ឧត្តរមានជ័យ ៖ ឈ្មួញឈើក្រញូងដ៍ល្បីឈ្មោះ ខ្វៀង ធីម៉ៃ ប្រចាំនៅទឹសទី០២ សមរភូមិជួរមុខស្រុកត្រពាំងប្រាសាទនិងស្រុកអន្លង់វែង ខេត្តឧត្ដរមានជ័យ ទើបតែចេញ ពីពន្ធធានាគារខេត្តកំពង់ធំបានមួយចំអិនកំពឹស ក៏ត្រូវបានសមត្ថកិច្ចចាប់ខ្លួនជាលើកទី២ដែលដឹកនាំចុះបង្ក្រាបដោយលោក កូយ កានយ៉ា ព្រះរាជអាជ្ញាអមសាលាដំបូងខេត្តឧត្តរមានជ័យ កាលពីរសៀលថ្ងៃទី១៧ ខែវិច្ឆិកា ឆ្នាំ២០១៧ ស្ថិតនៅទីតាំងឃ្លាំងស្តុកឈើមួយកន្លែង នៅក្នុងភូមិមួយរយប្រាំ ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ។
ក្រោយពីមានដីការបង្គាប់អោយចាប់ខ្លួនរបស់លោក ទ្រី សុភក័ អនុប្រធាននិងជាចៅក្រមស៊ើបសួរ នៃសាលាដំបូងខេត្តឧត្តរមានជ័យ បានឃើញសុំនុំរឿងព្រហ្មទណ្ឌ័លេខ១០៦ចុះថ្ងៃទី៤ ខែមេសា ឆ្នាំ ២០១៧។ក្រោយពីមានការឃាត់ខ្លួនឈ្មួញឈើខាងលើសមត្ថកិច្ចបានធ្វើការរឹបអូសបាននូវវត្ថុតាងរួមមាន រថយន្ដចំនួនពីរគ្រឿងក្នុងនោះមានរថយន្ដម៉ាកហាយឡិនឌរ័មួយគ្រឿង និងរថយន្ដម៉ាកកាមរីឆ្លាមមួយគ្រឿង បូករួមនិងឈើក្រញូងដ៍ច្រើនសន្ធឹកសន្ធាប់ផងដែ។បច្ចុប្បន្នវត្ថុតាងទាំងអស់ ត្រូវបានសមត្ថកិច្ចបញ្ជូនយកទៅរក្សាទុកនៅខណ្ឌ័រដ្ឋបាលព្រៃឈើខេត្ត រីឯជនសង្ស័យត្រូវបានបញ្ជូន ខ្លួនទៅផ្ដន្ទាទោសតាមនីតិវិធីច្បាប់៕
