ខេត្តសុរិន្ទ ប្រទេសថៃ ៖ សហព័ន្ឋបណ្តាញផ្សព្វផ្សាយអាស៊ាន ( UMA )បានបើកមហាសន្និបាតលើកទីបី នៅខេត្តសុរិន្ទ ប្រទេសថៃ ដោយមានអ្នកសារព័ត៌មានជាសមាជិកចំនួន៤ប្រទេសមកចូលរួមប្រជុំ ស្ថិតនៅសណ្ឋាគារពេជ្រកាក្សេម ខេត្តសុរិន្ទ ក្នុងនោះមានការចូលរួមពីសំណាក់ថ្នាក់ដឹកនាំសំខាន់ៗរបស់សហព័ន្ឋបណ្តាញផ្សព្វផ្សាយអាស៊ាន និងបានលើកយកនូវកិច្ចការសំខាន់ៗ ដែល( UMA ) បានរួមគ្នាចងក្រងនិងការអភិវឌ្ឍន៍សង្គមនៃប្រទេសអាស៊ាន ដើម្បីសន្តិភាពនិងកិច្ចសហប្រតិបត្តិការផ្នែកវិស័យសារព័ត៌មាន នៅថ្ងៃទី២៦ ខែវិច្ឆិកា ឆ្នាំ២០១៧។
កិច្ចប្រជុំសហព័ន្ឋបណ្តាញផ្សព្វផ្សាយអាស៊ាន គឺមានការចូលរួមរវាងប្រទេសកម្ពុជា វៀតណាម ថៃ និង ប្រទេសមីយ៉ាន់ម៉ា ក្នុងនោះមានលោក ប្រាសិទ្ធ សែងរុងរឿង អគ្គលេខាធិការ( UMA ) លោក សុខ សុវណ្ណ អគ្គលេខាធិការរង( UMA )ប្រចាំប្រទេសកម្ពុជា ព្រមទាំងគណប្រតិភូមកពីវៀតណាម ថៃ និង មីយ៉ាន់ម៉ា ព្រមទាំងអ្នកសារព័ត៌មាន កាសែត, វិទ្យុ , ទូរទស្សន៍, និងគេហទំព័រ ចំនួនជាង១០០នាក់ ចូលរួមក្នុងអង្គមហាសន្និបាត ។
លោក ផនភុត បណ្ឌិតយ៉ានុរ៉ាក អភិបាលរងខេត្តសុរិន្ទ បានមានប្រសាសន៍ ស្តីពីបញ្ហាច្រកព្រំដែនជាំស្រង៉ាំ ខេត្តច័ន្ទបុរី និង ខេត្តត្រាត ដែលមានព្រុំប្រទល់ជាប់ប្រទេសកម្ពុជា កាលពីខែមុននេះ គឺមានការបើកគ្រុបទេសចរណ៍ទៅប្រទេសឡាវ។ ខេត្តសុរិន្ទមានស្រុកកាប់ឈើជាប់នឹងព្រំដែនកម្ពុជា ហើយនឹងមានគម្រោងរៀបចំរថយន្តដឹកជញ្ជូនអ្នកដំណើរពីខេត្តសុរិន្ទ ទៅត្រង់ខេត្តសៀមរាប នៅពេលនេះអាជ្ញាធរខេត្តកំពុងតែរៀបចំមណ្ឌលទេសចរណ៍រវាងខេត្តនឹងខេត្ត ជាពិសេសនៅពេលនេះ អាជ្ញាធរខេត្តកំពុងតែរៀបចំសម្រួលដល់អ្នកជំងឺដែលបានមកព្យាបាលនៅថៃ ជាពិសេសនៅខេត្តសុរិន្ទ ហើយនឹងចាត់បញ្ជូនទៅរក្សាព្យាបាលជំងឺនៅមន្ទីរពេទ្យធំៗបន្តទៀត ក្នុងនោះគឺអាជ្ញាធរ ខេត្តសុរិន្ទកំពុងតែសហការជាមួយសមត្ថកិច្ចរវាងប្រទេសទាំង២ ដើម្បីទប់ស្កាត់ការជួញដូរមនុស្ស មិនថាប្រទេសណាគឺមានការសាមគ្គីគ្នា និងសុំស្នើឲ្យបណ្តាញផ្សព្វផ្សាយអាស៊ាន ជួយនាំគ្នាផ្សព្វផ្សាយពីសកម្មភាពល្អរបស់ខេត្តនីមួយៗ និងប្រទេសនីមួយឲ្យបានទូលំទូលាយ ។
មហាសន្និបាតបានជ្រើសរើសថ្នាក់ដឺកនាំថ្មីអាណត្តិទី៣ ដោយមានលោក ប្រាសិទ្ធ សែងរុងរឿង ជាអគ្គលេខាធិការ( UMA ) លោកប្រ៊យ សម្បត្តិ ជាអគ្គលេខាធិការរង ( UMA )ប្រចាំប្រទេសថៃ លោក សុខ សុវណ្ណ អគ្គលេខាធិការរង ( UMA )ប្រចាំប្រទេសកម្ពុជា លោកទុន អ៊ូ អគ្គលេខាធិការរង ( UMA )ប្រចាំប្រទេសមីយ៉ាន់ម៉ា ព្រមទាំងអនុមត័ឯកភាពលើវិសោធនកម្មលក្ខន្តិកៈរបស់ ( UMA)ប្រកបដោយជោគជ័យ។
ចំណែកលោកអភិបាលខេត្តសុរិន្ទ ក៏បានអញ្ជើញមកពិសារអាហារសាមគ្គីនៅពេលល្ងាចជាមួយគណៈប្រតិភូ( UMA ) ប្រកបដោយភាពស្និទ្ធស្នាលនិងរីករាយ បង្ហាញនូវភាពរឹងមាំរវាងប្រទេសក្នុងសមាគមអាស៊ាន។
ថ្ងៃបន្ទាប់ អ្នកកាសែតប្រតិភូ( UMA )បានទៅធ្វើទស្សនកិច្ចនៅកន្លែងចិញ្ចឹមដំរីនៅភូមិកាត្រាង ដោយបានទស្សនាការសម្តែងរបស់ដំរី និងថតរូបជាអនុស្សាវរីយ៏ទៀតផង។
សូមរំលឹកថា សហព័ន្ឋបណ្តាញផ្សព្វផ្សាយអាស៊ាន ( UMA )បានរំលឺកខួបឆ្នាំទី៨របស់ខ្លួន ដោយសំរេចបាននូវសមិទ្ធផលធំលើវិសយ័ពត័មាន ជាពិសេសបានទទួលកិត្តិយសប្រគល់ពានសន្តិភាពនិងការអភិវឌ្ឍន៏ជូនសម្តេចតេជោហ៊ុនសែន នាយករដ្ឋមន្ត្រីសម្តេចពញាចក្រីហេង សំរិន ប្រធានសភានៃព្រះរាជាណាចក្រកម្ពុជា និងមន្ត្រីជាន់ខ្ពស់ អ្នកកាសែតកម្ពុជា ថៃ ផងដែរ៕(ដោយ កែវ ចាន់ឌួង)
