បាត់ដំបង ៖កម្លាំងនគរបាលស្នងការដ្ឋានខេត្តបាត់ដំបងបើកកិច្ចប្រតិបត្តិការបង្ក្រាបឃាត់ខ្លួនមនុស្សប្រុសស្រី៦នាក់កំពង់ធ្វើសកម្មភាពលក់ចែកចាយគ្រឿងញៀននិង ដកហូតថ្នាំញៀនម៉ាទឹកកកបានចំនួន២កញ្ចប់ធំ កាលពីម៉ោង១៨និង៤០នាទី យប់ថ្ងៃទី០១ខែតុលាឆ្នាំ២០១៤នៅភូមិពុកឆ្មាឃុំអន្លង់វិលស្រុកសង្កែខេត្តបាត់ដំបង ។
លោក ស៊ាន សូណាល់ ប្រធានការិយាល័យប្រឆាំងគ្រឿងញៀនស្តីទី បានអោយដឹងថា មនុស្សប្រុសស្រី៦នាក់ដែលឃាត់ខ្លួនមាន៖ទី១ឈ្មោះឃនធារ៉ាភេទប្រុសអាយុ ៣២ ឆ្នាំម្ចាស់ថ្នាំញៀន មានទីលំនៅភូមិស្តីក្រោមឃុំព្រែកហ្លួងស្រុកឯកភ្នំខេត្តបាត់ដំបង ។ ទី២ឈ្មោះ សុខ ដាលីស ភេទស្រីអាយុ២៤ឆ្នាំ មានទីលំនៅភូមិឈូកឃុំឈូក ស្រុកក្រូចឆ្មា ខេត្តកំពង់ចាម ។ ទី៣ ឈ្មោះ ទូច លឹមហឿន ភេទប្រុសអាយុ៣៦ឆ្នាំ មានទីលំនៅភូមិក្រពើឃុំភ្នំសំពៅ ស្រុកបាណន់ ខេត្តបាត់ដំបង ។ ទី ៤ ឈ្មោះ ជុំ សុខ ជា ភេទស្រីអាយុ៣៦ឆ្នាំ មានទីលំនៅភូមិក្រពើជើង ឃុំភ្នំសំពៅ ស្រុកបាណន់ខេត្តបាត់ដំបង ។ ទី៥ ឈ្មោះ ញ៉ិល ឈង ភេទប្រុសអាយុ ៣១ ឆ្នាំ មានទីលំនៅភូមិប៉ោយ ស្វាយ ឃុំតាគ្រាម ស្រុកបាណន់ ខេត្តបាត់ដំបង ។ ទី៦ ឈ្មោះ សេង ល័យ ភេទប្រុសអាយុ៣០ឆ្នាំ មានទីលំនៅភូមិប៉ោយស្វាយ ឃុំតាគ្រាម ស្រុកបាណន់ ខេត្តបាត់ដំបង ។ វត្ថុតាងដែលដកហូតបានមាន ថ្នាំញៀនប្រភេទម៉ាទឹកកកចំនួន ២ កញ្ចាប់ធំ មានទំងន់ស្មើ១៩១,០៥ក្រាម និងរថយន្តចំនួន៣គ្រឿង មានម៉ាកលុចស៊ីសកូនកាត់ RX៣០០ ស៊េរីឆ្នាំ២០០៧ ចំនួន១គ្រឿង រថយន្តម៉ាកកូរ៉ូឡាចំនួន១គ្រឿង និងរថយន្តម៉ាកកាំម៉ារីស៊េរីឆ្នាំ១៩៩១ ចំនួន១គ្រឿង ។
កិច្ចប្រតិបត្តិការណ៍នេះ ក្រោមការចង្អុលបង្ហាញពីលោក ស ថេត ស្នងការបាត់ដំបងទើបកម្លាំងនគរបាល និងកម្លាំងជំនាញចុះបង្ក្រាបមុខសញ្ញាបានជោគជ័យ ។ ម្យ៉ាងទៀតឈ្មោះ ឃន ធារ៉ា ជាមុខសញ្ញាចាស់លក់ចែកចាយគ្រឿងញៀននៅខេត្តបាត់ដំបង ខេត្តបន្ទាយមានជ័យ និងខេត្តសៀមរាប និងមានដីកាតាមចាប់ខ្លួនផងដែរ ។
ក្រុមជនសង្ស័យសមត្ថកិច្ចកំពុងសាកសួរបន្តនិងរៀបចំសំណុំរឿងបញ្ជូនទៅកាន់តុលាកាចាត់ការតាមនិតិវិធី នេះបើការអោយដឹងរបស់លោក ជេត វណ្ណនី ស្នងការរង កណ្តាលយុត្តិធម៌ ៕
