ខេត្តកំពង់ឆ្នាំង ៖ ឃុំក្រាំង ស្គារមានចំនួន ១៣ភូមិ ស្ថិតនៅ ក្នុងភូមិសាស្ត្រស្រុកទឹកផុស ខេត្តកំពង់ឆ្នាំង ដោយឡែកភូមិ ដំណាក់អំពិលដែលមានប្រជា ពលរដ្ឋមកពីគ្រប់ខេត្តនិងក្រុង មករស់នៅដោយអាស្រ័យផល ធ្វើស្រែ និងចំការ ។ បច្ចុប្បន្ន ប្រជាពលរដ្ឋដែលមានទីលំនៅ ចំណុច ១០៤ សព្វថ្ងៃនេះ កំពុង តែកើតមានរឿងវិវាទដីធ្លីជា មួយនិងបញ្ជាការដ្ឋានកាំភ្លើងធំ ដែលមានទីតាំងនៅចំណុចវ៉ា ស្លាត តែត្រូវបានឧត្តមសេនីយ៍ ទោ នួន វិចិត្រ ធ្វើការរំលោភ បំពានយកដីស្រែប្រជាពលរដ្ឋ ចំនួន ៥០ហិកតា ស្មើនិង ៤៥ គ្រួសារ ដីព្រៃក្បាលស្រែ ចំនួន ៧៧ ហិកតា ដីព្រៃកាប់រានចំនួន ៥៩ហិកតា ស្មើនិង ៣១គ្រួសារ។
ផ្អែកតាមការបោះបង្គោល ព្រំនិងការជីកកកាយព្រំដីរបស់ កងកាំភ្លើងធំមានផ្ទៃដីឡើងដល់ ៣០៤០ហិកតា លើសពីផ្ទៃដី កំណត់ក្នុងស.ជ.ណ ៤០ហិកតា ដី៣០០០ហិកតា របស់បញ្ជា ការដ្ឋានកងកាំភ្លើងធំគ្រប់ ដណ្តប់លើ ដីសម្បទានសេដ្ឋកិច្ច របស់ក្រុមហ៊ុន ភាពពីម៉ិច ទំហំ ២២៧៩ហិកតា ដីគម្របព្រៃ ឈើឆ្នាំ ២០០២
ទំហំ ៦៥៨ ហិកតា ដីដែនជម្រកសត្វព្រៃភ្នំ ឱរ៉ាល់ទំហំ ៦៣ហិកតា នេះមន្ទីរ រៀបចំដែនដីនគរូបនីយកម្ម សំណង់ និងសុរិយោដីខេត្ត ក្រុម ការងារចម្រុះខេត្តបានចុះពិនិត្យ ដីបញ្ជា ការដ្ឋានកងកាំភ្លើងធំ កាលពីថ្ងៃទី ០៥-០៦ ខែសីហា ឆ្នាំ២០១៤ប៉ុន្តែដីបញ្ជាការដ្ឋាន កងកាំភ្លើងធំ មានទំហំតែត្រឹម ៣០០០ហិកតាទេ ដែលបាន កំណត់តាមផែនទីឧបសម្ព័ន្ធនៃ ស.ជ.ណ លេខ ១៥១២ ចុះថ្ងៃ ទី ០៥ ខែធ្នូ ឆ្នាំ២០១១ របស់ ទីស្តីការគណៈរដ្ឋមន្ត្រី ។
យោងតាមប្រភពព័ត៌មានពី ប្រជាពលរដ្ឋនៅភូមិដំណាក់ អំពិលបានខ្សឹបប្រាប់អ្នកយកព័ត៌ មានឱ្យដឹងថា ឧត្តមសេនីយ៍ទោ នួន វិចិត្រ និងលោកវរៈសេនីយ៍ ឯក ចាន់ សុផាត ដែលមានអត្ត លេខ ០៣៦៧៨៥ និងកូនចៅ របស់ខ្លួន កាលពីថ្ងៃទី ១១ ខែ ឧសភា ឆ្នាំ២០១៣ វេលាម៉ោង ប្រហែល ១១ និង៣០នាទីថ្ងៃ ត្រង់ ប្រដាប់ដោយអាវុធ AK ពីរដើម មកបាញ់គំរាម ចំនួន ០៤ គ្រាប់ ដោយពុំបានសួររក ហេតុផលអ្វីបន្តិចសោះឡើយ ។
