ខេត្តបាត់ដំបង ៖ ព្រះពុទ្ធសាសនាជាសាសនា របស់រដ្ឋដែលប្រជាពលរដ្ឋខ្មែរ នៅទូទាំងប្រទេសតែងបានគោរព បូជាជាទីសក្ការៈ នៅតាមទីវត្ត អារាមនានាដោយប្រជាពលរដ្ឋ ខ្មែរ គឺជាពុទ្ធសាសនូបត្ថម្ភដ៏ប្រសើរក្រៃលែងក្នុងការលើក តម្កើងវិស័យព្រះពុទ្ធសាសនា ឱ្យរីកចំរើនគ្រប់កាលៈទេសៈ ។
មនុស្សគ្រប់រូបតែងប៉ងប្រាថ្នា នូវសេចក្តីសុខចម្រើនសិរីសួស្តី លាភយសថ្កុំថ្កើងសម្រាប់ជីវិត រស់នៅនាបច្ចុប្បន្នកាលក៏ដូចជា អនាគតកាល ប៉ុន្តែសេចក្តីសុខ ទាំងអស់នោះមិនមែនកើតឡើង ពីការបួងសួងឧទ្ទិសចំពោះនោះ ទេ គឺបានមកពីការប្រព្រឹត្តតាម គន្លងសុច្ចរិតនិងស្របតាមច្បាប់ របស់រដ្ឋផង ដែលលោកអោយ ឈ្មោះថាជាការតម្កល់ខ្លួនដោយ ប្រពៃរ៍រឺការប្រព្រឹត្តតាមបទដ្ឋាន សង្គមដោយបង្ហាញថាតម្កល់ខ្លួន ទុកដោយប្រពៃរ៍ជាមង្គលឧត្តម ។
ប្រជាពលរដ្ឋខ្មែរបានប្រកាន់ យកយ៉ាងខ្ជាប់ខ្ជួនគោរពប្រណិបត្តិតាមគន្លងធម៌ព្រះពុទ្ធសាសនា របស់រដ្ឋ និងមានព្រះ សង្ឃជា ស្រែបុណ្យគង់នៅចាំព្រះវស្សា សម្រាប់គោរពប្រណិបត្តិធម៌អាថ តាមការទូន្មានប្រៀនប្រដៅ របស់ព្រះបរមសាស្ត្រចារ្យព្រះ សមណគោត្តមបណ្តាលឱ្យវិស័យ ព្រះពុទ្ធសាសនានៅព្រះរាជា ណាចក្រកម្ពុជាមានការរីកចំរើន យ៉ាងខ្លាំង ។
ក្នុងនាមជាពុទ្ធសាសនិកជន មួយរូបដែលតែងតែមានទឹកចិត្ត ជ្រះថ្លាក្នុងវិស័យព្រះពុទ្ធសាសនា ឯកឧត្តម ចក់ ស៊ាងលី ទីប្រឹក្សា ឯកឧត្តម ស ខេង ឧបនាយករដ្ឋ មន្ត្រី រដ្ឋមន្ត្រីក្រសួងមហាផ្ទៃនិង ជាអគ្គនាយករងអង្គការការពារ អភិរក្សសត្វព្រៃឈើជលផល កម្ពុជា បានអញ្ជើញជាអធិបតី ក្នុងការបញ្ចុះបឋមសិលាកសាង ខ្លោងទ្វារវត្តឧត្តមត្រ័យសិក្ខារាម ហៅវត្តកំប្រង់ នៅឃុំតាគ្រៃ ស្រុកកំរៀង ខេត្តបាត់ដំបងកាល ពីពេលថ្មីៗកន្លងទៅនេះ ។
