ភ្នំពេញ ៖ ដីមួយកន្លែងនៅភូមិកាកាប សង្កាត់កាកាប ខណ្ឌដង្កោ រាជ ធានីភ្នំពេញ មានទំហំ៥ហិកតា ៦០អា ១៣សង្ទីអា ដែលកំពុង កាន់កាប់ដោយលោកយាយ ហួត សារុំ តាំងពីឆ្នាំ១៩៧៩មក បច្ចុប្បន្នត្រូវបានឈ្មួញដែលយក ខ្នងសមូហភាពប្រជាពលរដ្ឋក្នុង ភូមិកាកាបនិងដោយមានការ គាំទ្រពីអាជ្ញាធរមានសមត្ថកិច្ច ចុះមកអនុវត្តរំលោភយកដីរបស់ លោកយាយយ៉ាងអយុត្តិធម៌បំផុត ដើម្បីយកដីនោះមកដាក់រួម សម្រាប់ទុកលក់ឱ្យឈ្មួញដោយ ពុះជ្រៀកទុកដីឱ្យលោកយាយ ត្រឹមតែ ១ហិកតាប៉ុណ្ណោះ ទោះ បីជាលោកយាយ ហួត សារុំ និងក្រុមគ្រួសារបាននាំគ្នាតវ៉ា យ៉ាងប្តូរផ្តាច់ និងបញ្ហាទំនាស់ដី នេះកំពុងស្ថិតនៅលើដៃជំនាញ ដោះស្រាយនៅឡើយក៏ដោយ ។
ចាប់តាំងពីថ្ងៃទី ១៨ ខែ កញ្ញា ឆ្នាំ២០១៤ រហូតមកដល់ ពេលនេះគណៈកម្មការចម្រុះ របស់សាលាខណ្ឌពោធិ៍សែន ជ័យបានចុះទៅអនុវត្តតាមស្មា រតីលិខិតលេខ ៥៦៥ ស.ជ.ណ ចុះថ្ងៃទី ២៨ ខែមីនា ឆ្នាំ២០១៣ របស់ទីស្តីការគណៈរដ្ឋមន្ត្រីធ្វើ របងហ៊ុំព័ទ្ធដីទំហំជាង ៤ហិកតា ដែលជាដីរបស់លោកយាយ ហួត សារុំ យ៉ាងអយុត្តិធម៌ក្រៃ លែង ។
ទន្ទឹមនឹងនោះដែរ ទោះបី ជាមានលិខិតពីខុទ្ទកាល័យសម្តេច នាយករដ្ឋមន្ត្រីផ្ញើទៅឱ្យរដ្ឋមន្ត្រី ក្រសួងដែនដីនគរូបនីយកម្មនិង សំណងដើម្បីឱ្យពីនិត្យឡើងវិញ ពីបញ្ហាដីរបស់លោកយាយហួត សារុំ ក៏ដោយ ក៏អាជ្ញាធរនៅតែ បន្តធ្វើរបងហ៊ុំព័ទ្ធលើដីមាន ទំនាស់នេះដោយសំអាងទៅលើ សមូហភាពអ្នកភូមិដែលគេជឿ ជាក់ថាមានឈ្មួញដ៏មានអំណាច កំពុងជម្រុញពីក្រោយ។
តាមប្រវត្តិដីខាងលើដើម ឡើយគឺជាដីព្រៃដែលលោកយាយ ហួត សារុំ ខំកាប់ឆ្កាក្លាយទៅ ជាដីស្រែមានចំនួន ០៥ហិកតា ៦អា ១៣សង្ទីអា ដែលអាជ្ញាធរ ដែនដីទទួលស្គាល់គ្រប់លំដាប់ ថ្នាក់ទើបតែនៅថ្ងៃទី៥ ខែសីហា ឆ្នាំ ១៩៩៩ មានមេខ្យល់ក្នុងភូមិ ចង់បានដីលក់ឱ្យឈ្មួញបានដើរ បំផុសប្រជាពលរដ្ឋឱ្យផ្តិតមេដៃ ទាមទារដីនេះមកដាក់ជាសម្បត្តិ រួមវិញ ។
ប្រជាពលរដ្ឋដែលតាមមេ ខ្យល់ប្តឹងទាមទារដីគឺសំអាងទៅ លើគ្នាច្រើនប្រើរូបភាពជាសមូ ហភាពធាតុពិតពួកគាត់ពុំ ដែល បង្កបង្កើនផលលើដីនោះឡើយ។
រឿងក្តីនេះ មានឈ្មួញមាន ឥទ្ធិពលនៅពីក្រោយខ្នងប្រជាពលរដ្ឋទើបបណ្តាលឱ្យលោក សេង យៀន អគ្គនាយកនៃក្រសួង ទំនាក់ទំនងរដ្ឋសភាព្រឹទ្ធសភា និងអធិការ ដែលពេលនោះជា ប្រធានគណៈកម្មាធិការចុះមក អង្កេតរឿងដីខាងលើនិងលោក ស្រី ឌី ប្រឹម ដែលជាអ្នករត់ការ ដែលអះអាងថាជួយប្រជាពល រដ្ឋដោយម្នាក់ជាអ្នកទទួលសំណូក ម្នាក់ទៀតជាអ្នកសូកដើម្បីរត់ ការចេញ ស.ជ.ណ យកដីរបស់ យាយ ហួត សារុំ ត្រូវមានទោស ជាប់ពន្ធនាគារតាមអំណាច សាលក្រមព្រហ្មទណ្ឌលេខ១៣៥ ចុះថ្ងៃទី ២៨ ខែវិច្ឆិកា ឆ្នាំ២០១១ របស់សាលាដំបូងរាជធានី ភ្នំពេញ ។
ស្រាប់តែនៅថ្ងៃខាងលើ គេឃើញមានការជម្រុញឱ្យអនុ វត្តន៍ ស.ជ.ណលេខ ៥៦៤ ដែល គេជឿជាក់ថាមានមេឈ្មួញនៅ ក្រោយដោយយកប្រជាពលរដ្ឋ ១២០គ្រួសារជាសមូហភាពធ្វើ ជាខែលដើម្បីលេបយកដីរបស់ លោកយាយ ហួត សារុំ យ៉ាង អយុត្តិធម៌ជាទីបំផុត ។
ស្របពេលនេះដែរ លោក យាយហួតសារុំ និងក្រុមគ្រួសារ លើកដៃសំពះសុំក្តីអន្តរាគមន៍ពី សម្តេចតេជោនាយករដ្ឋមន្ត្រីនិង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជួយរកយុត្តិធម៌និង ដោះស្រាយដីជូនលោកយាយ ខណៈដែលដីខាងលើនេះជាដី ដែលលោកយាយកាន់កាប់ពិត ប្រាកដតែត្រូវបានគេរំលោភយក ដោយយកឈ្មោះសមូហភាព និងអំណាចមកគាបសង្កត់ ចំណែករូបលោកយាយប្រៀប ដូចជាពងមាន់យកទៅជល់នឹងថ្មយ៉ាងដូច្នោះដែរ ។
បច្ចុប្បន្ននេះ ការធ្វើរបង ហ៊ុំព័ទ្ធយកដីខាងលើនៅតែបន្ត ធ្វើក្រោមសំរែកស្វែងរកយុត្តិធម៌ ពីយាយ ហួត សារុំ ៕
ដោយ ៖ កែវ ចាន់ឌួង