ដោយឃើញសកម្មភាពទា ហានទំនើងបែបនេះ ពួកគាត់ ទាំងអស់គ្នាភ័យស្លន់ស្លោហើយ បានរត់គេចខ្លួនពីការបាញ់ប្រហារ ដ៏សាហាវដើម្បីធានាដល់អាយុ ជីវិតរៀងៗខ្លួន ។
នៅថ្ងៃទី ១៣ ខែឧសភា ឆ្នាំ២០១៣ វេលាម៉ោងប្រហែល ១១ និង០៦នាទីថ្ងៃត្រង់ ស្រាប់ តែមានទាហានចំនួន ៣រូប ដឹក នាំដោយឧត្តមសេនីយ៍ទោ នួន វិចិត្រ បានមកដល់ចំណុចដដែល ភ្លាមនោះបានបញ្ជាឱ្យប្រជាពល រដ្ឋដែលមានទីលំនៅភូមិដំណាក់ អំពិលឱ្យចុះមកពីលើផ្ទះតម្រង់ ជួរបានហាមឃាត់មិនឱ្យពួកគាត់ កាប់ព្រៃ
ដែលពួកគាត់បានគ្រប់ គ្រងតាំងពីឆ្នាំ១៩៩៣មកម្ល៉េះ ។ មិនតែប៉ុណ្ណោះថែមទាំងបានប្រើ ពាក្យគំរាមធ្ងន់ៗថា បើហ៊ាន កាប់ឆ្កាព្រៃនេះបន្តទៀត អញ ហ្នឹងបាញ់ឱ្យបាក់ជើងនៅហ្នឹង កន្លែងហើយចាប់ដាក់ខ្នោះដៃរួចបញ្ជូនទៅតុលាការរាល់ទង្វើ ខាងលើប្រជាពលរដ្ឋនៅក្នុងឃុំ ក្រាំងស្គារមានការក្តៅក្រហាយ យ៉ាងខ្លាំង និងធ្វើការរិះគន់ថា “ទាហានបញ្ជាការដ្ឋានកងកាំ ភ្លើងធំ”ពិតជាមានចេតនា រំលោភបំពានយកដីដែលពួក គាត់បានអាស្រ័យផលនោះដើម្បី ទុកបែងចែកដល់បក្ខពួករបស់ ខ្លួនតែប៉ុណ្ណោះ ។
ប្រជាពលរដ្ឋសួរថា នេះឬ ក្រមសីលធម៌និងវិន័យរបស់កង យោធពលខេមរភូមិន្ទដែលហៅ ថា ទាហានក្លាហាន ទាហាន តស៊ូ ទាហានថ្លៃថ្នូរ ? ។ ប្រជា ពលរដ្ឋទូទាំងខេត្តកំពង់ឆ្នាំងធ្វើ ការសំណូមពរដល់នាយឧត្តម សេនីយ៍ គន់ គីម និងនាយឧត្តម សេនីយ៍ មាស សុភា មេត្តាបើក ភ្នែកឱ្យធំៗហើយពិនិត្យមើលដល់ កូនចៅថ្នាក់ក្រោម
ឱវាទរបស់ ខ្លួនផង បើបណ្តែតបណ្តោយឱ្យ កូនចៅប្រព្រឹត្តអំពើអមនុស្សធម៌ រេបៀបនេះគឺពិតជាខូចពូជទា ហានអស់ហើយលោកម្ចាស់ ។
ប្រជាពលរដ្ឋមានក្តីសង្ឃឹម យ៉ាងមុតមាំ និងជឿជាក់ថា មានតែសម្តេចអគ្គមហាសេនា បតីតេជោ ហ៊ុន សែន ទេ ដែល ជាប្រមុខរាជរដ្ឋាភិបាល“សម្តេច បានពោលថា ទុក្ខកង្វល់របស់ ប្រជាពលរដ្ឋនិងក្តីលំបាកក៏ដូចជា ទុក្ខក្តីកង្វល់របស់សម្តេចដែរ” ៕
ដោយ ៖ ឃ្លាំងមឿង