នៅក្នុងឱកាសនោះ ឯកឧត្តម ចក់ ស៊ាងលី បានមាន ប្រសាសន៍ពាំនាំនូវការនឹករលឹក និងសាកសួរសុខទុក្ខប្រជាពលរដ្ឋ ពីសំណាក់សម្តេចទាំងបី គឺ សម្តេចអគ្គមហាធម្មពោធិសាល ជា ស៊ីម ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភាជាតិ និងសម្តេចអគ្គមហាសេនាបតី តេជោ ហ៊ុន សែន នាយករដ្ឋ មន្ត្រីនៃព្រះរាជាណាចក្រកម្ពុជា ដែលជានិច្ចកាល សម្តេចទាំងបី តែងតែគិតដល់សុខទុក្ខរបស់ ប្រជាពលរដ្ឋព្រោះថា សេចក្តី សុខសេចក្តីរុងរឿងរបស់ប្រជា- ពលរដ្ឋ គឺជាសេចក្តីសុខរបស់ សម្តេច ជាពិសេសគណបក្ស ប្រជាជនកម្ពុជាដែលបានរំដោះ ប្រជាពលរដ្ឋអោយរួចផុតពីបន ប្រល័យពូជសាសន៍ប៉ុលពត បាន និងកំពុងដឹកនាំនាវាកម្ពុជាឆ្ពោះ ទៅរកការអភិវឌ្ឍន៍ការរីកចំរើន លើគ្រប់វិស័យ ទន្ទឹមនឹងនោះដែរ ខាងវិស័យពុទ្ធចក្រក៏ដូចអាណា ចក្រមានការរីកចំរើនយ៉ាងខ្លាំង ស្របតាមគោលនយោបាយរបស់ រាជរដ្ឋាភិបាលដែលថា រដ្ឋនិង រាស្ត្ររួមគ្នាកសាងថែរក្សាព្រះ ពុទ្ធសាសនាឱ្យនៅគង់វង្សរហូត ដល់ប្រាំពាន់ព្រះវស្សា ។
សូមបញ្ជាក់ថា នៅក្នុងពិធី បញ្ចុះបឋមសិលាកសាងខ្លោង ទ្វារវត្តកំប្រង់មានទទួលស្វាគមន៍ យ៉ាងកក់ក្តៅពីព្រះគ្រូ សែម សុមុនី ព្រះចៅអធិការវត្តកំប្រង់ និងជាប្រធានមន្ត្រីអភិបាលកិច្ច សង្ឃស្រុកកំរៀង និងមានព្រះគ្រូ សុខ សុខន ព្រះអនុគណស្រុក កំរៀងក៏បាននិមន្តចូលរួមផងដែរ។
ទន្ទឹមនឹងនោះដែរ ព្រះវិសុទ្ធិ វង្ស អ៊ុក មុត ព្រះមេគណខេត្ត បាត់ដំបង និងជាព្រះរាជាគណ ថ្នាក់កិត្តិយសក៏បាននិមន្តចូលរួម ជាអធិបតីរួមទាំងលោកប្រធាន ការិយាល័យធម្មការស្រុកកំរៀង ព្រមទាំងលោកមេឃុំ មេភូមិ ពុទ្ធបរិស័ទតាជីយាយជី និងប្រ ជាពលរដ្ឋនៅជុំវិញវត្តកំប្រង់ ។
ឯកឧត្តម ចក់ ស៊ាងលី ទី ប្រឹក្សាឯកឧត្តម ស ខេង ឧបនាយករដ្ឋមន្ត្រីបានប្រគេននូវស៊ី ម៉ង់ត៍ចំនួន ០៥ តោន សម្រាប់ កសាងខ្លោងទ្វារវត្តខាងលើ ។
ប្រជាពលរដ្ឋនិងពុទ្ធបរិស័ទ ចំណុះជើងវត្តបានសម្តែងនូវការ ត្រេកអរ និងដឹងគុណចំពោះ ឯកឧត្តម ចក់ ស៊ាងលី ដែលនាំ យកសម្ភារៈមានដូចជា ស៊ីម៉ង់ត៍ មកជួយកសាងសមិទ្ធផលនៅ ក្នុងវត្តកំប្រង់ដែលជាការបង្ហាញ នូវសទ្ធាជ្រះថ្លាក្នុងការទ្រទ្រង់ វិស័យពុទ្ធសាសនាឱ្យនៅគង់វង្ស គ្រប់សម័យកាលជារៀងរហូត ៕
ដោយ ៖ កាំង ឈៀងឈុន
