ខេត្តស្ទឹងត្រែង ៖ តាមប្រភព ព័ត៌មានពីខេត្តស្ទឹងត្រែង បានឱ្យ ដឹងថា បច្ចុប្បន្នមានឈ្មួញរកស៊ី ឈើយ៉ាងសកម្មឈ្មោះ តាំង វិរ៉ាដា និងឈ្មោះ ស្រេង ម៉េង ដែលជាយោធាបានយកឈ្មោះ ក្រុមហ៊ុនទ្រីភាពបំផុសប្រជាពល រដ្ឋនៅស្រុកសៀមប៉ាងនិងស្រុក សេសានឱ្យចូលព្រៃក្នុងតំបន់ ហាមឃាត់កាប់ឈើយកមក លក់ឱ្យពួកគេដើម្បីលក់បន្តឱ្យ ក្រុមហ៊ុនទ្រីភាព ។
ដោយក្រុមហ៊ុនទ្រីភាព បានបង្កើតឃ្លាំងស្តុកឈើដ៏ធំមួយ នៅស្រុកសៀមប៉ាង ខេត្តស្ទឹងត្រែង ទើប តាំង វិរ៉ាដា និង ស្រេង ម៉េង បានពង្រឹងអំណាច របស់ខ្លួនក្នុងការធ្វើអាជីវកម្មបទ ល្មើសព្រៃឈើគ្រប់ប្រភេទ ព្រម ទាំងសម្របសម្រួលសមត្ថកិច្ច ពាក់ព័ន្ធគ្រប់ស្ថាប័នទាំងអស់ឱ្យ បិទមាត់និងធ្វើមិនដឹងមិនឮពី ការរកស៊ីបទល្មើសរបស់ខ្លួន ។
តាំង វិរ៉ាដា នូវមានប្អូន ប្រុសឈ្មោះ តាំង សុផាន់ណា ជាអ្នកចេញមុខសម្របសម្រួល ជាមួយអាជ្ញាធរមានសមត្ថកិច្ច ពាក់ព័ន្ធហើយក៏ជាអ្នកជំនួសមុខ ឱ្យ តាំង វិរ៉ាដា និងស្រេង ម៉េង ក្នុងការដោះស្រាយលាភសក្ការៈ ជូនមន្ត្រីជំនាញមួយចំនួនដែល ប្រព្រឹត្តអំពើពុករលួយជួយបិទ បាំងការរកស៊ីបំផ្លាញព្រៃឈើ របស់មេឈ្មួញទាំងពីរនាក់ខាង លើ ។
ប្រភពព័ត៌មានបានឱ្យដឹង ទៀតថា មេឈ្មួញឈើដ៏ល្បី ឈ្មោះទាំងបីរូបខាងលើ បាន ប្រើប្រាស់កិត្តិនាមក្រុមហ៊ុន លោកឧកញ៉ា ទ្រី ភាព ដែល មានអាជ្ញាប័ណ្ណឈើស្របច្បាប់ យកមករកស៊ីទិញឈើល្មើស ច្បាប់មកលក់ឱ្យក្រុមហ៊ុនទ្រីភាព រកផលប្រយោជន៍ខ្លួនឯង តែ អ្នករងគ្រោះដែលខូចឈ្មោះ គឺ ក្រុមហ៊ុនឧកញ៉ាទ្រីភាពទៅវិញ។
តាមប្រភពព័ត៌មានពីស្រុក សៀមប៉ាង បានឱ្យដឹងថាគេបាន រាយការណ៍ពីស្រុកសៀមប៉ាង មកថា ស្រេង ម៉េង ហៅម៉េង ៣ពូថៅ បានប្រមូលទិញឈើ គ្រញូង ធ្នង់ បេង នាងនួនយក មកស្តុកទុកទីតាំងដ៏ធំមួយ ស្ថិត នៅក្បែរក្រុមហ៊ុនវាយថ្មរបស់ ចិន ក្នុងភូមិតាឃែង ឃុំព្រែក មាស ស្រុកសៀមប៉ាង ខេត្តស្ទឹង ត្រែង ។
ជាទូទៅ ម៉េង ៣ ពូថៅ បានប្រមូលទិញឈើពីប្រជាពល រដ្ឋសមត្ថកិច្ច ជំនាញរដ្ឋបាលព្រៃ ឈើដឹកតាមទូកតាមរថយន្តប៉ា កុងកែច្នៃយ៉ាងអនាធិបតេយ្យ បំផុតចេញពី
តំបន់ព្រៃសួនឧទ្យានជាតិវីរៈជ័យ ជាប់ព្រំដែនខេត្ត រតនគិរី និងតំបន់ព្រៃសហគមន៍ ដែលត្រូវការពារដោយអនុក្រឹត្យ។
ពាក់ព័ន្ធករណីនេះថ្ងៃនេះ មិនអាចទាក់ទងបានពីលោក ស្រេង ម៉េង និងលោក តាំង វិរ៉ាដា បានឡើយ ព្រោះពុំមាន លេខទំនាក់ទំនង ៕
