គួរអាសូរ បុរសម្នាក់ ជិ:ម៉ូតូបុករថយន្តធុនធំ ពីក្រោយដែលចតស្ងៀម បណ្តាលឱ្យស្លាប់ភ្លាមៗ នៅនឹងកន្លែងកើតហេតុ

កំពង់ធំ ៖ បុរសម្នាក់ជិ:ម៉ូតូវិលត្រឡប់មកពីលេងឪពុកម្តាយបងប្អូននៅស្រុកកំណើត នៅភូមិចំបក់ទួលចាន់ ឃុំតាំងក្រសាំង ខេត្តកំពង់ធំ ឆ្ពោះមកកំពង់ថ្មវិញ តែជាអកុសលទៅបុករថយន្តធុនធំពីក្រោយពេញទំហ៊ឹង
ទិសដៅពីជើងទៅត្បូង បណ្តាលឱ្យបែកក្បាលនឹងបាក់កស្លាប់ភ្លាមៗនៅនឹងកន្លែងកើតហេតុ។

ហេតុការណ៍គួរឱ្យរន្ធត់នេះបានកើតឡើងនៅតាមបណ្តោយផ្លូវជាតិលេខ៦ វេលាម៉ោង២២នឹង៣០នាទីយប់ ថ្ងៃទី២៧ ខែវិច្ឆិកា ឆ្នាំ២០១៧ ខាងជើងស្ថានីយ៍ជញ្ជីងថ្លឹងឡាន ប្រមាណ២០០ទៅ៣០០ម៉ែត្រ
ស្ថិតនៅភូមិត្រើយម៉្យាប ឃុំប្រាសាទ ស្រុកសន្ទុក ខេត្តកំពង់ធំ។

ជនរងគ្រោះឈ្មោះយន់ សៀកម៉េង ភេទប្រុស អាយុ៣២ឆ្នាំ ស្រុកកំណើត ភូមិចំបក់ទួលចាន់ ឃុំប្រាសាទ ស្រុកសន្ទុក ខេត្តកំពង់ធំ។បច្ចុប្បន្នមកនៅខាងប្រពន្ធ ភូមិជ័យមង្គល ឃុំបល្ល័ង្គ  ស្រុកបារាយណ៍ ខេត្តកំពង់ធំ។

តាមប្រភពពត៏មានពីកន្លែងកើតហេតុបានឱ្យដឹងថា មុនពេលកើតហេតុជនរងគ្រោះរូបនេះបានជិ:ម៉ូតូ
ម៉ាកស្មាក់ ពណ៍ខ្មៅ ស្លាកលេខ កំពង់ធំ1F 3507 ចេញពីផ្ទះខាងប្រពន្ធដែលបច្ចុប្បន្នខ្លួនរស់នៅ ភូមិជ័យមង្គល ឃុំបល្ល័ង្គ ទៅលេងឪពុកម្តាយបងប្អូននៅស្រុកកំណើត ភូមិចំបក់ទួលចាន់ ឃុំតាំងក្រសាំង ជួបជុំឪពុកម្តាយបងប្អូន បន្ទាប់មកដោយឃើញវេលាយប់ជ្រៅផងនោះ ជនរងគ្រោះបានលាឪពុកម្តាយបងប្អូន
វិលត្រឡប់មកផ្ទះខាងប្រពន្ធវិញ តែជាអកុសលមកដល់ពាក់កណ្តាលផ្លូវត្រូវបុករថយន្តពីក្រោយបណ្តាលឱ្យស្លាប់ភ្លាមៗ។សាកសពប្រន្ធកូនយកមកធ្វើបុណ្យនៅភូមិត្រស់ទៅតាមប្រពៃណី។ចំណែករថយន្តដែលបើករត់គេចប៉ូលិសចរាចរណ៍ស្រុកសន្ទុកកំពុងស្រាវជ្រាវ ដើម្បីចាប់ឃាត់យកមកដោះស្រាយទៅតាមនិតិវិធីច្បាប់។

ប្រជាពលរដ្ឋនៅកន្លែងហេតុបានឱ្យដឹងដែរ កន្លងមករថយន្តធុនធំដែលដឹកដំឡូងឫស្រូវនឹងទំនិញផ្សេងៗទៀតបានចតត្រៀបត្រា ស្ទើរជារាល់ថ្ងៃដើម្បីចូលថ្លឹងនៅស្ថានីយ៍ជញ្ជីងហេតុដូច្នេះហើយ គ្រោះថ្នាក់ចរាចរណ៍
ភាគច្រើនកើតឡើងនៅម្តុំស្ថានីយ៍ជញ្ជីងតែម្តង។ប្រជាពលរដ្ឋនៅកន្លែងកើតហេតុសង្ស័យថា រថយន្តដែលបើករត់គេចបានដោយរលូននេះ ហេតុដូចម្តេចខាងស្ថានីយ៍ជញ្ជីងមិនដឹង
ព្រោះថារថយន្តធុនធំទាំងនេះត្រូវចូលថ្លឹងលើសទំងន់ឫមិនលើសទើបអនុញាត្តឱ្យចេញ ហេតុដូច្នេះរថយន្តធុនធំដែលមានទំងន់ធ្ងន់បើករត់ដោយរលួនប្រហែលជាមានអាថ៏កំបាំង៕