ខេត្តបន្ទាយមានជ័យ ៖ ទីតាំងតាមដានសុខភាព ភ្ញៀវទេសចរបរទេសដែលចូល មកកម្ពុជានៅមាត់ច្រកទ្វារអន្តរ ជាតិប៉ោយប៉ែតហៅថា ចត្តា ឡីស័កមើលទៅដូចជា ពិបាក ភ្នែកមើលជាងគេក្នុងចំណោម ស្ថាប័នពាក់ព័ន្ធទាំងអស់នៅ មាត់ច្រកទ្វាអន្តរជាតិប៉ោយប៉ែត ដោយគេធ្វើពីគ្រោងដែកបាំង ដោយកៅស៊ូតង់មិនមានបំពាក់ ម៉ាស៊ីនត្រជាក់នោះទេ ខណៈអគារច្បាមចល័ត្ររបស់រដ្ឋជា ច្រើនបន្ទប់គេនាំគ្នាជួលឱ្យឈ្មួញ ដាក់លក់ស្រាបារីដើម្បីកើបប្រាក់ ដាក់ហោប៉ៅចែកគ្នាយ៉ាងរំភើយ។
អ្នកដំណើរឆ្លងកាត់ព្រំដែន កម្ពុជាថៃនៃច្រកទ្វារអន្តរជាតិ ប៉ោយប៉ែតខ្លងលឹកភាគច្រើន បានរិះគន់ទៅលើថ្នាក់ដឹកនាំខេត្ត និងក្រុងពិសេសអ្នកទទួលខុស ត្រូវនៅមាត់ច្រកទ្វារអន្តរជាតិ ប៉ោយប៉ែតតាំងពីជំនាន់លោក ស្រី គឹម កញ្ចះនា រហូតដល់ សម័យលោក អាន វណ្ណះ ដែល បណ្តោយឱ្យអគាររបស់រដ្ឋមួយ ចំនួនក្លាយជាទីតាំងលក់ដូរស្រា បារី ឯទីតាំងចត្តាឡីស័កតាម ដានពីសុខភាពអ្នកដំណើរទេស ចរណ៍បរទេសចូលមកកម្ពុជា ដែលជាស្ថាប័នដ៏សំខាន់ បែជា បោះតង់ជាប់ដងផ្លូវដូចជម្រក អ្នកសុំទានទៅវិញ ។
ស្របពេលដែលប្រទេស មួយលើពភពលោក កំពុងផ្ទុះ ឡើងនៅជម្ងឺមួយដែលសម្លាប់ មនុស្សអស់យ៉ាងច្រើនហៅថា ជម្ងឺ(អេបូឡា)នៅបណ្តាប្រ- ទេសជាច្រើនគេបានរឹតបន្តឹង តាមដានសុខភាពភ្ញៀវទេសចរ បរទេសចូលប្រទេសរៀងខ្លួនៗ ។ ប្រទេសកម្ពុជាក៏បានពង្រឹង ការតាមដានសុខភាពភ្ញៀវទេស ចរណ៍បរទេសដូចគ្នាទៅនិងបណ្តាប្រទេសផ្សេងៗ ។
ជាមួយគ្នានេះនៅមាត់ច្រក ទ្វារអន្តរជាតិនានាគេឃើញទី តាំងចត្តាឡីស័កបានត្រូវគេរៀប ចំយ៉ាងសមរម្យនិងបំពាក់ដោយ ឧបករណ៍តាមដានសុខភាព “ម៉ាស៊ីនស្កែនមេរោគ”ផងដែរ ដោយឡែកតែនៅមាត់ច្រកទ្វារ អន្តរជាតិប៉ោយប៉ែតទីតាំងតាម ដានសុខភាពភ្ញៀវទេសចរណ៍បរ ទេសមិនទាន់សមរម្យ និងមិន ទាន់មានបំពាក់ម៉ាស៊ីនដើម្បី តាមដានសុខភាពនៅឡើយ ឃើញតែក្រុមមន្ត្រីចែកក្រដាស់ អោយភ្ញៀវបំពេញបែបបទតែ ប៉ុណ្ណោះ ។
ការតាមដានសុខភាពភ្ញៀវ ទេសចរណ៍ចូលមកកម្ពុជាក្រោម កៅស៊ូតង់តូចចង្អៀតហើយមិន មានឧបករណ៍គ្រប់គ្រាន់បែប នេះ វាមិនត្រឹមតែធ្វើឱ្យមានការ រិះគន់ពីស្រទាប់មហាជនទាំង ភ្ញៀវជាតិនិងអន្តរជាតិនោះទេវា ក៏មិនអាចឱ្យជឿទុកចិត្តបាននៅ ការទប់ស្កាត់ជម្ងឺឆ្លងនានាដែល ពិភពលោកកំពុងព្រួយបារមណ៍ នោះដែរ ។
មន្ទីរសុខាភិបាលខេត្តក៏ជា ចំណែកមួយដែលរងការរិះគន់ ផងដែរ ព្រោះតែបណ្តោយឱ្យ ក្រុមមន្ត្រីចត្តាឡីស័កធ្វើការ ក្រោមជម្រកតង់កៅស៊ូទទួល ភ្ញៀវទេសចរណ៍បែបនេះ ។ ទី តាំងលក់ស្រាបារី និងភេសជ្ជៈ ៣ ទៅ ៤ បន្ទប់ ក្នុងអគារច្បាម ចល័ត្រជារបស់រដ្ឋមជ្ឈដ្ឋាននានា បានរិះគន់ថា មិនគួរឱ្យកើតមាន នោះទេ ហើយប្រភព
ប្រាប់ថា តម្លៃជួលឱ្យឈ្មួញក្នុងមួយខែៗ មិនក្រោមពី ២ ទៅ ៣ ម៉ឺនបាត ប្រាក់ថៃយ៉ាងតិចក្នុងមួយបន្ទប់ៗ មិនដឹងថាថវិការទាំងនោះធ្លាក់ ទៅលើដៃលោកណានោះទេ ឬមួយវាអាចបែងចែកទៅថ្នាក់ ដឹកនាំមួយចំនួនដែរទើបបណ្តោយ ឱ្យកើតមានជារៀងរហូតមក ។
ច្រកទ្វារអន្តរជាតិប៉ោយប៉ែត គួរតែក្រសួងពាក់ព័ន្ធបំពាក់ឧបករណ៍តាមដានសុខភាពដល់ ភ្ញៀវទេសចរណ៍បរទេសឱ្យបាន ឆាប់មិនមែនទុកទាល់តែជម្ងឺ នោះរាតត្បាតមកដល់កម្ពុជា ទើបមានការប្រុងប្រយ័ត្នជា ក្រោយ ។ មន្ត្រីចត្តាឡីស័ក ជំនាន់អ្នកមុនៗគេឃើញតែងតែ មានកម្មវិធីបាញ់ថ្នាំការពារជម្ងឺ ឆ្លងតាមកង់រថយន្តដែលឆ្លង កាត់ពីថៃមកកម្ពុជាជាញឹក ញាប់ ប៉ុន្តែជំនាន់មន្ត្រីក្រោយៗ នេះគេពុំដែលឃើញបង្កើតកម្ម វិធីដូចមន្ត្រីមុនៗឡើយ ៕
ដោយ ៖ កញ្ញា
