រាជធានីភ្នំពេញ ៖ នៅថ្ងៃទី៩ ខែវិច្ឆិកា ឆ្នាំ២០១៧នេះ កម្ពុជាបានប្រារព្ធពិធីបុណ្យឯករាជ្យជាតិ ដែលជាខួប៦៤ឆ្នាំនៃការដណ្តើមបានឯករាជ្យពីបារាំង (៩ វិច្ឆិកា ១៩៥៣-៩ វិច្ឆិកា ២០១៧) ក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះមហាក្សត្រខ្មែរ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ។
ពិធីបុណ្យឯករាជ្យដ៏អធិកអធម្មនេះក៏មានការអញ្ជើញចូលរួមផងដែរពី សម្តេចសេនាភក្តី សាយ ឈុំ ប្រធានព្រឹទ្ធសភា សម្តេចពញាចក្រី ហេង សំរិន ប្រធានរដ្ឋសភា និងសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី មន្ត្រីរាជការមកពីតាមក្រសួងស្ថាប័ននានា ព្រមទាំងប្រជាពលរដ្ឋ យុវជន និងសិស្សានុសិស្សយ៉ាងច្រើនកុះករ ៕
