កោះកុង ៖ នៅយប់ថ្ងៃទី១៥ វិច្ឆិកា ២០១៧ វេលាម៉ោង១១/១៥នាទី នៅចំណុចគេហៅស្ពានអ៊កាក់ ស្ថិតនៅក្នងភូមិជីមាល ឃុំអណ្ដូងទឹក ស្រុកបូទុមសាគរ ខេត្តកោះកុង ផ្លូវជាតិ៤មានកើតគ្រោះថ្នាក់មួយគួរឲ្យភ្ញាក់ផ្អើល ដោយប្រជាពលរដ្ឋនិយាយថា រថយន្តឧកញ៉ាតូចព្រលះរថយន្តឧកញ៉ាធំពេញទំហ៊ឹង។
រថយន្តម៉ាកហ៊ីណូភ្លៅ៥សណ្តោងរឺម៉កពណ៌ខៀវ ពាក់ស្លាកលេខ 3B5586 ជារថយន្តដឹកទំនិញរបស់ឧកញ៉ា គាធី ដែលជាឧកញ៉ាវ័យក្មេង រកស៊ីដឹកទំនិញចូលតាមច្រកទ្វារចាំយាម ដឹកទៅភ្នំពេញចែកចាយបន្តទៀត
បានបុកគ្នាជាមួយរថយន្តរបស់ថៃ ម៉ាកអីស៊ុយស៊ុយពណ៌ស ពាក់ស្លាកលេខ 62•6262 ជារថយន្តរបស់ថៃ នៅក្នុងរថយន្តថៃនេះបានដឹករថយន្តមួយគ្រឿង ជារថយន្តប្រណាំងពាក់ស្លាកលេខភ្នំពេញ 2AY2222 ហើយបើតាមសម្ដីប៉ូលីសនឹងប្រជាពលរដ្ឋបាននិយាយថា រថយន្តតូចនេះជារថយន្តរបស់លោកឧកញ៉ា ហ៊ុន តូ ដែលបានដឹកចេញពីទីក្រុងភ្នំពេញយកទៅប្រទេសថៃ។ តាមសម្ដីប៉ូលីសនឹងពលរដ្ឋបានបន្តថា រថយន្តតូចនេះមានតំលៃថ្លៃណាស់ ២.800.000ដុល្លា(2លានប៉ែតសិបម៉ឺនដុល្លាអាមេរិក)តែតម្លៃពិតប៉ុន្នាននោះ យើងមិនអាចដឹងនៅឡើយទេ។ចំណែករថយន្តថៃ បើកបរដោយជនជាតិថៃតែម្ដង មានគ្នាបីអ្នក ហើយត្រូវរបួសធ្ងន់ មិនមានមនុស្សស្លាប់ទេ អ្នកទាំងបីនោះមិនទាន់ដឹងអត្តសញ្ញាណទេ ពីព្រោះប៉ូលីសមកមិនទាន់ទេ គេដឹកទៅមន្ទីរពេទ្យបាត់ទៅហើយ។
តៃកុងរថយន្តរបស់ឧកញ៉ា គាធី ក៌ត្រូវរបួសធ្ងន់ដែរ ហើយដឹកយកទៅមន្ទីរពេទ្យបាត់ទៅ ប៉ូលីសក៏មិនទាន់ដឹងអត្តសញ្ញាណដែរទេ។ចំណែកឥវ៉ាន់ក្នុងរថយន្តឧកញ៉ា គាធី បានក្អែចេញសុទ្ធតែភេសជ្ជៈបាកាសនិងគ្រឿងកំប៉ុងរាប់ពាន់កេះ។
គួររំលឹកថា រថយន្តដឹកទំនិញរបស់ឧកញ៉ា គាធី គឺមានទម្លាប់បើកលឿនណាស់ កន្លងមករថយន្តគាធីនេះធ្លាប់បានបើកបុកមនុស្សស្លាប់ម្ដងហើយ។លើកទី២ បានបើកលឿនបុកបង្គោលភ្លើង ក្រឡាប់ខ្លួនឯង ក្អែចេញសុទ្ធតែឡេ លើកទី៣គឺបុកជាមួយរថយន្តថៃដែលបានដឹកកូនរថយន្តរបស់លោកឧកញ៉ា ហ៊ុន តូ នេះជាសកម្មភាពរបស់ឧកញ៉ា គាធី ដែលរកស៊ីដឹកទំនិញមកពីថៃ ហើយសង្សយ៏ថាមានបង្កប់ទំនិញគេចពន្ធ ទើបបើកលឿនបង្កហេតុដល់គេឯង គួរំលឹកផងដែរថា អ្នករកស៊ីដឹកទំនិញគេចពន្ធ មិនដែលបើករថយន្តក្នុងល្បឿនយឺតគោរពច្បាប់ចរាចរណ៏នោះទេ ពីព្រោះខ្លាចពួកមន្ត្រីគយតាមទាន់។
ចំណែកអធិការស្រុកបូទុមសាគរ លោក សុខ ថន បានប្រាប់អ្នកសារព័ត៌មានថា រថយន្តទាំងពីរ នេះមិនទាន់ដឹងខាងណាខុស ខាងណាត្រូវនៅឡើយទេ រថយន្តទាំងពីរបានយកទៅរក្សាទុកនៅកន្លែងអធិការដ្ឋាន រង់ចាំការដោះស្រាយនៅពេលក្រោយ៕ដោយ យួនឈីវ
