បាត់ដំបង ៖ តាមប្រភពព័ត៌មានឲ្យដឹងថា ឈ្មោះ នី ជាឈ្មួញរកស៊ីដឹកកូនត្រីឆ្តោរធំជាងគេ នៅបាត់ដំបង យកទៅលក់អោយប្រជាពលរដ្ឋនៅភូមិឃុំព្រៃចាស់យ៉ាងគគ្រឹកគគ្រេង មិនមានអ្នកបង្ក្រាប ចំណែកមន្ត្រីជលផលនៅថ្ងៃទី២៤ ខែសីហា ឆ្នាំ២០១៤ ថាបានកំពង់បង្ក្រាបករណីនេះ ។
តាមប្រភពខាងលើអោយដឹងទៀតថា ឈ្មោះ នី បានដឹកកូនត្រីឆ្តោរាប់ម៉ឺនក្បាល ពីស្រុកយួនចូលមកទឹកដីបាត់ដំបងតាំងពីថ្ងៃទី១៥ ខែក្កដា ឆ្នាំ២០១៤ ។ ពេលឈ្មួញ នី ដឹកកូនត្រីតាមទូក ឬកាណូតស្មាច់ សមត្ថកិច្ចបានត្រឹមតែមើលឈ្មួញដាក់សែនព្រេនត្រូវគ្នាដឹកយ៉ាងរលូន ។ នៅថ្ងៃទី១៩ ខែសីហា សមត្ថកិច្ចកាក់នៅលើរថយន្តក្នុងស្រុកសង្កែទៀត មិនបានធ្វើអ្វីនោះទេ គឺទទួលសំណែនរួចអោយដឹកបន្តទៅមុខទៀត ។
លោក ជួង សុភា នាយខណ្ឌរដ្ឋបាលជលផលខេត្តបាត់ដំបង នៅថ្ងៃទី២៤ ខែសីហា បានប្រាប់តាមទូរស័ព្ទអោយដឹងថា រូបលោកបានដឹកនាំកម្លាំងបង្ក្រាបការនាំចូលកូនត្រីឆ្តោរបានចំនួន១០ត្រើង នៅចំណុចក្បាលតោស្រុកមោងឬស្សី ខេត្តបាត់ដំបង ហើយនិងឈានទៅបង្ក្រាបនៅចំណុចភូមិឃុំព្រៃចាស់ទៀត ។
ការចិញ្ចឹមកូនត្រីឆ្តោរនេះ វាបង្កអោយបាត់បង់ពូជត្រីធម្មជាតិរាប់រយលានក្បាល ដោយការចាប់ត្រីធម្មជាតិយកមកធ្វើចំណីត្រីចិញ្ចឹម ហើយបើត្រីនេះរួចចូលក្នុងស្ទឹងអូរព្រែក វានិងស៊ីត្រីផ្សេងៗជាចំណីរបស់វា និងស៊ីមនុស្សជាចំណីផងក៏ថាបាន ៕
