ខេត្តព្រះសីហនុ ៖ តាមប្រភព ពីប្រជាពលរដ្ឋរស់នៅភូមិកោះ រ៉ុងតូច ភូមិទឹកត្រី និងភូមិព្រែកស្វាយ សង្កាត់កោះរ៉ុង ក្រុង-ខេត្តព្រះសីហនុ បានឱ្យដឹងថា ពួកគាត់ប្រហែល ៧៨០គ្រួសារ ដែលបានរស់នៅតាំងពីឆ្នាំ១៩៨៩ រហូតដល់ឆ្នាំ២០១៤ ប្រជាពលរដ្ឋមួយចំនួន ប្រកបរបរនេសាទ ខ្លះធ្វើស្រែចំការដាំដូងរាប់រយ ហិកតា និងខ្លះទៀតលក់អីវ៉ាន់ តាមផ្ទះរៀងៗខ្លួន ដោយគ្មាន អ្នកណាមករំខានរូបគាត់ឡើយ ទើបតែមកដល់ខែកុម្ភៈ ឆ្នាំ២០ ០៨រាជរដ្ឋាភិបាលបានសម្រេច យកដីនៅតំបន់ សង្កាត់ កោះរ៉ុង វិនិយោគទៅឱ្យក្រុមហ៊ុនរ៉ូយ៉ាល់ គ្រុបរបស់លោកឧកញ៉ា គិត ម៉េង ទៅវិញ ។
ដោយមន្ត្រីសាលាខេត្តព្រះសីហនុធ្វើរបាយការណ៍ឃុបឃិត គ្នាជូនទៅទីស្តីការគណៈរដ្ឋមន្ត្រី ឬរាជរដ្ឋាភិបាលភូតកុហកថា គ្មានប៉ះពាល់ ឬគ្មានប្រជាពលរដ្ឋ រស់នៅតំបន់សង្កាត់កោះរ៉ុងទេ! ហេតុដូច្នេះហើយទើបថ្នាក់លើ សម្រេចឱ្យតំបង់សង្កាត់ កោះរ៉ុង វិនិយោគទៅឱ្យក្រុមហ៊ុនរ៉ូយ៉ាល់ គ្រុប របស់ឧកញ៉ា គិត ម៉េង ។
ទន្ទឹមនិងនោះដែរគេឃើញ មានប៉េអឹមទៅដេកចាំយាមឱ្យ ក្រុមហ៊ុនធ្វើឱ្យប្រជាពលរដ្ឋឆ្ងល់ ថា កម្លាំងប៉េអឹមខេត្តព្រះសីហនុ ជាមន្ត្រីកងកម្លាំងស៊ីប្រាក់ខែរាជរដ្ឋាភិបាល ។ ហេតុអ្វី !បានទៅ ដេកយាមចាំដីឱ្យក្រុមហ៊ុនរ៉ូយ៉ាល់ គ្រុបទៅវិញ ! ។
ម្យ៉ាងវិញទៀត មានខ្យល់ ព្យុះផ្តួលរលំផ្ទះសម្បែងខ្ទេចខ្ទី អស់ហើយប្រជាពលរដ្ឋបានខិតខំ សាងសង់លំនៅដ្ឋាន វិញ ប៉ុន្តែ ត្រូវពួកមន្ត្រីកងកម្លាំងប៉េអឹម ខេត្តព្រះសីហនុ ដែលដេកយាម ចាំដីឱ្យក្រុមហ៊ុន រ៉ូយ៉ាល់ គ្រុប របស់ឧកញ៉ា គិត ម៉េង ហាម ឃាត់ ប្រជាពលរដ្ឋនៅសង្កាត់ កោះរ៉ុងមិនឱ្យសាងសង់លំនៅ ដ្ឋានឡើងវិញ និងធ្វើស្រែចំការ ឬដាំដុះទេ ។ ដោយមន្ត្រីសាលា ខេត្តព្រះសីហនុ និងកម្លាំងមន្ត្រី ប៉េអឹមខេត្តព្រះសីហនុរាប់សិប នាក់ឃាត់ ហើយឱ្យទៅសុំការ អនុញ្ញាតពីក្រុមហ៊ុនរ៉ូយ៉ាល់គ្រុប សិន ! ទើបអាចសាងសង់ផ្ទះធ្វើ ស្រែចំការបាន បើមិនដូច្នោះ ត្រូវមន្ត្រីប៉េអឹមខេត្តព្រះសីហនុ ចាប់ដាក់ខ្នោះញាត់គុកជាមិន ខានទេ ! ។
លោកអភិបាលរងក្រុងព្រះ សីហនុមួយរូប លី វណ្ណា បាន ប្រាប់អ្នកសារព័ត៌មានថ្ងៃនេះថា នៅវេលាម៉ោង ២ និង០៥នាទី ល្ងាច ថ្ងៃទី ១៦ ខែសីហា ឆ្នាំ ២០១៤ ថាបញ្ហាដីតំបន់សង្កាត់ កោះរ៉ុងនេះ លោក លី វណ្ណា គ្មានអ្វីបកស្រាយទេ ! បើអ្នក សារព័ត៌មានចង់ដឹងទៅសួរនាំ លោកអភិបាលខេត្តព្រះសីហនុ ខ្លួនឯងទៅ ។
ប្រជាពលរដ្ឋរស់នៅភូមិបី សង្កាត់កោះរ៉ុង សុំឱ្យរាជរដ្ឋាភិ បាលចេញប័ណ្ណកាន់កាប់ដីធ្លីជូន ប្រជាជនចំនួនប្រហែល ៧៨០ គ្រួសារ ងាយស្រួលរូបគាត់គ្រប់ រូបប្រកបរបរធ្វើស្រែចំការឬធ្វើ ផ្ទះសម្បែងផងចុះ ! ។ កុំឱ្យមន្ត្រី សាលាខេត្តមួយចំនួនតូចឬមន្ត្រី ខិលខូចខ្លះនិងកម្លាំងមួយចំនួន ចេះតែគាបសង្កត់ប្រជាជនគ្រប់ រូបភាព ៕
ដោយ ៖ នាគសមុទ្រ
