កោះកុង ៖ ប៉ូលិសអនុសេនីយ៏ត្រីម្នាក់ដែលបានធ្វើអត្តឃាតខ្លួនឯងមានឈ្មោះ ផេងគ្រី ហៅម៉ាប់ អាយុ47ឆ្នាំ រស់នៅភូមិ2 សង្កាត់ដងទង់ ក្រុងខេមរៈភូមិន្ទ ខេត្តកោះកុង មានប្រពន្ធឈ្មោះរិន សូផល អាយុ38ឆ្នាំ និងមានកូនពីរនាក់ ប្រុសទាំងពីរ (1)ឈ្មោះសៀវ ម៉េងលី (2)សៀវ ម៉េងថៃ។
តាមប្រភពពីប្រជាពលរដ្ឋជិតខាងបាននិយាយថា ជនរងគ្រោះជិតរៀបការកូនប្រុសនៅថ្ងៃទី25/12/2017នេះ ហេតុនេះគួរអោយអាណឹតណាស់។
ប៉ូលីសរូបនេះបានធ្វើអត្តឃាតខ្លួនឯង នៅក្នុងបន្ទប់ទឹក ធនាគារអេស៊ីលីដា ដែលជាធនាគារ លំដាប់ធំបំផុតនៅខេត្តកោះកុង ស្ថិតនៅក្នុងភូមិ1 សង្កាត់ស្មាច់មានជ័យ ក្រុងខេមរៈភូមិន្ទ ខេត្តកោះកុង។
តាមប្រភពពីមន្រ្តីខាងក្រៅនិយាយថា ជនរងគ្រោះប្រហែលអន់ចិត្តសក្តិតូចពេក ពីព្រោះធ្វើការយូរហើយ។
តាមប្រភពពីប្រជាពលរដ្ឋដែលមានកូនស្រីប្រុសធ្វើការនៅក្នុងធនាគារអេស៊ីលីដាបាននិយាយថា ពួកគេបានកត់សំគាល់ទៅលើជនរងគ្រោះ ដែលគាត់មកយាមកាមនៅធនាគារនេះ មួយរយៈពេលកន្លងទៅ បានសង្កេតឃើញថា ទឹកមុខនឹងអារម្មណ៏របស់គាត់ខុសពីធម្មតា ហាក់បីដូចមានវិបត្តអីមួយ ហើយនេះជាការកត់សំគាល់ពីបុគ្គលិកនៅក្នុងធនាគារអេស៊ីលីដា។
តាមប្រភពសូមមិនបញ្ចេញឈ្មោះបានបន្តថា កន្លងមកមានបុគ្គលិកនៅក្នុងធនាគារអេស៊ីលីដា បានប្រាប់ទៅមេម្នាក់ថា ប៉ូលិសដែលមកយាមកាមនៅធនាគារអេស៊ីលីដានេះ ត្រូវបានគាត់កត់សំគាល់ថា ប៉ូលិសរូបនេះមិនសូវស្រួល ហើយគាត់បានប្រាប់មេនោះពីរដងដែរ តែមេនោះថាមិនអីទេ ព្រោះគាត់ស្លូតណាស់ ។
ចំណែកអ្នកសារពត៏មានបានទៅដល់ផ្ទះជនរងគ្រោះហើយសុំការបំភ្លីពីរឿងសពដែលស្លាប់ ប៉ុន្តែប្អូនជនរងគ្រោះម្នាក់សុំមិនអោយថត ហើយសុំកុំអោយសារពត៌មានចុះផ្សាយទៀតផង ហើយប្អូនប្រុសនោះនិយាយថាមិនបាច់ថតទេ មេប្រាប់ថាមិនអោយផ្សាយពីព្រោះមេគេប្រាប់ហើយ នេះជាការលើកឡើងរបស់ប្អូនប្រុសសាកសព។
ចំណែកអ្នកជិតខាងបាននិយាយថា ជនរងគ្រោះនេះស្លូតណាស់ តែមានបញ្ហានៅក្នុងផ្ទះបន្តិចបន្ទួចទេ នេះប្រភពពត័មានពីអ្នកជិតខាង។
ជនរងគ្រោះមុនពេលស្លាប់បានសរសេរដាក់នៅអាវថា ការស្លាប់ខ្ញុំមិនបានពាក់ព័ន្ធជាមួយអ្នកណាទាំងអស់ គឺស្លាប់ដោយខ្លួនឯង ពីខ្ញុំផេងគ្រី លាហើយអ្នកទាំងអស់គ្នា នេះជាពាក្យបណ្ដាំជនរងគ្រោះ។
ជនរងគ្រោះបានបាញ់បង្គន់បន្ទប់ទឹកចំនួន1គ្រាប់មុនសិន ទើបបាញ់សម្លាប់ខ្លួនឯងពីរគ្រាប់ជាក្រោយ។
ចំណែកសាកសព សមត្ថកិច្ចបានប្រគល់ជូនក្រុមគ្រួសារសព។ពាក់ព័ន្ធក្នុងរឿងនេះ អ្នកសារពត៏មានមិនអាចសុំការបំភ្លឺពីលោកស្នងការនគរបាលខេត្តបានទេ៕(ដោយយួនឈីវ)
