបង ។
មន្ត្រីនគរបាលការិយាល័យប្រឆាំងគ្រឿងញៀនបានអោយដឹងថា បុរស សង្ស័យដែលសមត្ថកិច្ចឃាត់ខ្លួន មានឈ្មោះ ឈឿម រដ្ឋា អាំយុ៣៥ឆ្នាំ មានទីលំនៅភូមិអូរតាញាឃុំតាគ្រាមស្រុកបាណន់ ។ វត្ថុតាងដែលដកហូតបានមានថ្នាំញៀនម៉ាទឺកកក៩ថង់តូចស្មើទម្ងន់១,២៥ក្រាមនិងទូរស័ព្ទដៃចំនួន១គ្រឿង។
ជនសង្ស័យបានសារភាពថា ខ្លួនបានទិញថ្នាំញៀនយកមកលក់មុនរដូវភ្ជុំបិណ្ឌ។
មន្ត្រីនគរបាលការិយាល័យប្រឆាំងគ្រឿងញៀនបានបញ្ជាក់ថា ជនសង្ស័យជាមុខសញ្ញាចាស់ បច្ចុប្បន្នបានកសាងសំណុំរឿងបញ្ជូនជនសង្ស័យនិងវត្ថុតាងទៅតុលាការ នាព្រឹកថ្ងៃទី០៩ ខែតុលា ឆ្នាំ២០១៤ ចាត់ការតាមនិតិវិធី ៕
