ខេត្តកំពង់ឆ្នាំង ៖ ឈ្មួញរកស៊ីដឹកជញ្ជូនឈើ ប្រណីតខុសច្បាប់ ជាពិសេសឈើគ្រញូងដែលមានតម្លៃដូច មាសនៅលើទីផ្សារអន្តរជាតិ តែងតែប្រើគ្រប់មធ្យោបាយនិង គ្រប់រូបភាពដើម្បីបន្លំភ្នែកសមត្ថ កិច្ចដឹកជញ្ជូនឈើគ្រញូងយក ទៅលក់នៅប្រទេសវៀត ណាម ដែលនៅទីនោះត្រូវគេចាត់ទុក ថា ជាទីផ្សារងងឹតសម្រាប់ការ ជួញដូរឈើគ្រញូងនិងឈើ ប្រណីតផ្សេងទៀតដូចជា បេង ធ្នង់ ជាដើម ។
រាជរដ្ឋាភិបាលដែលដឹកនាំ ដោយសម្តេចតេជោ ហ៊ុន សែន នាយករដ្ឋមន្ត្រីបានចេញបទបញ្ជា យ៉ាងម៉ឺងម៉ាត់ឱ្យគ្រប់ស្ថាប័ននិង សមត្ថកិច្ចពាក់ព័ន្ធត្រូវទប់ស្កាត់ នូវការដឹកជញ្ជូនឈើប្រណីត ខុសច្បាប់យកទៅលក់នៅប្រទេស វៀតណាម ព្រមទាំងព្រមាន មន្ត្រីអសកម្មដែលឃុបឃិតជា មួយឈ្មួញទុច្ចរិតបើកភ្លើងខៀវ ឱ្យមានការដឹកជញ្ជូនអនុផលព្រៃ ឈើដោយខុសច្បាប់ត្រូវដកខ្លួន ចេញឱ្យឆ្ងាយពីបទឧក្រិដ្ឋខាង លើ បើពុំដូច្នោះទេ នឹងត្រូវផ្តន្ទា ទោសតាមច្បាប់ ។
បច្ចុប្បន្នឈើគ្រញូងត្រូវបាន នាំចេញពីប្រទេសថៃដោយពួក ឈ្មួញបានអន្ទងទាក់ទាញប្រជា ពលរដ្ឋខ្មែរឱ្យចូលទៅក្នុងដីថៃ លួចកាប់ដឹកជញ្ជូនយកចេញពីដី ថៃពេលខ្លះក៏ត្រូវយោធាថៃដេញ បាញ់សម្លាប់ដូចសត្វធាតុមួយ ចំនួនត្រូវរងរបួសនិងមួយចំនួន ទៀតត្រូវភាគីចាប់ចងដាក់គុក ច្រវ៉ាក់ដោយសារជំនួញឈើ គ្រញូងប្រលាក់ទៅដោយឈាម ពលរដ្ឋខ្មែរស្លូតត្រង់ គួរឱ្យអា- ណោចអធម្មទើបរាជរដ្ឋាភិបាល បានចេញអនុសាសន៍ឱ្យខិតខំ ប្រឹងប្រែងទប់ស្កាត់ការជួញដូរ ឈើគ្រញូង និងឈើប្រណិត ផ្សេងៗទៀតដើម្បីរក្សាព្រៃឈើ ឱ្យនៅគង់វង្សនិងរក្សាជីវិតប្រ- ជាពលរដ្ឋ ។
ចំណែកនៅខេត្តកំពង់ឆ្នាំង ការចរាចរណ៍ឈើគ្រញូងនៅ តែមានភាពសកម្ម ទោះបីជា មន្ត្រីរដ្ឋបាលព្រៃឈើខេត្តក៏ដូច ជាមន្ត្រីសមត្ថកិច្ចខិតខំបង្ក្រាប យ៉ាងណាក៏ដោយក៏នៅតែមាន ការដឹកជញ្ជូនឆ្លងកាត់ខេត្តមួយ នេះយ៉ាងសស្រាក់សស្រាំផង ដែរ ។
តាមប្រភពពីប្រជាពលរដ្ឋ បានឱ្យដឹងថា មានរថយន្តស៊េរី ទំនើបៗដឹកឈើគ្រញូងមានប្រភព ចេញមកពីខេត្តបន្ទាយមានជ័យ ខេត្តបាត់ដំបងដែលជាខេត្តជាប់ ព្រំប្រទល់ និងប្រទេសថៃបានដឹក ឈើគ្រញូងឆ្លងកាត់ខេត្តកំពង់ ឆ្នាំងបានដោយរលូនដោយពុំ ជួបឧបសគ្គមករារាំងនោះឡើយ នៅតាមដងផ្លូវជាតិទោះបីជា មានសមត្ថកិច្ចជំនាញបណ្តាក់ គ្នាដូចខ្យងក៏ដោយ ។
ឆ្លើយតបនឹងការសុំបំភ្លឺរបស់ កាសែតសម្តីរាស្ត្រពីការដឹកជញ្ជូន ឈើគ្រញូងឆ្លងកាត់ខេត្តកំពង់ ឆ្នាំង លោក ស៊ឹម សារ៉ាត នាយកតំបន់បឹងទន្លេសាបប្រចាំ ខេត្តកំពង់ឆ្នាំង ពោធិ៍សាត់ បាត់ដំបង សៀមរាប កំពង់ធំនៃ អង្គការការពារ និងអភិរក្សសត្វ ព្រៃឈើជលផលកម្ពុជាបានឱ្យ ដឹងថា លោកបានត្រឹមតែឃើញ ដូចប្រជាពលរដ្ឋបានឃើញរថ- យន្តស៊េរីទំនើបដឹកឈើគ្រញូង ឆ្លងកាត់ខេត្តដែរ តែលោកពុំ មានអ្វីទៅទប់ស្កាត់បានឡើយ បាន ត្រឹមតែឃើញប៉ុណ្ណោះ ។
ទន្ទឹមនឹងនោះដែរ លោក ស៊ឹម សារ៉ាត បានឱ្យដឹងទៀតថា ប្រហែលជាមានការបើកភ្លើង ខៀវពីសមត្ថកិច្ចជំនាញពាក់ព័ន្ធ ទើបឈើគ្រញូងអាចលោតឆ័ត្រ ឆ្លងផុតខេត្តកំពង់ឆ្នាំងបានដោយ រលួនយ៉ាងដូច្នេះ ។
នៅទីបំផុត លោក ស៊ឹម សារ៉ាត ក្នុងនាមអង្គការការពារ និងអភិរក្សសត្វព្រៃឈើជលផល កម្ពុជា បានលើកជាសំណូមពរ សុំឱ្យរដ្ឋបាលព្រៃឈើនិងអាជ្ញា ធរខេត្តកំពង់ឆ្នាំងមានវិធានការ បង្ក្រាបការដឹកជញ្ជូនឈើគ្រញូង ឆ្លងកាត់ខេត្តកំពង់ឆ្នាំងឱ្យបាន ម៉ឺងម៉ាត់និងមានប្រសិទ្ធភាពផង ដើម្បីចូលរួមចំណែកទប់ស្កាត់ ប្រជាពលរដ្ឋចូលទៅទឹកដីថៃ ដោយខុសច្បាប់លួចកាប់ឈើ គ្រញូងដែលបណ្តាលឱ្យមានការ អន្តរាយដល់ជីវិតឈាមហូរ ស្រោចប្រថពីស្របតាមបទបញ្ជា របស់រាជរដ្ឋាភិបាលកម្ពុជា អាណត្តិទី ៥ ៕
