ខេត្តពោធិ៍សាត់ ៖ បទល្មើសនេសាទនៅក្នុង ភូមិសាស្ត្រខេត្តពោធិ៍សាត់ ក្នុង រដូវបិទនេសាទនេះបានធ្វើសកម្ម ភាពយ៉ាងអនាធិបតេយ្យដោយ ប្រើឧបករណ៍នេសាទខុសច្បាប់ យ៉ាងទំនើបបំផុត ដែលគ្មាននៅ ក្នុងច្បាប់ស្តីពីជលផលដូចជា ប ណរ៉ាវ លូសាច់ ខៀវ លូសាច់ ក្រហមរាប់រយកន្លែង ដែលស្ថិត នៅចំណុចភូមិដីរនាត ឃុំមេទឹក ស្រុកបាកាន ខេត្តពោធិ៍សាត់ គ្រប់គ្រងដោយលោកភុន សុវណ្ណ នាយសង្កាត់ជលផលស្រុកបាកាន និងចំណុចភូមិក្អមសំណរ ភូមិ ចារុះ ភូមិរាំងទិល ស្រុកកណ្តៀរ ខេត្តពោធិ៍សាត់ គ្រប់គ្រងដោយ លោក កែម ចំរើន នាយសង្កាត់ ជលផលរាំងទិល ។
តាមប្រភពព័ត៌មានពីប្រជា នេសាទដែលគាត់រកនេសាទជា លក្ខណៈគ្រួសាររស់នៅតំបន់ នោះបានប្រាប់អ្នកយកព័ត៌មាន យើងឱ្យដឹងថាបទល្មើសនេសាទ ខុសច្បាប់មានរាប់រយកន្លែងរីក ដូចផ្សិតពុំដែលឃើញសមត្ថកិច្ច ជំនាញអើពើនិងចុះបង្ក្រាប ឡើយ ។
តាមប្រភពព័ត៌មានបានបន្ត ទៀតថា ប្រហែលជាសមត្ថកិច្ច ទាំងនោះមានការត្រូវដងត្រូវផ្លែ ជាមួយអ្នករកស៊ីប្រព្រឹត្តបទល្មើស នេសាទខុសច្បាប់ទាំងនោះ ហើយមើលទៅគ្រាន់តែគេបាន ឃើញមន្ត្រីជំនាញជលផលចុះ បង្ក្រាបម្តងម្កាល គឺបង្ក្រាបមួយ គំរាមដប់ដើម្បីធ្វើឱ្យល្អមើលនិង ងាយស្រួលធ្វើរបាយការណ៍ភូត កុហកថ្នាក់លើតែប៉ុណ្ណោះ ។
ជាក់ស្តែង ដូចជានៅចំណុច ចុងព្រែកក្រ ព្រែកតាឡែន រៀន អំបិល អូរតំណាក់ជី ក្នុងភូមិដី រនាត របាំងណរ៉ាវ មានប្រវែង ពី៥០០ម៉ែត្រ ទៅ១៥០០ម៉ែត្រ មាន ៩ម្ចាស់និងរបាំងណរ៉ាវ ពី ៣០០ម៉ែត្រ ទៅ ៥០០ម៉ែត្រ មាន ៤០ម្ចាស់ ហើយរបាំងណ រ៉ាវទាំងនោះគេធ្វើនេសាទខុស ច្បាប់ទាំងរដូវប្រាំងដល់រដូវបិទ ហើយពីបិទដល់រដូវវស្សា ។ បទ ល្មើសនេសាទខុសច្បាប់ទាំង នោះគឺមានក្រុមឈ្មួញមួយចំនួន មានឈ្មោះ ហ៊ូវ ឈ្មោះ ជាតិ នៅភូមិដីរនាត ជាអ្នកជួយលុយ រត់ការគ្រប់សមត្ថកិច្ចទាំងអស់ បានយ៉ាងរលូនបើកដៃឱ្យជន ល្មើសប្រព្រឹត្តបទល្មើសនេសាទ ពុំមានញញើតជាថ្នូរនិងទឹក ប្រាក់ដាក់ ហោប៉ៅរៀងៗខ្លួន ។
បទល្មើសនេសាទខុសច្បាប់ ក្នុងរដូវបិទនេសាទកើតមាន យ៉ាងពេញបន្ទុកនៅលើទឹកដី ខេត្តពោធិ៍សាត់ក្នុងស្រុកមួយ ចំនួន គួរណាស់តែថ្នាក់លើមាន វិធានការទប់ស្កាត់ឱ្យមានប្រសិទ្ធ ភាពខ្ពស់បំផុតកុំជឿតែលើរបាយ ការណ៍ខ្លាំងពេក ព្រោះរបាយ ការណ៍កើនតែរហូតក្នុងមួយឆ្នាំៗ តែផលត្រីថយចុះយ៉ាងត្រដែត ។
ប្រជាពលរដ្ឋសូមសំណូមពរ ដល់ ឯកឧត្តម អ៊ុក រ៉ាប៊ុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ ទើបតែទទួល តំណែងថ្មី និងឯកឧត្តម ណៅ ធួក ប្រតិភូរាជរដ្ឋាភិបាលទទួល បន្ទុកប្រធានជលផលពីនិត្យ មើលកូនចៅនៅក្រោមឱវាទ ផងទាន ! ហិនហោចអស់ ហើយពូជត្រីក្នុងរដូវបិទនេសាទ នេះ ។
ពាក់ព័ន្ធនឹងបទល្មើសនេ សាទខុសច្បាប់ខាងលើ គួរតែ អង្គភាពប្រឆាំងអំពើពុករលួយ មេត្តាចាប់អារម្មណ៍និងបើកការ ស៊ើបអង្កេតផង ៕
