បាត់ដំបង ៖ កាលព្រឹកថ្ងៃទី២៥ ខែសីហា ឆ្នាំ២០១៤ តាមប្រភពអ្នករត់តាក់ស៊ីអោយដឹង នៅរង្វង់មូលអណ្តូងចេញក្នុងសង្កាត់អូរចារក្រុងបាត់ដំបង រថយន្តដឹកទំនិញសំពីងសំពោងលើសទំងន់ត្រូវផាកពិន័យចំនួន៨ពាន់រៀល ដឹក មនុស្ស ដាក់ខាងមុខ ២ នាក់បង់ ៨ ពាន់រៀ រថយន្តធំចូលក្រុង២ម៉ឺនរៀល ។ ការដឹកលើស នគរបាលហៅផាកពិន័យ ជាប្រចាំ មិនបានណែនាំស្អីទេ បើប្រភេទរថយន្តនីសាន់វិញដាក់មនុស្សលើសផងអីវ៉ាន់លើសផង ក៏ផាកពិន័យតែ១បុងដែរ បើផាកលើស អាចនិងដាច់ម៉ូយនៅថ្ងៃស្អែក ។
នគរបាលចរាចរណ៍រងការិះគន់ផាកពិន័យជាខែល ទោះជាមានវិក័យប័ត្រក្តីគឺធ្វើអាជីវកម្មប្រចាំថ្ងៃ ព្រោះរថយន្តដឹកសំពីងសំពោងមានតែរថយន្តដដែល និងរថយន្តតាក់ស៊ីដឹកមនុស្សលើសជារថយន្តមុខដដែលមិនមានការកែប្រែផ្លាស់ប្តូរឡើយ។
មន្ត្រីនគរបាលចរាចរណ៍បានអោយដឹងថាការផាកពិន័យមានវិក័យប័ត្រត្រឹមត្រូវហើយក៏មិនបាន១០០ភាគរយដែរតែយ៉ាងហោចណាស់ក៏បាន៩៥ភាគរយដែរ ហើយសមត្ថកិច្ចឈប្រចាំការបានប្រាក់បដិភាគប៉ុណ្ណោះ ចំពោះប្រាក់ប្រមូលពីការផាកពិន័យប្រគល់ជូនលោក ស្នងការដ្ឋាននគរបាលខេត្តបាត់ដំបងជាអ្នកចាត់ចែង ។
ប្រភពអ្នករកស៊ីថារថយន្តធន់ធំមិនអនុញ្ញាតចូលក្រុងទេតែបើម្ចាស់រថយន្តបង់ក្នុង១ជើងឬ១លើក២ម៉ឺនរៀលអាចបើកបរចូលដឹកដោយសេរីម្យ៉ាងទៀតរថយន្តដឹកទំនិញលោកកុងទ្រីឬលោកប៉ុលស៊ីនួនបើកចូលក្រុងវិញសមត្ថកិច្ចមិនហ៊ានទៅក្បែរ នេះសបញ្ជាក់ថា ការធ្វើការងារនិយមបក្សពួកនៅឡើយ។
មតិរិះគន់ថាកាផាកពិន័យលើរថយន្តដដែលជាលេសស្របច្បាប់ ផាកមិនរាងចាល យកប្រាក់រាល់ថ្ងៃមិនមានការអប់រំឬណែនាំ អោយរថយន្តទាំងនោះឈប់ដឹកមនុស្សលើសកំណត់ ដាក់ខាងមុខ៤នាក់ឬដឹកអីវ៉ាន់សំពីងសំពោង ។ ដូច្នេះសរុបសេចក្តីមកការអនុវត្តបែបនេះដូចដាក់កុងត្រូល ឬធ្វើឬប៉ុស្តិ៍អាជីវកម្ម ចំណែកគ្រោះថ្នាក់ចរាចរណ៍នៅតែមានកំណើនដដែល។
អ្នកសារព័ត៌មានពុំអាចសុំការបំភ្លឺពីលោកសាតគឹមសាន្តប្រធានការិយាល័យចរាចរណ៍ផ្លូវគោក និងលោកសថេតស្នងការខេត្តបាត់ដំបងបានឡើយ អ្នកយាមមិនអនុញ្ញាតអោយចូលជួប ៕
