បាត់ដំបង ៖ មេឈ្មួញឈ្មោះយាយញ៉ រកស៊ីនាំចូលផលិតផលពីសត្វ រួមមានសាច់មាន់ គ្រឿងក្នុង ជើង ជង្គង់ ក្រញាំ ចុងស្លាបដែលច្បាប់ហាមឃាត់ លួចបង្កប់ជាមួយប្រហិតជាច្រើនប្រភេទទៀត ដោយគ្មានការត្រួតពិនិត្យ និង
មិនមានលិខិតអនុញ្ញាតិពីស្ថាប័នជំនាញ ហើយអាចមានការបន្លំចំណូលពន្ធដល់ទៅជាង៥០ភាគរយជាច្រើនឆ្នាំមកហើយ ហើយដែលមេគយប្រចាំច្រកអូររំដួល នៃស្រុកភ្នំព្រឹក ខេត្តបាត់ដំបង បានរងការរិះគន់ថាបានឃុបឃិតជាមួយយាយញ៉ក្នុងការនាំចូលពីប្រទេសថៃ។
ប្រភពបានឲ្យដឹងថា ច្រកអូររំដួល ស្ថិតក្នុងស្រុកភ្នំព្រឹក ខេត្តបាត់ដំបង ជាទូទៅខាងនគរបាលអន្តោប្រវេសន៍ ពេទ្យសត្វ ជំនាញគយ កាំកុងត្រូល បានអនុញ្ញាតិអោយរថយន្តធំៗ ប្រភេទកង់១០ចូលទៅដឹកទំនិញខុសច្បាប់ពីទឹកដីថៃ យ៉ាងតិច២ទៅ៤គ្រឿងក្នុងមួយថ្ងៃ ហើយការដឹកប្រហិតគ្រប់ប្រភេទ ចាប់ពីម៉ោង២ឬម៉ោង៣រសៀល រហូតដល់ម៉ោង៦ល្ងាច ឬដល់ម៉ោង៩យប់ទើបរថយន្តទាំងនោះ ដឹកប្រហិតចេញមកវិញ បើកកាត់មុខសមត្ថកិច្ចគ្រប់ស្ថាប័នប្រចាំច្រកអូររំដួល តែគ្មានអ្នកត្រួតពិនិត្យនោះទេ ដោយគ្រាន់តែគេធ្វើឯកសារប្រតិវេទន៍គយ បង់ពន្ធ១
រថយន្តត្រឹមតែ៥ទៅ៦តោនប៉ុណ្ណោះ តែបើតាមសភាពជាក់ស្តែង រថយន្តមួយគ្រឿងអាចផ្ទុកទំនិញ
យ៉ាងតិច១២ទៅ១៥ តោន គឺជំនាញគយបានឃុបឃិតជាមួយឈ្មួញបន្លំពន្ធយ៉ាងរលូន។
មន្ត្រីជំនាញពេទ្យសត្វ ក៏ដូចជាខាងកាំកុងត្រូល បានអោយដឹងថា សកម្មភាពដឹកប្រហិតផលិតផល
មានដើមកំណើតពីសត្វ គឺច្បាប់មិនអនុញ្ញាតិអោយនាំចូលឡើយ ព្រោះជាប្រភេទទំនិញជាប់អា
ញ្ញាតិ្ដ តែបើមានលិខិតពីក្រសួងកសិកម្ម រុក្ខាប្រម៉ាញ់ និងនេសាទ ទើបមានសិទ្ធ
បង់ពន្ធនាំចូល និងត្រូវមានការពិនិត្យឲ្យបានត្រឹមត្រូវពីជំនាញពេទ្យសត្វ ក៏ដូចជាកាំកុងត្រូល មិនមែន
គយចេញប្រតិវេទន៍បង់ពន្ធតាមបែបលោតឆ័ត្រនោះទេ។ ម្យ៉ាងទៀតការអនុញ្ញាតិឲ្យនាំចូល
ប្រហិតដោយខុសច្បាប់ មកចែកចាយនៅលើទីផ្សារ ប្រឈមនិងហានិភ័យខ្ពស់ ប៉ះពាល់ដល់សុខភាព ប្រជាពលរដ្ឋ ជាអ្នកទិញយកទៅបរិភោគខណះផលិតផលទាំងនោះមិនបានពិនិត្យអោយបានត្រឹមត្រូវ ពីជំនាញ ពេទ្យសត្វ កាំកុងត្រូល មានន័យថា សមត្ថកិច្ចពាក់ព័ន្ធបានឃុបឃិតគ្នាពុករលួយ ជាមួយឈ្មួញ មានចេតនាបំផ្លាញសុខភាពពលរដ្ឋដែលបានបរិភោគ ។
ប្រភពបានឱ្យដឹងថា ករណីឃាត់រថយន្តដឹកប្រហិតលោតឆ័ត្រ
ទាំង២គ្រឿងនៅខេត្តកំពង់ឆ្នាំងកាលពីពេលថ្មីៗនេះ ហើយដោះលែងទៅវិញ ជាកម្មសិទ្ធរបស់
យាយញ៉ ដែលជាឈ្មួញល្បីឈ្មោះរកស៊ីនាំចូលផលិតផលពីសត្វហើយល្មើសច្បាប់ ជាយូរយាមកហើយ។
ផលិតផលពីសត្វទាំងនោះមានដូចជា សាច់មាន់ គ្រឿងក្នុង ជើង ជង្គង់ ក្រញាំ ចុងស្លាបដែល
ច្បាប់ហាមឃាត់ ដោយគេបង្កប់ជាមួយប្រហិតជាច្រើនប្រភេទទៀត ហើយ
យាយញ៉ រកស៊ីបែបនេះដុះស្លែយូរមកហើយ ព្រោះអ្នកមានអំណាចមួយចំនួន ជាអ្នកចាំជួយ
អន្តរាគមន៍ ត្រឹមមន្ត្រីជំនាញឬសមត្ថកិច្ចថ្នាក់ក្រោម មិនហ៊ានក្អកនោះទេ ។
ករណីនេះ យើងពុំអាចសុំការបំភ្លឺ ពីមេគយច្រកអូររំដួលបានឡើយ ព្រោះពុំមានលេខទូរសព្ទ័៕
